¹ Dekam zep Yusuf zeremo golak de syal tagwen zimo teipsin zinika gubluka, "Kam zini anmo karung-karungnak gandumnu beyakam bitilazimk zeremae mo we-wektan jam enkam. Te-alana men dekam kapdal desa etan karung-karung zem iwe aumwa hap b(i)t(i)la sone gwezimk. ² Z(e)no maemo oso aumwa tosna inmo karungnak, Ano anggur ho otde gwen sondo saz(e) aumwa hap ing lasoneblak hen te-ala zem mendekam gandumnu insa zerya deban hendep.'' Kirekam zep ki hendep Yusuf mo golak de syalta gwen zimo nolain z(e)be mae hap b(i)t(i) tazimki inkirekam Yusuf z(e)na gublukake. ³ Kaankam, kak tagannak zep Yusuf mo ayawal oso walya insa sek gwen hap nibiridak keledai zimkim zep sek gwek. ⁴ Hw(e)na zenkim Ena ingkon (e)-gwehak, hom (e)-langa gwe'ak, Yusuf dekam zep z(e)rehon de (e)babukam syaltagwen zimo nola insa gubluka, "Zini insa em gol(e)tron. Men zao olahendak anakan inbiridak, 'Ano mae zi bina in, dawem tagankam emsa lupgul inki, em hw(e)na bahabe z(e)no anggur ho otde gwen sondona sow(e)kam (e)rhalzal. ⁵ Em karekna mam tangan nakae syal (e)ibir! Ano maemo zi bina in, ho otde gwen enhap hom sondona insa dr(e)ne gwenda, hw(e)na z(e)no sosonna ki, dekon de ng(e)insin de banakare mae lwan hap dena hlaul gwenda,''' ⁶ Babu gwen zimo nola inzen gol(e)troka, Yusuf men kirekam de tonbiridan hap gubluka, zen kire enkam tonbiridaka. v 7 Hw(e)na Yusuf mo ayawal oso walya in man dingnulblik, "Bian em bahabe kirekam asa gubiridala? (E)'an ebon de (e)babu gwen zini b(e)j(e)n tangan(e) kirekam de karekna jal-jala syal gwebin! ⁸ Bian z(e)na tawana (e)ekim etan Kanaankon lwanda harzak, (e)e m(e)s(e) gandum kaptan te-alana mensa gandum karung-karungnak hw(e)na hlalandak (e)e m(e)s(e) etan kapla blak. Zep (e)e bahap de bian mo golak emas ahaksa perakna (e)-sow(e) gwenhap? ⁹ Zep bian de kire-kirena insa ano maeno aha nikmo karungnak hlaunu, karung bina insa tokhap lak ahakore wenya amki babu hap kapgul. ¹⁰ Yusuf mo golak de babumo nola in kizep gu-biridaka, "A(i)r(i)s inkirekam ena (e)gununye, zep men z(e)no gandum karung nake kire-kirena insa hlakuik, z(e)n z(e)nsa abon onak babukam gw(e)ra, ahakorena sap esa sek gwer.'' ¹¹ Dekam zep h(e)ndep gandum karung-karung zem insa keledai zemkon kap dalahek, kizep h(e)ndep h(i)ld(i)bik. ¹² Dekam zep Yusuf mo golak de babu zimo nola in z(e)no maemo gandum karung-karungna insa karatda tabirki nonol aya zikmo karung nakon kon gwes(i)k hanaka, h(e)ndep aumwahap oso zikmoka. Dekam zep ho otde gwenna sondona insa Benyamin mo karungnak hlautka. ¹³ Aya wal zem in, dekam zep embwan hap z(e)remaemo pake'anna kalkdabik, kizep hw(e)na z(e)remae mo karung-karungna insa keledai zebon etan kang dasek dekam zep etan (e)san dep lwandahak. ¹⁴ Yusuf nama golak gw(e)'anka, inkim Yehuda h(e)n ahakore ayawal osowal zem etan ya(i)ng gwezak. A(i)r(i)nh(i)p zep Yusuf mo nwenak boklena komdazak. ¹⁵ Yusuf dekam zep gubiridaka, "Em indesa karekna syal (e)ibik? San home asa anakan tamelak z(e)nsa ano mae mo karek aning gunnu ansa ap hlaulzindi. ¹⁶ Dekam zep Yehuda dinggul bluka, "Bian (e)e banakan moly(e) emsa lonblak. (E)e banakan dep anakan (e)gunnu (e)e hom(e) (e)karek gwek. Alap mes ano maemo karekna ap hlaulzimki. Zen inzep (e)e sap asa k(i)tak bian, ebon (e)-babu gwer, in z(e)bon ho otde gwen sondona insa hlalal z(e)n en babz(e)n. ¹⁷ Yusuf kizep dinggulzimki, "B(e)j(e)n, (e)e b(e)j(e)n(e) kirekam syal gwebin. Diki menzeno gandum karungnak ano anggur ho otde gwen sondona hlalal, zen zen ensa abon babu gwera. Aha korena sap esa dawemkam zek gwer ere maemo bian osan depye. ¹⁸ Yehuda dekam zep Yusufsu golek de tazaka zao zep gubluka, "Bian, asa emki gublun ol sade emsa tonblan hap, bahem ebon de babu gwen zini asa jal gweblan, sap (e)e tawana, eno sosonna awe de (i)r(i)kg(i)nn(i)k ema tangan apde (e)'ara awede teips(i)ng tangan zini banye. ¹⁹ Bian, em kiye asa anakan takesibiridaka eno maemo biana san nama osona san h(e)nki ²⁰ Desa (e)e m(e)s(e) ebehap anakan dingulblik, ano maemo biana nama mes tangan bogol gwera. Zen bogolak aha we zem onak zi walasna dan w(e)soka. Ahana mes t(i)lk(i), angkam oso enzik gw(e)'ara. Zen inzep tangan ano mae mo bianna in desa z(e)rkam kwasang gwe-gweblanda. ²¹ Bian, em dekam ema asa gubiridaka, 'Eno maemo osana insa em h(e)n ansan dep zersong gwezan (e)aka hlatak.' ²² (E)e dekam m(e)s(e) anakan bian emsa enbyak walasna in hom bizem onakon langa gwes(i)k hal gwenda, zep z(e)n de awe gw(e)nkam bizem in dekamsa t(i)l(i). ²³ Dekam hw(e)na em anakane asa gubiridaka, eme eremae mo osona insa (e)rhalza sr(e)m gwe'ak, (e)e moly(e) emsa dokwa-kwak gul gwek. ²⁴ Dekam (e)e k(i)m(e) lwandahak (e)e m(e)s(e) eno ol gusonenna insa are maemo bianna insa lonblak. ²⁵ Dekam zep hw(e)na etan are maemo bianna in asa gubiridaka tembanesa de etan awe kapta han hap. ²⁶ Dekam z(e)b(e) anakan are mae mo bianna insa enblak, ano maemo osona ande ang gwen sr(e)mkam asa molya dokwa-kwak gulku tembanesa de abe mae hap kaptazimdin hipye, sap zen kirekam asa gubiridaka. ²⁷ Dekam zep ano maemo bianna in asa gubiridaka, em dwan tawa nakake, ano we walya Rahel zen dan-dan eman zi walasna ap w(e)soblak. ²⁸ Ahana m(e)sam t(i)nk(i)m asa hl(i)taka, zep desa ama elala gweblak, "Desa mes oteran jal-jal taka.''Dekam san ama mae etan hlatak. ²⁹ Hw(e)na angkam etan ema aumwa tos zini ansa (e)r song gwe'an. Hw(e)na zaode banakan mae gw(e)'anka, ano enlalana dekam tangansa ap doweblahanala h(e)ndep dekam asa t(i)l. ³⁰ Kiz(e)p etan Yehuda ola ayang gulbluka, "Zep bian, (e)y(e) aremae mo oso aumawa mosna an sr(e)mkam aremae mo bian onak ya(i)ng gwe'ak, zen dekamsa tangansa embwan hap tili sap z(e)n'an, desa de hlata gwenkam elalana isrip-sri gwe-gweblanda! ³¹ Bian de asa anakan hlauluda'anka, oso aumwa mos zem hom n(e)r lwahalan z(e)n dekamsa elala dowehanan hap t(i)l(i), dekamsa nwemase gwer sande (e)ede tanna, sap enlala dewe hanana in abon mae onakonsa hatablala. ³² Sap are maemo bianna (e)e m(e)s(e) anaka gu-gubluk (e) asa aremae mo oso aumwa mosna zerlwahalzal. Hw(e)na zende lwahal sr(e)m gwe'anka, (e)e asa tangan aremo bian mo nwenak h(e)ndep denaban karek gwek. ³³ Zen in zebe emsa blikip gwesiblin naban abe ta'an, aen asa z(e)no weinak babukam ebon gw(e)r. Emki Benyamimsi gublun, ahakore ayawal zik deka n(e)r lwahak. ³⁴ (E)e moly(e) aremo bian osan lwahak, ano maemo osona inde anggwen sr(e)mkamye. (E)e ama tangan a(i)r(i)an, bian honde banakare mae jowe'ak, are maemo osona insa de zer lwahan sremkam!''