¹ Dekam Yusufsu mes Mesir sindep Ismael kore kire-kire lidak tagwebin zini in, Mesirk de Teips(i)n zisi de karata gwen jana nabare zimo mam hon te-alakan lidak dak. ² Hw(e)na Yusufsu man Bian mas gwe-gweblaka in kim Mesir zini inhon babukam syal gwe-gweka, zep t(i)ngare syala mensa nol gweblak dawemkam sulsone gweka. ³ Putipar kim hlataka Bian man Yusufsu mas gwe-gwebla,ara zep t(i)ngare syala dawemkam sulsone gwe'ara. ⁴ Zep Yusupsu sam gwe s(i)bl(i)ka, zep z(e)remo golak de kirekam-kirekam syala zebe hap kitak weyul soneblaka, z(e)n de (i)r(i)k g(i)n h(i)p. Hen z(e)remo bigwebin kire-kire sade z(e)n syal gwe-gwibin hip. ⁵ Yusufkim k(i)tak (i)r(i)k g(i)lk(i) syala mensa Putipar bak weiyul soneblaka, Bian man z(e)no syala ingkon Mesirk de zihip dawemna gol gwezimki. Z(e)no mae mo k(i)tak de bigwebin kire-kirena nakon, Bian man dawena gol gwezimki, sap gola hen sap ngana. ⁶ Dekam zep Potifar t(i)ngare syala mensa z(e)na bi gwebirki k(i)tak tangan Yusuf hup weyulsonebla. Z(e)na dekam hom z(e)remo golak de syal sade syal gwebin hip enlala gwe-gweka, zen tembane enhap denaka enlala gwe-gwebirki. Yusuf in sosonna hen sam-sam tanganna. ⁷ Aha yaklakan Potifar mo we walya dekam zep Yusufsu dwam gwebla,ak. Dekam zep hendep gubluk, "Haen namen aban neikla. ⁸ Hw(e)na Yusuf man baes gweka. Man gubirki, "Bian Potifar bak mesam z(e)remo k(i)tak de syala abe hap tapbla gulbluka. ⁹ Abe hap an kirekam k(i)tak de z(e)remo syala golblaka, hom tangan am golak awe de aha zihip mae kirekam goblaka. Bian abe en tangan hap am kirekam golblaka, aha en emsa hom, sap em we zem. (E)e ki asa tangan Alap mo nwenak karek gwer kirekam de karekna insa de syal gwebinkimye. ¹⁰ Dekam yakla jamkam sap Putifar bak mo wenya in Yusufsu deban de lan hap wan-wan ta gwek, Yusuf hw(e)na man tangan tate-tegweka zep sap wan-wanta gwek. ¹¹ Aha yaklakam Yusuf dekam gol mwanak de syalsa goanka, z(e) en tangan aha zi maena hom. ¹² Putifar mo wenya in dekam zep baju nakon Yusufsu anakare olaban (i)r(i)k tas(i)k, "Haen n(e)n apdekam lan." Yusuf hw(e)na man soson gweka dekam zep tapblatak, dekam zep esan heya gweka, baju yawala hw(e)na wenya in mo tahanak nolak. ¹³ Potifar bak mo we walya in kim Yusufsu anakan hlatak mes heya gwenda baju yawal enna man hlisonda, ¹⁴ dekam zep z(e)bon de syalta gwen wenyaka takenbiridak zao zep gibiridak, "Emki aken! Ibrani walya mensa ano zini gola ansan dep zerhalzaka zen n(e)sa karek tabiri. Z(e)n ano teksonnak t(i)l(i) z(e)we asa kahalo gwibin hip balk gulu hw(e)na ama mamkam h(e)rhe gwesan. ¹⁵ (E)e kim(e) h(e)rhe gwesan, dekam zep heya gwera baju yawal enzem ansa zep ze hliso ora. ¹⁶ Putifar mo we walya in dekam zep Yusuf mo bajuna insa tehak zi zikde lwahalzan nakde zitr(e)blan hap. ¹⁷ Zi zem inkim lwahalzaka, dekam zep h(e)ndep ola insa tonbla,ak man gubluk, "Ibrani walya mensa gola anzan dep zerhalzaka, zen man ano teksonnak t(i)lk(i) asa de kahalo webin hip. ¹⁸ Hw(e)na (e)e kim(e) h(e)rhe onk, dekam zep wesoka h(e)ndep heya gweka, baju yawala an ensa zep ze hliso onka." ¹⁹ Putifar bak man tangan s(e)rkam jal gweka. Yusufsu kim bwinak sedya inkke: ²⁰ Dekam zep gubiridaka Yusufsu de balk tan naka bwinak setya irin hip, bwina men z(e)we teips(i)n-teips(i)n zini sesek nulin gwenanke. ²¹ Bian manz(e) Yusufsu karata gweka, hen s(e)rkam kwasang gwe-gweblaka. Zep bwinak de nol gwen zini in, Yusufsu sam gwesik gweblaka, ²² zep Yusufsu damtas(i)k(i) zende ahakore bwinak de lowehen bosezemka nol gwebiridan hapye. ²³ Bwinak de nol gwen zini in, dekam zep z(e)remo kitak de bwinak de syala Yusuf hup weyulsoneblaka. Zen maehap ki kirekam lwak, sap Bian man Yusufsu karata gweka. Z(e)n zep Yusufmo k(i)tak de syala dawem gwe-gweblak.