¹ Rahel kim z(e)naka anakan hlauk, (e)e hom(e) Yakub hap walasna w(e)tablaan, dekam zep aya zem Lea sa husus gwini,ik. Dekam zep Yakub sa gubluk, "Abon em hen walassa w(e)tan, abe hap de w(e)tabin sremkam (e)e ki asa t(i)l. ² Yakub dekam zep Rahelsa jalgwebirki hen gubirki, "(E)e san Alap (e)y(e) emsa walas srem guk?" ³ Rahel kizep dinggul bluk, (E)dea Bilha, abon de babu gwe gwen wenya ye. Deban neikla z(e)n deka abe hap walassa w(e)tabik. Zen deka nwe mase gweka sande n(e)no nik mo walas w(e)lan. ⁴ Yakub man kirekam dep dwam gweka, Rahel dekam zep h(e)ndep z(e)re hon de babu gwe gwen wenya insa Bilhasa golblak wemas gun hup. Dekam zep h(e)n dep Yakub Bilha han goltaka, ⁵ dekam zep h(e)ndep Bilha ugwek zi walassa zep Yakup hap w(e)ta blak. ⁶ Dekam zep Rahel guk, Alap m(e)s ano ol gusonenna salka. In zep abe hap zi walasna zersone birki! Zep h(e)ndep walasna insa bosetak Dan. ⁷ Bilha dekam zep etan ugwek, zi walassa zep etan jaha gwe. ⁸ Dekam zep Rahel guk, "(E)e ama tangan s(e)rkam alp gwek aremo aya naban ama (i)lman (e)k, z(e)b(e) h(e)ndep yeiy(e)k gwek. In zep walasna insa Naftalikam bosetak. ⁹ Lea kim zenaka anakan enlala gwibik (e)e m(e)se) tangan holo gwer hom(e) mae etan ugwe,an, dekam zep z(e)n h(e)n z(e)re honde babu gwe gwen wenya Silpasa Yakub hap golblak we mas gun hup. ¹⁰ Silpa dekam zep hen ugwek zi walassa zep hen Yakub hap w(e)tablak. ¹¹ Dekam zep Lea guk, "(E)e angkam ama tangan sowe he,an. Zen in zep walasna insa Gad kam bosetak. ¹² Silpa ki zep hen etan zi walassa jaha gwek. ¹³ Dekam zep etan Lea guk, "Ano isrip srina man tangan taman k(i)n(i),an. Wewal bosyanna sa asa ninbir zen isrip-sri gwibinnik gw(e),an. Zep walasna insa Asyerkam bosetak ¹⁴ Gandum taran tamlenak kim zauk, Ruben dekam zep hen ngasan song gweka dekam zep ze obat hap de otanena hlaulku desa zep anzem Lea hap golbir halzaka. Rahel dekam zep Leasa gubik,"Ap em hen betek enkam obat hap de otane sipni isa golbin eno walasna insa hlauluke." ¹⁵ Lea kizep dinggul bik, "San home soweheka ano zini insa zerka? Angkam hw(e)na ema etan alp gwe,ara obat hap de otane s(i)pn(i) insa ano tanena hlaulu desa de etan gon hap. Rahel kizep gubik, "Emde abe hap tane uk mo obat hap de otane sip hlaunnu insa golbinkim ki amki namen mo kam eban Yakub han la. ¹⁶ Yakub kim kam en nganakon hata,anka, Lea dekam zep alata gubluk hen gubluk, "Namen kam aban esa lala, sap (e)e m(e)s(e) Rahel hap obat hap de ono tane mo otane s(i)pn(i) hlaunnu Rahel hap golbir aban dikim eban lan hapye."Yakub dekam zep kam deban lak. ¹⁷ Alap man Lea mo ol gusonenna dokwak gulku, zep ugwek hen walasna aha ere taha tapna w(e)tak. ¹⁸ Dekam zep Lea guk, "Alap abe hap dawemsa golbiri sap (e)e ama Silpasa aremo zihip golgubluk, "Zep walas zem insa Isakhar kam bosetak. ¹⁹ Lea dekam zep etan ugwek dekam zep walasna etan enamna jaha gwek. ²⁰ Dekam zep guk, "Alap abe hap serkam de dawem tangansa golbirki. Angkam ano zini sa asa dang tini gil gwera, sap ee mese zi walasna enam enkam wei wik guk," zen in zep tane zem insa Zebulon kam bosetak. ²¹ Kizep hen etan Lea wenam tolsa jaha gwek desa Dina kam zep bose guk. ²² Dekam zep hen Rahel mo abena Alap dokwak gulbirki, dekam zep gubirki zen de hen ugwen hap. ²³ Dekam zep hendep Rahel ugwek, zi walassa zep jaha gwek. Dekam zep guk, "Alap mes abon onakom ol lamang ola hom gulu. ²⁴ Dikire Bian etan abe hap zi walassa zersone bik,"Zen in zep walasna insa Yusup kum bose tak. ²⁵ Rahel mo Yusuf sude jaha gwen hyanak, Yakub dekam zep Laban osan song gweka zao zep gubluka, " Anyan asa tol gublu aremo langsan de etan lwahan hap. ²⁶ Aremo we wal walas naban de song gwen hap w(e)e asa gubluanka, mensa ebon de syal yawal gol gwenkam lup gul inkke. Anyan ena tawana (e)e eno syala dohon hon tangan nakae gol gwenan. ²⁷ Laban hw(e)na man dinggul bluka," Emki asa salblan diki dawemna em awe gw(e) gwe, sap (e)e Bian onakore dawemna eno syala kon(e) golin gwenan. ²⁸ Emki asa gublun, em bana kaene abon onakore kire kirena dwam gwebi,ira. (E)e m(e)s(e) tangan hohle gwenan asa ebe hap hap golblal. ²⁹ Yakub kizep dinggul bluka, "Anyan ena tawana men desae eno syal dohon honna gol gwe nanye, hen eno o tweran zahona angkam banakan lowehe,an men desa (e)e kara tagwebirinye. ³⁰ Anyan, (e)e kime hataza sr(e)m gwe,ak dekam kire beyanaka hom, hw(e)na angkam mes tangan s(e)rkam (e) beya gwe song gwer. Bian mes dawemna ebe hap ano syalakon golblaka. Zep angkam mes zaul (e)e dikim aremo we wal walas mo tahalhasa sulsonen hap de syal gwen hap denakye. ³¹ Laban dekam zep taken s(i)bl(i)ka, "Ki (e)e basa asa ebehap golblal, em dikim awe abon onak h(e)ndep denaban syal gwe gwehapye? "Yakub kizep dinggul bluka, "Anyan (e)e hom(e) dwam gwe,an emde ba maesa abehap golblan hapye. Hw(e)na anyan em de ano olsan ang gwenkam, (e)e ki asa eno otweran zahona karata gwibir. ³² Zep Anyan emki namen asa gublun eno t(i)ngare otweran zaho lowehe gwen san de song gwen hap. Zao de domba tanet nesa kakak en naka kap gun hup hen kambing dolhwam hwana hen tr(e)ng tron en naka ahalsa ger-ger ennaka.(E)e kire en hab(e) emsa abe taan. ³³ Dekam ngeinsin esa asa tawa gweblala, anakan zen hom ano otweran zahona sowekam kap gulku. Anyan em sap esa hatala ano otweran zahona insa de hlauludan hapye. Zao de kambingsi tr(e)ng-trong sr(e)m naka ahaksa ger-ger sr(e)m naka hlatanna ahaksa dombasa de kakak sr(e)m naka hlatanna dekam em sap esa asa gublula em ema ano otweran zahona sow(e) gweka. ³⁴ Laban kizep dinggul bluka," A(i)r(i)s (e)e ama kirekam dep dwam gwe,an, in kirekame asa gublun daye. ³⁵ Hw(e)na yaklana inkam Laban nonol hl(i)lin halka t(i)ngare bambing zir tr(e)ng trongna hen ger gera hen sap kambing wenya tr(e)ng trong hen ger gera, hen ala ngap ngapna, hen t(i)ngare domba kakakna. Z(e)n desa zi walas zikip kanggul zimki zen de karata gwibin hip. ³⁶ Dekam zep Laban mo walasna in otweran zahona insa Yakub onakon langa nul sundak hen Laban mo otweran zahona men desa Yakub karata gwebirki dekon man langa san kangnuk. Langana Yakub mo gw(e) gwen nakon dan ahare yaklakam de song gwen. ³⁷ Yakub dekam zep dan ahare nwe mase kam de te mo hli-hlina blomtaka desa zep sopnaka lw(e)ptyasibirki h(e)ndep olksan, te hli blom blom lweptyasibinni iwe zep hendep ale ale nagap ngapna (e)jowek. Te hli blom blomna insa otweran zaho mo ho otde gwibin a(i)l(i) ho alpnak zep kangtaka otweran zaho de ho otdibinkim hlatan dagwen hap. Sap otweranna zen ho otdebin hip de ya(i)ng gwenna z(e)we z(e)naka kapda gwenan. ³⁹ Hw(e)na kambing kambing zem in kim te hli lw(e)ptya sibinni in mo ng(e)in nikon z(e)naka ang n(e)blak, gwer gweraka tr(e)ng trongna hen kakaknaka zep wei wik nuk. ⁴⁰ Yakub dekam zep domba dombana insa nerhom lunulidak desa sr(e)n kang gulku. Hw(e)na z(e)naka de ang gweblan tamlenak Yakub dekam kambing domba zahona insa nwe mase nakim men z(e)we tr(e)ng trong wenya hen kakakna kanggulku desan gw(e)ibirida gweka, dekam de hen etan tr(e)ng trong naka wei wik gulu dan hap. Zen kirekam z(e)re hap tagal guludaka Laban mo otweran zahona ingkon dikim sr(e)n kanggun hup. ⁴¹ Kambing domba soson wenya kim z(e)naka kapda gwek, dekam Yakub tehli lw(e)ptya sibinni insa z(e)no mae mo ngein sin kangta gweka z(e)no mae mo ho otde gwibinnik. Dekam de te hli hli lw(e)ptya sibin alpnak iwe z(e)naka ang gweblan hap. ⁴² Hw(e)na otweran zaho kla kla wenyik mo ngeinsin hom kangta gweka. Zep otweran zaho kla kla mo walas wei wik gunnu zen Laban hap dena, dawem dawem wenyik mo walas wei wik gunnu zen Yakub z(e)rehap dena. ⁴³ Zen in zep h(e)ndep Yakub sowehen tangankam gw(e) gweka. Z(e)no otweran zahona s(e)rkam de beya tanganna, hen z(e)no tana iltikinnik de babukam syal tagwen zini hen beya tanganna sap zikim dena hen sap we kam dena. Unta hen keledai zaho maena beya tanganna.