¹ Alap dekam zep Nuh Baksa gubluka, "Eiwa em an aha en zen en tangan angkam de Langnak awe, ano dwam gwebin sin de ang gwen zini. Zep emki ere mo we wal walas naban buluk iwe gol(e) b(i)t(i) gwen. ² T(i)ngare o twerana, men zen Abe hap de trutaseblan hap (e)dakas t(i)'(i)n, desa buluk iwe b(i)t(i)g(i)l. Zirya tujukam wenya hen tuju enkam. Hw(e)na kun nabare o tweranna desa dan dan en, wenyaban ziryaban. ³ Mawakam dena hen kirekam: T(i)ngare nwemase mawana tuju(pasang)kam kirekam syal gwebir t(i)ngare nwemase o-tweran hap, zen deka etan (e) wal lok gwe song gwek ho namwa de hya gwes(i)nk(i)m ⁴ Sap yaklana angkam tuju enkam, dekam asa o-yala auhu kama san dep zer soner holona 40 yaklaka, hen 40 orap kansa (i)lt(i)la E asa ngaya gwen o-tweranna timbwas tabir. Men desa sap (E)na auhu kama nak dep yang tabikke. ⁵ Nuh dekam zep k(i)tak syal gwebirki, syala in desa Alap golblakaye. ⁶ Hwena ho namwa yala in kim o-kamana ansa sop guk, dekam Nuh bak mo gw(e)na 600 nuk mes hatak. ⁷ Dekam zep Nuh bak, z(e)naka de ngaya tabin hip, we zem, dan ahare walas zem hen dan ahare aebo wal zem in han buluk iwe gil(e)b(i)t(i)gweka. ⁸ Men kirekam Alap Nuh baksa gu gubluka, zep hen dep t(i)ngare o-twerana, dawem dawemna hen karek karekna, mawana, ⁹ (i)l gwehankam de sek gwe gwen o-teranna Nuh onak yang gwezak, we zem zi zemkam, bulu iwe de b(i)t(i) gwen hap. ¹⁰ Kim yaklana tujunak hatak, dekam zep ho namwala yala in, o-kama yala ansa sul sonek. ¹¹ Yaklana kim tuju belas nak hatak, zao de ben nak, dekam zep Nuh mo gw(e)n tahuna 600 tahun nak hatak. Dekam zep t(i)ngare ho nwe ho nwena kama ot denak dena mumuk en nak(e)se sondak hen ona dekam zep d(i)ng d(i)ngkam (i)lt(i) tineka, sande ng(i)nak de ho l(i)l(i)k(i)n s(i)de talu suhunna. ¹² O-na tewes(i)n sr(e)mkam ki (i)lt(i) tineka, yakalana empat pulu hen o-rapna empat pulu enkam. ¹³ O-na inkim (i)lt(i)ka, Nuh bak we zeban, hen dan ahare walas zem, Sem Yafet, hen Ham, hen dan ahare aebo wal zem dekam zep bulu iwe gole b(i)t(i) gweka ¹⁴ Hen kirekam t(i)ngare nwemasekam de o teranna, terya tya wenya, mumuk wenya, mawa mawana, s(i)alana bare o twerana. Mam mam wenya hen bete tek tangan wenya. ¹⁵ ... Zen k(i)tak, wenyaban ziryabankam ya(i)ng gwezak. Hen dep buluk iwe ap dekam zep Nuh mae han b(i)t(i) gwek. ¹⁶ Zirya hen wenya, in kirekam Alap Nuh baksa gu gublukake. Kim k(i)tak b(i)t(i) gwek, Alap dekam zep bul l(i)l(i)k(i)nn(i) insa sol hlas(i) inki. ¹⁷ Ho namwana in zen t(i)ngare o-kamna ansa empat puluh yaklakam tomosonek, kizep hen dep guk en gwezahek. ¹⁸ Bulu insa dekam zep hendep goline zahek. Zao zep hendep lwainehak. ¹⁹ Weyana inkim hendep gulk nen gwezahek dekam zep t(i)ngare kwatap kwatapna tomo sonen dak. ²⁰ Hendep zeno gulk nenna t(i)ngare Lang nak de kwatap yawal yawalakon tuju meterkam tamank. ²¹ In zep hen dep t(i)ngare okamanak de o tweranna juwek, sap mawa. ²² Hen otwerana, mumuk wenya, terya tya wenya, betetek wenya, yawal yawal wenya, hen sap zini. ²³ Zen kirekam t(i)ngare otweranna juwek, Nuh bak ze en zep gw(e)ka, men deban mae en buluk iwe gol(e) b(i)t(i) gwekake. ²⁴ Weyana in, 150 yakla enkam auhu kamanak al hek.