1
Alap hom Nuh baksa datas(i)k(i) hen kirekam kirekam otweranna, in deban mae bul mwanak ap dekam gole lowehekaye. Alap dekam zep ase sesa zer soneka zen de kama tahanna in san ta(i)h(i)p dekam zep hona mwa nain tap gwe song gwe'ak.
2
Hen Alap dekam zep ona zau sun hup gubluka, hen t(i)ngare o kama nak de honwe honwena dekam zep hen t(i)nenna (e) zau sun dak.
3
Honamwa yala in zen t(i)ngare okama yala ansa sop guk, dekam zep sangan kam tap gwe song gwe'ak, hen dep kim 150 yaklanak hatak, dekam tangan zep tap gwe'ak.
4
Benna tuju mo tanggal tuju belasnak kim hatak dekam zep bulu in aha kwatap nak t(i)s(i)k anek, Ararat mo Langnak.
5
Benna sepuluh mo tanggal satu nak kim hatak, dekam zep kwatap kwatapna e teip s(i)n dak sap dekam hona in mes tangan las(i)k tine'ak.
6
Yaklana kim empat puluh nak hatak, Nuh bak dekam zep bulu in mo togot gona mensa z(e)na syal gwezimki desa talu suhuka.
7
Desan zep mawana gagaksa zeser soneka. Hw(e)na mawana in hom etan bulu insan dep lwahal zaka, zen dekam hen dep mensan ansankam ihe song gweka. Hen dep weya namwana in k(i)tak tangan o kama nakon las(i)k.
8
Mawa hiagohena in hom etan bulsun dep lwahal zaka, dekam zep etan Nuh bak mawana mepatisa tap blata soneka, dekam de anakan tame gun hup sanha mes tangan ho namwana in las(i)l.
9
Hw(e)na, merpatina in hom mae tekla maena hlaul ku zao de zaun hup. Sap hona nama auhu kamanak al hen da'ak. Zep etan bul sun dep lwahal zaka. Nuh dekam zep tahana zi trei gubluka dekam de irik tas(i)n h(i)p, dekam zep etan bul mwanak iwe ingtaka.
10
Yaklana kim tujunak hatak, dekam zep etan Nuh bak mawana insa tapblata soneka.
11
Kam nen tangan zep etan mawana in Nuh osan dep zaitun ala (e)se mas gwen a(i)stan nabam lwahalzaka. Dekam zep tangan Nuh bak anakan tawa gweka, angkam tangan mes hona las(i)l.
12
Yaklana kim etan tuju gwek, dekam zep etan Nuh bak mawana insa tapblata soneka. Hw(e)na dekam hom etan mawana in Nuh osan dep lwahalzaka.
13
Nuh bak mo gw(e)n tahunna kim 601 tahhun nak hatak nonol ben mo tanggal satu nak, dekam tangan zep weyana in hom gwek. Dekam zep Nuh bak bulu in mo gulk kore mat gulsunnu talusuhuka, dekam zep kon kara gwe soneka eiwa kamana angkam mes tangan ki sasa gwes(i)l.
14
Z(e)we de ben mo tanggal dua pulu tuju nak kim hatak, dekam tangan zep okamana kitak tangan sasa gwes(i)k.
15
Dekam zep Alap Nuh sa gubluka,
16
"Angkam sap esa we wal oban, walas om hen aebo wal oban bulu ingkon gol(e) wet so gwe.
17
Angkam sap esa t(i)ngare nwemase kam de mawana tapblata sonebiri, hen aha kore otweranna. Betetek wenya bitdankam de (e)(i)l gwehal gwen wenya, zen deka etan (e) wal lok gwek, (e) beya gwenkam deka etan langana ansa sunul sone song gwek.