¹ Alap kizep Yakubsa gubluka, "Emkam hohlegwe Betel sande etan lwahan hap, (E)e men z(e)we emsa zertowekke desan dep. Men dekame aya om Esau hap de a(i)r(i)n h(i)p heya gwekake. Z(e)we Asa dekon golek de tagwen hap de tenda gol klukna syal gwebir hen em langna iwe gw(e)-gwe. ² Yakub dekam zep hen dep z(e)remo k(i)tak de we wal walasna hen k(i)tak men deban mae gol(e) lowehe gweka desa gubridaka, "Aha lang nakore yang tabin alap alapna inzen ebon mae (e)rlwaan kam yallak. Kam ere mae mo timni nganlasibik, ki hw(e)na kum sr(e)m pakeanna alala lak. ³ Angkam nen (e) hohle gwen Betel sande sek gwen hap. (E)e asa z(e)we Alapsa dekon golek de ta gwen hapde tenda gol klukna syal gwebir, men zen asa mas gwe gweblan dake (e)e de banakare karek maesa goltowennak hen asa karatanda gwenda men desan eki t(e)nda gwenanye. ⁴ Dekam zep hen k(i)tak de aha langnakore yang tabin alap alapna insa Yakup hap tagal das(i)bl(i)k hen ingala nak de anting anting maena k(i)tak. Yakub dekam zep Sikem golek denak te yawal ausunak k(i)tak de kire kirena insa kama hulak lotas(i)k(i). ⁵ Yakub inkim z(e)remo iye hen we wal walas zeban k(i)tak gol(e)gwahalka, Alap dekam zep hw(e)na s(e)rkam de a(i)r(i)n yawala (e)(e)na iwede zi ausu hap golhatazimki, zep h(e)ndep Yakub mae sade karek tabin hip nol(e)trok(i)n(i) sr(e)m gwek. ⁶ Yakub mo we wal walasna dekam zep lang bosena Lus ya(i)ng gwek, hen aha bosena Betel Kanaan mo langnak. ⁷ Z(e)we zep Yakub Alapsa dekon golek de tagwen hap de tenda golklukna syal gwebirki hen langna insa bose gulku El Betel, Sap zen z(e)we Alap zer toweka inkim Esau hap de a(i)r(i)n h(i)p heya gwekaye. ⁸ Ribka sade oto gulsuk gwen hap de wenya Debora bak hen z(e)we t(i)k. Z(e)we zep Betelk gwisnik te yawal ausu nak lonulsuk. Dekam zep hendep tenya insa bosenuk Alon Bakut kum. ⁹ Yakub kim Padan Aram kon lwahalzaka, Alap dekam zep etan zer toweka hen dawemna golblaka. ¹⁰ Alapa manze gubluka, "Eno bosena sap Yakub, hw(e)na angkam ama ebe hap bose (e)sesa golbla,an, eno bosena k(i)tak Israel kamsa emsa tawa n(e)blal. ¹¹ (E)e,an Soson tangan Zini Alap (e) ebehap dawemna golblanan, eno walas hen aza tanewalya sa (e)beya gwesong gwer. Eno auyan aza tane walyakonsa t(i)ngare (i)r(i)kg(i)n ziausu hap (e)jowe song gwer hen em teips(i)n teips(i)n zimo auyan aza kam esa gw(e)ra. ¹² Kamana mensae Abrahamne Isak nikip golzimk, zen desae ebehap golba,an eremo auyan tane walyaban deze gol(e)lowehe gwen hapye. ¹³ Alap in kim Yakubsa ola tonsubluka, kizep etan ngatan zimo Langsan dep lwahalka. ¹⁴ Yakub dekam sep kasona kongtaka desa de anakan enlala gwe gwebin hip an zao Alap ola asa tonblaka. Yakub anggur hosa hen zaitum hosaze kaso kongtahan nak iwe hl(e)i hl(i) gul guku Alap hap de dawem golblan hap. ¹⁵ Langna insa Betelkam zep bose gulku, sap langna in z(e)we alap ola ton blaka ¹⁶ Kizep Betelkon etan sek gwenkam ayang nuk Efratasan dep. Hw(e)na nama de Efratak ya(i)ng gwen sr(e)mnak, Rahel dekam zep eisbir ane,ak. Hw(e)na jahagwen hap dena mantangangwa gwa gwibik. ¹⁷ Kim tangan jaha gwensr(e)m hap sang-sangna sabak gwe,ak, bidan bidanna menzen mas n(e)bi,ik, dekam zep nin bik bahem a(i)r(i)n, em ziwalassa esa etan jaha gwera. ¹⁸ Rahel kim t(i)s(i),(i)k, walasna insa jaha gwek, Ben Oni kam zep boseta guk hak, hw(e)na Yakub zep Benyamin kim bosetaka. ¹⁹ Z(e)we zep h(e)ndep Rahelsa Efrata oranak lonulsik mensa hen Betlehem kam nen gwebirin. ²⁰ Yakub etan z(e)we zep kasona kontaka menz(e)we Rahelsa lonulsuk desa de enlala gwe-gwibin hip, kaso kontana in he(e)dep nama bukuna ansa kim ale nukye. ²¹ Kim syal gwesibirki, dekam zep kon etan selatan san dekam gol(e)sek gweka h(e)ndep (E)na Eden sade dekon karata gwen hap de menara nak gol(e) ya(i)ng gweka. Z(e)wezep tenda gol kluk-klukna zitaubluka. ²² Inkim z(e)we Yakub gol(e)lowehe,anka, tane zem Ruben dekam zep Rahel swehon de babu gwen wenya Bilha insa Yakub etan golka deban goltaka. Hendep Yakubsa dekam zep tawadak. ²³ Lea honde weiyik gunnu anze, Ruben zen zen nonol walasna, Simeon, Lewi, Yehuda, Isakar, hen Zebulon. ²⁴ Rahel hon dena, Yusufhun Benyamin hin. ²⁵ Rahel honde babu gwen wenya Bilha honde wenya, Dan han Naftali han. ²⁶ Lea hon de babu gwen wenya Silpa hon dena, Gad han Asyer han. In zen Yakub mo zi walasna Padan Aramk mensa weiwik gulku. Isak kim t(i)k(i)ke: ²⁷ Yakub dekam zep bizem Isak osan dep Mamresan lwahalka, mensa hen Kilyat Arba hw(e)na angkam bosena Hebronkam dam-dam gweka. Aza zem Abraham zen z(e)we Isak han zer gw(e)-gweka. ²⁸ Isak mes tangan bogol gweka Z(e)no gw(e)n tahunna 180kam lwablak. ²⁹ Zen Bian z(e) dr(e)neka men z(e)we hen auyan azak zem juwe gwekke zao de hen t(i)h(i)p. Kim t(i)k(i) dekam zep Esaune Yakubne bi zikmo tokna insa lolas(i)k(i).