¹ Usak yawala kim tangan Kanaank mam gwe'ak. ² Dekam Yakob mo we wal walas mo gandumnu mensa nonol Mesirk kapdak mes tap gwezimki, Yakub dekam zep walas zemka gubiridaka, "Etan em Mesirsin zek gwen gandumsu ekaze etan te-alakam kaplak.'' ³ Dekam zep Yehuda dinggul bluka, "Bian, Mesirk inzen tembanena (i)r(i)kta'ara, zen man jalaban asa anakan gubiridaka, etan bahen awe tembane kaptan hap ya(i)ng gwezan Benyamin de ang gwezan sr(e)mkamye. ⁴ Emde bian Benyaminsi ang gwen hap gublunkam ki asa sekgwer tembane sade etan kaptan hapye. ⁵ Hw(e)na emde desa ang gwen hap gublun sr(e)mkam, ki moly(e) sekgwek, sap in zen (i)r(i)kg(i)'(i)ra zen mes kirekam asa gubiridaka.'' ⁶ Yakub dekam zep guku, "Em bahabe kirekam etan asa karek lak, anakan de zini insa gublunkam ano mae mo osona ki?'' ⁷ Kizep ding nulblik, "Zini in, elala blal tangan kam asa taken-taken gwebiridaka, n(e)no mae mo ayawal osowal hap denaka. Man asa gubiridaka, 'Eno maemo bianna san nama gwe'ara? Eno mae mo iyena ahakorena san ki?' (E)e z(e)b(e) Z(e)no k(i)tak de takensinn(i) insa ding ulblindak. (E)e hom(e) anakan tame uk, Z(e)nsa asa gubiridala Benyamin side z(e)bon osan dep zersong gwen hapye!'' ⁸ Yehuda dekam zep bizem insa gubluka, "Emki Benyaminsi ang gwen hap gublun dekam asa sekgwer. (E)e asa k(i)tak z(e)b(e) hap dena weyul. Sap kire sr(e)mkam n(e)n k(i)tak usak hap esa juwer. ⁹ (E)e asa kara tandal zen molya banakan mae gw(e)ka, Namasa ngayanik gwera. (E)e de desa zerlwahalzan sr(e)mkam, zen (e)asa karekna insa h(e)ndep denaban w(e)yul. ¹⁰ Bian, eme menkam desa ang gwen hap gublu nanam, ki angkam sap emka lwanda hala zen gwe'an, temana kaptan hapye. ¹¹ Yakub dekam zep gubiridaka, "Sap esa Benyaminsi (e)rsong gwer, hw(e)na totore tangansa bahem sekgwen. Langna angkore kire-kire dawemsa Z(e)be hap h(e)n olblahak, sobwal hona, kacangna h(e)n te k(i)l(i)kore irase dawem naban. ¹² Te-alana h(e)n mamkam (e)rsong gwek, sap nonol sekgwenkam de te-alana mensa hw(e)na gandum karungnak b(i)t(i)da sonek deban eka h(e)ndep angkam dep denaban olzimk. Sap zen eititikam m(e)syap hw(e)na b(i)t(i)dasone'gweak. ¹³ Sapsa oso om an ang gwera dekam etan zini in onak ya(i)ng gwek. ¹⁴ Dikire Soson Zini Alap zini in hap elala kwasan-kwasansa zerblak emsa deka kwasang gwebiridaka, emeka kitak, Benyamin hen Simeon etan abon osan dep lwandahalzak. Hw(e)na ano walas mae de etan ahanik jek-jak gwen maena, sapsa ki kirekam lwal. ¹⁵ Dekam zep etan Mesirsin Benyamin mae han sekgwek, hen z(e)re maemo Langnakore kire-kirena insa man nolblahak. Te-alana sowehenkam n(e)rsong gwek nonol gandum kaptan hapde golzim dinhip dena h(e)n etan dikim kaptan hap dena. Kim Mesirk ya(i)ng gwek dekam zep h(e)ndep Yusuf osan dep sekgwek. ¹⁶ Yusuf kim Benyaminsi hlataka, zen man ayawal zemka ang gwebiridazala, dekam zep z(e)remo golak de syalta gwen zimo nola insa gubluka, "Zini ansa em ano golsan gol(e)sek gwen. Otweran zahona zip osok desa boblelak, namen yaklam deban mae apdekam asa goletembane tal .'' ¹⁷ Dekam z(e)no golak de syal zimo nola in dekam zep h(e)ndep Yusuf mo olsan syal gwebirki. ¹⁸ Ayawal zem inkim anakan tamenuk asa Yusufmo golsan nol(e) sekgwe'an, zen man tangan (e)a(i)r(i)'ak. Man eguk, "An nonol ya(i)ng gwezankam mensa t-alana n(e)no mae mo gandum karung-karungnak b(i)t(i) dasonekke zep m(e)syap. N(e)sa'an, babukam de z(e)bon mae syal tagwen hapsa kapnul, h(e)n n(e)no maemo keledai-keledaina an san(e)p alal dalzim. ¹⁹ Kim Yusuf mo gol l(i)l(i)k(i)nn(i)k ya(i)ng gwek, dekam zep Yusuf mo golak de syal tagwen zimo nola insa golek de dazak, zaozep nenblak, ²⁰ "Bian, (e)-ama olsa emsa lonbla'an, (E)e orep kie ya(i)ng gwezak te-alakam gandumnu kaplahak. ²¹ (E)e kim(e) etan lwandahak menzao truweguk, hw(e)na kim(e) aremae mo gandum karung-karungna insa h(i)ll(i)biridak, zao z(e)b(e) hw(e)na te-alana men dekam(e) sap kaplak desa hlalandak. Te-alana in ama (e)rhalzal dekam de etan zerzimdin hip. ²² (E)e hom(e) tame'uk, te-alana in nara ano maemo karung-karungna iwe b(i)t(i)taka. Ahakore te-alana h(e)n apa kaplazal etan dikim tembanesa kaptan hap denaye." ²³ Dekam zep Yusuf mo golak de syal tagwen zimo nola in dinggulzimki, "Bahem (e)a(i)r(i)n. Te-alana in eremae mo Alap m(e)syap ebe maehap zerzimki, Alapna mendesa ere maemo bianna betek gweblakake. Dekam de eno maemo te-alana insa (e)e mes(e) zerink.'' Dekam zep Simeonsa zerzim halzaka. ²⁴ Dekam zep zini in Yusuf mo golak zun guludaka, h(e)n tana ngantasibin hipde hona golzimki h(e)n z(e)no maemo keledai-keldai hap tembanena golzimki. ²⁵ Yakub mo walasna in dekam z(e)p (e)ho-hle gwe'ak, kire-kire dawem-dawemna mensa z(e)re maemo Lang nakon kapda halzak desa dikim Yusufhup loptablan hap, sap z(e)n m(e)s anakan (e)sak yaklan em Yusuf mae han esa apdekam tembanetal. ²⁶ Yusufkim hatazaka, dekam z(e)p kire-kirena insa kapda hapzak k(i)tak kapdablak h(e)n bl(i)kip gwes(i)bl(i)n hap boklena komdablak. ²⁷ Yusuf dekam zep zeno mae mo lowehen hap denaka takesibiridaka, kizep hen gubiridaka, "Eno maemo bian hap de ola banakan mensa nonol yaing gweankam asa loblakye? San nama gwe'ara?'' ²⁸ Kizep dingnulblik, "Ebon de babu gwen zini in, ano mae mo bianna nama ki a(i)r(i)s gw(e)'ara.'' Kizep etan koklena komdablak. ²⁹ Yusufkim oso zem Benyaminsi hlataka, dekam sep gubiridaka, "Ansan zen eno maemo oso aumwa mosna mensa asa enblakye? Dekam zep Yusuf gubluka tane tol, Dikire Alap ebe hap dawemna golblak.'' ³⁰ Hw(e)na Yusuf man oso zem insa s(e)rkam tangan kwasang gweblaka. Dekam zep nabakam song gweka z(e)re mo tekson nak t(i)lk(i) z(e)we zep gona gw(e)'onka. ³¹ Kim nwemasena ngantas(i)k(i) dekam zep etan tesozaka. H(e)n dekam z(e)p Z(e)re mo golak de syaltagwen zini gubiridaka yaklam dep de tembanesa de boblegun hup. ³² Z(e)no golak de syaltagwen zini in m(e)s tembane tagwen meja-mejana hohl(e) dabik, ahana Yusuf zere hap, ahana ayawal osowal zikip, h(e)n ahana Mesir zihip dena menzen Yusuf mae han apdekam tembane tagwenan z(e)be mae hap. Zen mae hap kirekam syalneibik, sap Mesir zihip Iblani ziniban de apdekam tembane tanna, zen ol lamang. ³³ Yusuf mo ayawal osowal hap de mejana zen Yusuf mo dang gwen nakon dehazimk. Zen maekam de teinikirin hip gubiridaka, z(e)na zini z(e)we de zini, h(e)ndep aumwa mosna. Kimz(e) kirekam hlanuk, zao z(e)p teng gwaran naban z(e)naka karatda dabik. ³⁴ Menz(e)n tembane kae gweblazimdinkim mas neibiridak, nonol Yusuf mo z(e)remo meja nakore tembanekam kaeneibik. Benyamin hip etan-etankam nolgwebla'ak, h(e)n dep aha ere tahatapnak man hatak golgweblanna, ayawal zikip hom kirekam nolzimk. Yusuf ayawal osowal z(e)ban temnena insa zitweblaka man h(e)ndep z(e)rkam (e)-blalen gwek