¹ Zao kim lwase'ak Yehuda dekam zep ayawal-osowal zemka hliyuludaka, dekam z(e)p hw(e)na Adulam walya, Hirahan (e)-gweka. ² Zao zep Kanaan walya Syua mo wenam naban ga(i)ng (e)k. Desa zep h(e)ndep Yehuda golka h(e)ndep ni-nilak. ³ Dekam zep h(e)ndep wenya in ugwek h(e)ndep zi walassa jahagwek, Er kam zep Yehuda bosetaka. ⁴ Zao kisep etan u-gwek ziwalassa zep etan jaha gwek, desa onankam zep bosetaka. ⁵ Zao kim lwasek, Yehuda dekam iye zeban Kesibsin dep altak hen z(e)we lowehek, zao zep wenya in etan u-gwek ziwalassa zep etan jahagwek.Desa Syebakam zep bosetaka. ⁶ Yehuda mo nonol tanena, Er kim zise gweka, Bizem Yehuda dekam zep wenya Tamarsa golblaka. ⁷ Er mo gw(e)nna mantangan Bian mo nwenak jal-jal gweblak. Zep Bian z(e)no angna zerka. ⁸ Yehuda dekam zep aha tane zep Onansa gubluka, em hw(e)na aya sweukmo we nala insa gol. Em eka hw(e)na aya swe'ukmo bosehap walassa z(e)bon wei-wik gul." ⁹ Onan hw(e)na man enlala gweka, (e)ye z(e)bon walassa aremo aya swemo weinak dep wei-wik gu'uk, ki hw(e)na (e)na walas sr(e)mkam asa gw(e)-gwer. Zep zenkim Tamar han swi (e)gek, walas jowena zalta dep hiriso gweka dekam de aya swezik mo weinak dep walassa wei-wikgun sr(e)m hap. ¹⁰ Onan mo kirekam de syala in hen, mantangan Bian mo nwenak karek gwek. Dekam zep h(e)n Bian z(e)no angna zerka. ¹¹ Dekam zep Yehuda Tamarsa aebo swezem insa gubirki, "Sap esa eremo bianmo golsan song gwera z(e)we de gw(e)-gwen hap, h(e)ndep ano walasna Syela de man gwek.'' Zen maehap kirekam gubirki man a(i)r(i)ka, Syelasa mana etan Bian tananka, aya dare zem makan. Inzep Tamar an bizik mo golsan dep lwahak. ¹² Zao hom holo gwe'ak, Yehuda mo wenya dekam zep t(i)k. Halahla gwebinni kim tap gweblak, Yehuda dekam zep Adulam walya walbosezem insa gubluka, Timna sande sogw(e)n hap, men z(e)we domba alana dalans(i)k gwebirinke desan dep. ¹³ Tamar kim ola sak ano aebo swena Yehuda man hata'anzala domba-domba zikmo ala sade talan sizimdin hip. ¹⁴ Dekam zep wenal mo pakeanna tawes(i)k ahasa hw(e)na alala tak. Nwe masena kain hakkam tahalek deban zep (E)-yala Enaim mo l(i)l(i)k(i)n yawalak nikin'ik, Timna sandep de orasyanak. Sap Tamar zen m(e)s anakan tameguk Syela Yehuda mo tane aumwa mosna angkam mes seiwir gwera, hw(e)na angkam h(e)ndep (e)e hom(e) wal seiwiri insa ze'an. ¹⁵ Yehuda kim Tamarsa hlaulku, zenman k(i)lg(i)lk(i), an kahalo soson we, sap nwe masena man tahalek. ¹⁶ Yehuda dekam zep z(e)no alpsan golek de gwezaka, zao zep gubirki, "Em anakaene abe gwe'ara?'' Sap zen hom anakan tame gulku wenya an ano aebo. Tamar dekam zep dinggulbluk, "Bia, men kirekan ena dwam gwe'ara kirekam ap gulbir. ¹⁷ Yehuda kizep etan gubirki, "Ee kabing zir dolhwasa asa ebe hap zerbir.'' Tamar kizep dinggul bluk, "A(i)r(i)s ama sam gwes(i)n(i)n kirekam, hw(e)na nonol basa esa abehap gulbiri dekon de kambing dolhwana insa (e)sblan hapye?'' ¹⁸ Yehuda kizep etan takensibirki, "Basa de nonol ebehap golbin hibe dwan gwe'ara?'' Tamar kizep ding gulbluk, (E)e cicin hib(e) emsa abe taan, (metrai)na, kalungna, hen dutena inzen ebon lwa'anke.'' Yehuda dekam zep z(e)no abena insa sulsonebirki. Dekam z(e)p h(e)ndep swi(e)k, Tamar dekam z(e)p h(e)ndep ugwek. ¹⁹ Kim hyakeis(i)k Tamar dekam zep song gwek hen nolak de kain hakna insa h(i)lg(i)ls(i)k. H(e)n dekam zep etan wenal mo pakeanna insa alalatak. ²⁰ Zao kim lwase'ak, Yehuda dekam zep Adulam walya dokot zem Hirasa abetaka, kambing dolhwa sade wenya inhap zerbir han-hap dekam de etan zeremo kire-kirena mensa kaptabirki desa etan kapta'blan hap. Hw(e)na Hira hom wenya insa goltoweka. ²¹ Dekam zep z(e)we de zisi takensibiridaka, "Kahalo soson wenya menzen Timna ora syanak nikin gwenan endawe gw(e)'an, (E)na Enaim mo l(i)l(i)k yawalak?'' Dekam zep dingnulblik, Awe homke kirekam de kahalo soson wenyaye.'' ²² Hira dekam zep lwahalka hen Yehudasa gubluka, "(E)e hom(e) kahalo soson wenya insa hlaul. (E)kie sap zewe de zini takesibiridal, hwena man asa nenbyal, "Awe hom mae ke kirekam de kahalo soson weyaye.''' ²³ Yehuda dekam zep dinggul bluka, "In a(i)r(i)s. N(e)n m(e)se mem sap alp (e)ra kambing dolhwana insa de zerbirhankam, z(e)no ola insa dikim sulsonebin hip. Z(e)n sapsa ano kire-kirena insa kaptal, hw(e)na n(e)ne l(e)ibir tine'anka, nesasa sr(e)nosol.'' ²⁴ Zewe, ben nakim dan ahan damank, Yehuda dekam zep anakan salka, in aebo om Tamarki kahalo soson we makan z(e)naka gw(e)ibik, h(e)n zen m(e)s zi zen sr(e)mnak u-gwer. Yehuda dekam zep jalaban guku, "Em gol wetson wenya in syauk nuk anguk z(e)remo karekna in hap!'' ²⁵ Kimki Tamarsa nol wesok w(e)de gwin hip, dekam zep zisi gubluk zende nonol aebo zem Yehudasa olsa anakan gublun hap, "An z(e)no cincin, (meterei), kalung hen dute maena abon (e)r lwa'an, zen-z(e)n asa unubare tabirki. Sanha ki Bian kire-kirena ansa tame tabi'ra" ²⁶ Dekam zep Yehuda kire-kirena insa karatda tabirki hen guku, "In eiwa! (E)e hom(e) aremo gu-gubin ola sulsonebik ano tanena Syela han de z(e)naka l(e)syan hap denaye.'' Dekam etan hom Yehuda deban goltaka. ²⁷ Kim zauk Tamar mo jaha gwen hap denak, dan-dan zep jaha gwek. ²⁸ Zen kim jaha gwen hap hl(e)sgwan-hl(e)sgwan gwe'ak, aha wal ba(i)z(i)l(i) tahanik nonol nawesoblazak. Bidangna inzen Tamarsa mas gwebi'ik, benang kal-kala tahanak buktusubluk. Dekam zep guk, "An desa nonol zaha gwer.'' ²⁹ Hw(e)na wal ba(i)z(i)l(i) in man etan tahana insa hutso inehalka, hw(e)na ahazinik z(e)p nonol zanzaka. Dekam zep bidangna in guk, "An banakan z(e)n nonol zanzala?!'' Z(e)n in z(e)p walasna insa Pereskam bosedak. ³⁰ Dekam z(e)p hw(e)na tahanak de benang kal-kal buktusublun nabare zini insa jaha gwek.Desa Zerah kam zep bosetak.