¹ Angkon an Esau hen mensa Edonkam nen gweblanan, z(e)no auyan aza tane walhap dena. ² Esau zen Kanaan kore wenya kaptaka. Z(e)no we walmo bosemsena nonol wenya Adah Het walya Elon mo wenamsa. Zao de wenya bosena Oholibama, Anah mo wenamsa, Hewi walya Zibeon mo aza tanesa ³ ahana Basmatsa, Ismael mo wenamsa. Basmat in Mebayotmo somol. ⁴ Kanaank iwe, Esau mo we walya in zi walasna aha ere tahatapkam weiwik nuk. Adah Elifassa w(e)tak. Basmat Rehuelsa w(e)tak. ⁵ Oholibama dan ahan wei wikguk, Yeus, Yalam hen Korah. ⁶ Esaune Yakubne kire kirena beya tangankam bi eblandaka sap hen otweran zaho maena. Z(e)no nikmo otweran zahona beya tanganna kamana men zao de otweran zahona insa kanggun hup dena hom sowehek. ⁷ Zep Esau mensa hen Edonkam nen gweblanan zen dekam zep dan ahare we wal zeban walas zen hen otweran zahozem k(i)tak de zini mensa gol(e)lowehe gweka k(i)tak deban mae gol(e) sek gweka. ⁸ Hen sap k(i)tak de kire-kire maena mensa Kanaank de gw(e)nkam bigweblan daka. Zen langa tangan san de Langsan gol(e) altaka, Seir mo kwatap Langsan. Yakubsa kanaank hlitaka. ⁹ An Esau mo auyan aza tane wal sya de a(i)t bin hip dena, Edonk de auyan aza tane walsya. ¹⁰ Esau mo wenya bosena Adah, zen zi walassa w(e)tak bosena Elifas. ¹¹ Elifas zi walasna aha ere taha tapkam w()e)iwik gulku. z(e)no maemo bozemzena: Teman, Omar, Zefo, Gaetam hen Kenas. ¹² Elipas mo we masna ki bosena Timna. Z(e)bon zi walassa w(e)taka bosena Amalek. ¹³ Esau mo aha wenya Basmat zen zi walssa w(e)tak Bosena Rehuel. Rehuel hw(e)na zi walasna dann(e)r-dann(e)r kam weiwik gulku bosemsena: Nahas, Zerah, Syama hen Miza. ¹⁴ Esau mo aha we walya Oholibama, Ana mo wenam Zibeon mo aza tane. Zen zi walasna dan ahan weiyik guk, z(e)no mae mo bosemsena: Yeus, Yaelam hen Kora. ¹⁵ Angkon an, Esau mo auyan aza tane walsya de a(i)tbin hip dena: Eimas zen Esau mo nonol walas, hw(e)na Elimas mo walas mo bosemsena, Teman, Omar, Sefo, Kenas, ¹⁶ Korah, Gatam, hen Amalek. Zen-zen Esau mo auyan aza nakon kamabi kamabikam Ada hon de wei wik gun walasna in Edonsa bineibik. T(i)ngare (i)r(i)k g(i)nn(i) z(e)no maemo bosem sekam bosedabik. ¹⁷ Rehuel hen Esau mo tane ahana z(e)no walas mo bosem sena, Nahat, Serah, Syama, hen Miza. Zen zen hen kamabi kamabikam Basman onak desa wei wikgulku lowehek. Tingare (i)r(i)g(i)n(i) z(e)no maemo bosemsekam bose dabiridak. ¹⁸ Yeus, Yalam hen Kora, zen hen Esau mo dan ahare walas Ana mo wenamna Oholibama hon desa wei wik gulkuke, zen hen Langbi langbikam lowehek, hen Lang langna menzao lowehek z(e)no maemo bosem sekam bose dabiridak. ¹⁹ Inzen Esau mensa hen Edon kam nen gweblanan z(e)no zi walas bosemse a(i)tbinni. Zen-zen Lang langna z(e)we de kamabi kamabikam lowehek. ²⁰ Angkon an, Hori walya Seir mo walas aitbin hip de dena: Lotan, Syobal, Zibeon, Ana, ²¹ Disyon, Ezer hen Disyan. Zen zen langna iwe kamabi kamabikam lowehek. ²² Lotan mo zi walasna dan dan, Hori han Heman han. Lotan mo somola hen ki bosena Timna. ²³ Syobal zi walasna ahaere taha tapkam weiwik gulku bosemsena, Alwan, Manahat, Ebal, Syefo, hen Onam. Zibeon zen zi walasna dan w(e)soka, Aya han Ana han. Ana anzen honwe sal sala gwisnik hlataka bizik mo Keledai zaho saze karatabi,inka. ²⁵ Ana zi walasna ahaen w(e)taka Disyonsa, wenam tola hen ahaen w(e)yulku, Oholibamasa. ²⁶ Disyon zi walasna dann(e)r-dann(e)r kam w(e)iwik gulku, z(e)no maemo bosemsena, Hemdan, Esban, Yitran hen Keran. ²⁷ Ezer zen zi walasna dan ahan w(e)soka, zeno maemo bosemsena, Bilhan, Zaawan, hen Akan. ²⁸ Disyan zi walasna dan w(e)soka, Us han Aram han. ²⁹ An Horik de kamabi kamabi kam dinik mo bosemse menzen Edon mo Langna (i)r(i)k n(i)kke: Lotan, Syobal, Zibeon, Ana, Disyon, Eser hen Disyan, ³¹ Inkim teips(i)n zikim dena nama Israel zini (i)r(i)k n(i)l sr(e)m gwe.ak, hw(e)na teips(i)n teips(i)nn(i) an mes nonol Edon mo Langnak iwe (i)r(i)k n(i)l gwek. ³² Beor mo tanena Bela zen Edon mo Langnak teips(i)nk(i)m (i)r(i)k g(i)lk(i). Zen (E)na Dinhaba mo bosekam (i)r(i)k g(i)lk(i). ³³ Bela kim t(i)lk(i), Yobab zep hw(e)na Z(e)no weinak teips(i)nk(i)m (i)r(i)k g(i)lk(i). Yobab zen Zerah mo tane Langna Bozrakon. ³⁴ Hw(e)na Yobabkim t(i)lk(i), Husyam zep hw(e)na (i)r(i)k g(i)k(i). Husyan zen Teman mo Lang nakorena. ³⁵ Husyankim hen t(i)k(i), Hadad zep hw(e)na Langna iwe (i)r(i)k g(i)k(i). Hadad zen Bedad zen Bedad mo tane. Zen-zen eijan nak Moab mo langnak de zi ausuna Midiamsa timbwas gulsuku. ³⁶ Hw(e)na Hadadkim t(i)lk(i), Samra zep hw(de)na Langna iwe (i)r(i)k g(i)k(i). Samra zen zi ausuna Masreka nakorena. ³⁷ Samra kim hen tilki, Saul zep hwena Langna iwe (i)r(i)k g(i)lk(i). Saul zen weyana Efrat golek denak de (e)na Rehobot kore wal. ³⁸ Saulkim t(i)lk(i), Baal-Hanan zep hw(e)na Langna iwe tweips(i)n k(i)m (i)r(i)k g(i)lk(i). Baal-Anan zen Akhbor mo tane. ³⁹ Baal-hanan kim hen t(i)lk(i), Hadar zep hw(e)na z(e)no weinak Langna iwe (i)r(i)k g(i)lk(i). Hadar zen (E)na Pahu kore wal. We zik mo bosena Mehetabeel, Materd mo wenam. Materd mo bianna Mezahab. ⁴⁰ Esau zen Edom mo Langnakore zi ausu nakore auyan aza tane: Z(e)no maemo bosemsena, Timna, Alwa, Yetet, ⁴¹ Oholibama, Ela, Pinon, ⁴² Kenas, Teman, Mibzar ⁴³ , Magdiel, hen Iram.Zep zi ausu an z(e)re mae mo Langna men zewe lowehen dak z(e)re mae mo iye mo bosekam bose dabiridak.