¹ Yakub kim anakan salka, "Laban mo walasna man egul Yakub n(e)no mae mo bian mo t(i)ngare kirekam kirekam kire kiresa kaptaka. Zen z(e)no maemo bian mo kire kirekam sowehenkam gw(e)ara. ² Hen Yakub mes anakan hlaulku Laban ang kangkam men kirekam orep asa zer gwe gweka kirekam hom asa zer gw(e)'ara. ³ Bian dekam zep Yakubsa gubluka, "Em eremo bian mo Langsan dep lwahan hen iye wal obon osan dep. (E)e asa emsa (i)l gweheblal. ⁴ Kim tonsubluka, dekam zep Yakub zini gubluka Rahelne Lea nekade guzim din hip nganak de asa duk(e)blak kambing dombana zem men zewe karata gwebiridake. ⁵ Kim aptazak, " Zao zep Yakub guzimki eno nik mo biana angkam hom dawemkam asa zer gw(e) gwe,ara men kirekam menkam asa zer gw(e) gwekaye, hw(e)na Alap men desa ano bianna betek gwe gweblaka man asa (i)lgwehe gwebla'ara. ⁶ Em mes(e) tawa (e)ka, (e)e sowehen tangan kam(e) eno nikmo bian hon syal gwek. ⁷ Hen eno bianna mes asa boton ta gwenna beya soblaka. Hen etan etankam ano syal eisi de abe hap golblan hap dena wet gulsuk gwenda. Sap eiwa kirekam gwe gwenda hw(e)na Alap molya z(e)no asa de karek ta gwenna in hap nwe enkam karataka. ⁸ In kirekam asa boton taka, anakan de gublunkam, kambing hen dombana tr(e)ng trong wenya zen desa asa ebe hap kaptablal insa abon onak syal gwe gwekaye, dekam kambing dombana tr(e)ng trongnaka zep sap hen dep wei wiknuk. Kim sap anakan guku, Kambing dombana tr(e)ng trong wenya zen desa asa ebe hap kaptablal insa abon onak syal gwe gwekaye. ⁹ Alap mes eno bian mo otweran zahona kapgulku abe hap de hw(e)na kapta blan hapye. ¹⁰ H(e)n otweran zahona ansa (e)e ama (e)isirkim hlauludak zenaka de ang gweblan tamlenak kim zauk, kambing zirya banbing kambing we wal ala tr(e)ng trong hen ger gersa ang n(e)blan da'ak. ¹¹ (E)isirkim Alap mo damtahana kore zisi hlatak Alap mo abe hap de ol golsoneblansa de asa toblan hap hataka. Z(e)n man asa takenblaka, 'Yakub!' Kiz(e)b(e) dinggulbluk' 'Bian (e)e and(e)!' ¹² Kizep Alap mo dam tahanakore zini in asa gubluka, 'emki karatda tabin t(i)ngare kambing zirya an z(e)n kambing we walya kapdak k(i)tak z(e)no maemo alana tr(e)ng trong h(e)n ger ger enna. Zen (e)y(e)ki k(i)tak gw(e)blandak sap (e)e mes(e) hlauk insa Laban emsa karek takaye. ¹³ (E)e an Alap men z(e)n(e) Betelk ebon hatakke. Em men zewe asa de enlala gweblan hap de kasona hohle gulkuke. Kaso tahannak iwe ema minyaksa sulguku dekam z(e)be Asa gugubluka. Zep angkam em h(e)ndep hohle gwen langna angkon dikim men z(e)we ane emsa jaha gwek desan dikim song gwen hap.''' (14-15) Rahelne Leane kizep ting ulblik, "Ee tawana em tahun tahun nabane ano nik mo bian hon syal gwe gweka asa dikim teisyan hapye. Hw(e)na angkam z(e)n m(e)s t(i)ngan taptas(i)l(i) eno syal dohon hon nakon mensa sowehenkam gw(e)kaye. (E)e m(e)s(e) tame ul, abe nikip molya tangan bamaena golzimki, hen asa man gweizinki sande aha lang nakore we dare. ¹⁶ Zep angkam ano nik mo bian mo kire kirena insa Alap ebe hap kaptablaka zen angkam bina n(e)no mae mo dena hen n(e)no walasmo dena. Zep angkam Alap in kirekam emsa gublula kirekam emki syal gwebin. ¹⁷ Yakub dekam zep ki h(e)ndep Laban onakon dikim heya hya gwen hap hohle gwe,anka. Kiz(e)p h(e)ndep we wal walas zemka unta unta nak kang gulseka. ¹⁸ Kizep h(e)ndep Kanaan mo Lang san dep de lwandahan hap (e)gwahak, men zewe bizem gw(e) gwekake. T(i)ngare Yakub mo bi gwibiridan otweran zahona z(e)n ngeinnik (e) gwek. Hen kire kirena mensa Padan-Aramk de gw(e)nkam golim gweka kitak tangan gl(e) sek gweka. ¹⁹ Laban kim domba domba zik mo ala blom tasibin hip song gweka, Rahel dekam zep golak tik, bizik mo yang tas(i)n kire kiresa zep sow(e)kam zek we wal walas zemka de (i)l gwehibirida gwen hap de kire kire yang tas(i)ns(i) Yakub de tawa tawa gwibin sr(e)mkam zek. ²⁰ Yakub man Labansa Aram walya insa ahak ahak taka. Z(e)n hom anakan gubluka, (e)e ama zek gwe'an. ²¹ Yakub dekam zep we wal walas zeban gol(e) gwahalka h(e)n t(i)ngare z(e)remo bi gwibin kire kirena hom mae hliyulku. Hendep weyana Efratsa gol(e) tablan gweka dekam de kwatap langna Gilead san (e)gwa han hap. ²² Yaklana kim dan ahan damank, dekam zep Labansa nenbyak Yakub mes heya gweka. ²³ Laban dekam zep z(e)rekore naka tagam gulku dekam zep Yakubsa deban mae zi zertroka. H(e)ndep yaklana tuju nak zauk zertron dannak kwatap Langna Gilead san. Kam zep Alap Laban hon eizirkim hataka, zao zep gubluka, "Ama emsa jalse gweblaan, bahem mae Yakubsa jal ol maekam tonblan. ²⁵ Dekam Yakub mes truwegun hup de tenda gol klukna kwatap tolak syal gwebirki. Langna iwe aha kwatap teknak Laban hen dekam truwegun hup de tenda gola zerekore naban zi syal gwebi,inka. ²⁶ Kim dausuk Laban dekam zep Yakubsa gubluka, "Em bahabe asa boton taka h(e)n ano walasna gol(e) heyahya gwezaka jalzisi de tahyo hal zan makanye? ²⁷ Em bahabe totoresa asa de tawatan sr(e)mkam gol(e) sek gwezaka? E asa tawa tananam ki amaka oranak dep de tembanesa ebe mae hap golzimk. Isripsi hen syan syan naban amaka emsa ap ul sonendak. ²⁸ Em in mamak tangan kame gwehalzaka, (e)e hom(e) aumwahap aremo walasna h(e)n abu tane walya bolk bolktabik dekam de gol(e) syawen hapye. ²⁹ Ee sap soson tanganna amaka emsa de karek ta,an, hw(e)na kam Alap men desa eno bianna blikip gwes(i)k gweblaka zen asa anakan jalse gweblala, em bahem banakan mae gw(e)blan. ³⁰ Ee tawana insa em song gwezaka em ema tangan lwahan hap dawam gweka. Hw(e)na em bahabe ano we wal walas il gwehebirida gwen hap de yang tasin kire kirena insa sowekam zer halzaka?" ³¹ Yakub kizep dinggul bluka, "Anyan (e)e mae hab(e) totoresa song gwezak, ama emsa a(i)r(i)blak em molye eremo walasna gol(e) guku (e)e de gol(e) sek gwen hapye. ³² Zep Anyan eno yang tabin kire kirena insa (e)e hom(e) sow(e) gwek, hw(e)na (e)e an deban mae lowehe,an emde zebon mae onak hlaunkum zen tok hap esa anz(e)n(e) lowehe,an z(e)no mae mo nwenak moslagul. Zep Anyan emki sap en ano mae mo nihinni ansa h(i)lt(i)biridan sanha (e)e ama kaplahalzak hlauludankam, ki amki etan kapta. Yakub kirekam gubluka sap zen hom anakan tamegulku Rahel sow(e) gwek. ³³ Laban dekam zep nonol Yakub mo tenda gol kluknak yang tabin kire kirena insa hakal blandaka, dekam etan Lea mo gol kluknak, dekam etan Bilhane Silpa nik mobon, hw(e)na hom mae ze hlauludaka. Kizep hw(e)na Rahel mo bon tilki. ³⁴ Rahel hwena mes yang tabin kire kirena insa unta tahan nak de dere taine gwen kire kirenak aninimg tak zena zewe zep nikin anek. Laban man sap Rahel mo tenda gol klukna insa kitak hakalka. Hwena hom mae ze hlauludaka. ³⁵ Rahel kizep gubluk, "Bian, asa bahem jal gwibin. (E)e banakan moly(e) eno nwenak zauk sap (e)e kalsae gwer. Zep Laban tenda gol enna in san dawemkam tangan sap hakalka hw(e)na hom mae hlatandaka. ³⁶ Yakub dekam zep Labansa jal gweka, "(E)e eno basae gok hen ano karekna sanki zebe asa zi jal-jal sade zergwahal song gwezan makan zergwahal zakaye?" ³⁷ Em m(e)se ano mae mo kire kirena k(i)tak karatda tabiridala! Anyan, san kiyeze ere mo kire kirena hlatanda?! Emde hlatandankam, ki emki ere mo iye mo nwenak hen ano iye mo nwenak gol(e) tr(e)n, zen deka anakan n(e)sa nin zimk em home karek gweka. ³⁸ Anyan, ee dua pulu tahun kam(e) ebon onak gw(e) gwek h(e)n syala dohon hon tangan nakae gol gwek eno otweran zahona kim(e) karata gwibikye. Eno kambing dombana dekam tangan z(e)p (e)beya gwe song gwek, hen tane maena aha en mae hom tilki. H(e)n Anyan (e)e hom(e) mae eno otweran zaho mo (e)ini twinbik. ³⁹ Otweran jal jalakim domba zahona insa damera gwek, asa ema te alasa de golblan hap abe ta gweka. Hen mensa yaklam ahaksa kam sow(e)kam kapnul gwek, asa ema abe tagweka z(e)no w(e)inak de are moka etan kanggul gwen hap. ⁴⁰ Yaklam yakla sal sala ano so sonsa hom gul gwek, kam bot bot hap ama tangan sabak gwe gwek, h(e)ndep ni tanna banakan dep. ⁴¹ (E)e dua pulu taunna ebon onak tana (i)lt(i)k(i)nn(i)k de babu gwen zimo kim(e) syal gwe gwek, monol empat belas tahunkam eno wenam tol darena ansa dikim teisyan hab(e) syal gwek, dekam enam tahunna otweran zahosa dikim ap kaptablan hab(e) syal gwek. Hw(e)na dekam Anyan em ema abe hap de golblan hap dena wet gulsuk gweka. ⁴² Hw(e)na Alap z(e)n ano aza mo Alap, mensa Abrahamne Isakne betek (e)gweblaka Zen asa mas gwe gwebla,ara, kire sr(e)mkam ki totore sade song gwen hap emana asa gubluka! Hw(e)na Alap m(e)s ano syal dohon hon yala insa hlaulku em ema tangan syal yala inkam asa karek ta gweka. Zen in z(e)p kam Alap emsa jalse gweblala, z(e)n zep nwe mase gwenan em ema karek gweka. ⁴³ Laban dekam zep dinggul bluka, "We darena an, ano wenam tol dare h(e)n walasna an desa z(e)n weiwik,uk zen ano abu tane wal. Ansa em hlauludanda zen bina ano dena. (E)e banakan asa are mo walasna h(e)n abu tane walya gol(e) syawer ⁴⁴ Zep angkam n(e)n ol gu gunsu aha en,un desa eka anakan enlala ei gwibir n(e)n m(e)se umlae eka.' ⁴⁵ Yakub dekam zep z(e)bon de angtan wenyaban kaso yawala zi golka desa zep zaun nuk desa de anaka enlala gwe gwebin hip mese eiwa umlae ek. ⁴⁶ Yakub dekam zep h(e)n Laban hon de angtazan wenya insa gubiridaka em h(e)n em kasosa tagam tan. Dekam zep tagam dak desa zep h(e)n kong dak. Kim kong das(i)k, kizep hw(e)na kaso kongtan alpnak iwe tembane tak. ⁴⁷ Laban kaso kongtanna insa Yegar Sahadutakam zep bosetaka, Yakub zen Geletkam bosetaka. ^{50 48} Laban kizep Yakubsa gubluka, "Namen, kaso kong darena an z(e)n n(e)sa anakan akenan, mes umlae (e)nda. Zen in zep Langna insa Giledkam bosenuk. ⁴⁹ Laban kisep guku, "Angkam nen ansa syake'ara, n(e)no nik mo gw(e)na diki Bian ensa nep karagul gwezimdi." Zen in zep h(e)n Langana insa bose nuk Mizpa. ⁵⁰ Em de ano walas mo enlalasa sang sang tagwezimdinkim ahaksa aha we mae sade hw(e)na kaptankam (e)e banakan molye tawagwek. Hw(e)na emki enlala gwen Alapsa eno karekna insa ep hlaul blula. ⁵¹ Dekam zep etan Yabubsa gubluka, "Emki kaso kongtanna ansa hlatan, an n(e)no nik mo ol gu gunnu insa dikim elala gwe gwibin hip de kaso kongtan. ⁵² Sap kaso kong darena an, zensa Lang zipson makan n(e)benikip lwasim, (E)e b(e)j(e)n(e) emsa de karektan elalanaban insan dep taman zan, em h(e)n bej(e)nem asa de karek tanhap de elala naban ansan dep taman zan. ⁵³ Zep n(e)n de n(e)renik mo ol gu gun aha en gunnu ansa n(e)naka de karek oson hap de enlalana ban ulmurun kum, Dikire Abraham mo Alap hen Nahor mo yang tasin alap nesa kareksok. Yakub dekam zep Alap mensa bizem Isak betek gwe gweblaka z(e)no bose gubin niban ola anakan gu guku, ee molye gulmunk. ⁵⁴ Yakub dekam zep kwatapnak iwe otweran zahona z(i)psoka dekam zep tembane yawala syal gwebirki kizep zep hw(e)na Lanban hon de angtazan wenya insa k(i)tak gubiridaka apdenak de tembane tan hap. Zao z(e)p apdekam tembanetak hen truwek. ⁵⁵ Kaan kam Laban kak tangan nak zep luweka dekam zep dekam de gol(e) syawen hap abu tane walzemka h(e)n walas zemka bol boltabirki h(e)n dawemna golzimki, kizep hw(e)na lwahalka.