¹ Abraham dekam zep Mamre kon Kanaan mo langsan selatan san dekam al gweka, dekam zep langna Kadesne Syur nikmo klesnak gw(e)ka. Zao de yaklanak kim Gelark gw(e)ka, ² dekam zep wezem Sarasa anakan kira gulku an ano somol. Zen in z(e)p hw(e)na teips(i)n zini Abimelak bak Gelarkon zini lupgul soneka Sara sade z(e)be hap kwang gul blun hap. ³ Hw(e)na kam zep eisir kim Alap teips(i)n zini in hon hataka hen gubuluka, "Wenya insa golka, em esa t(i)l(i); sap wenya in zimo we. ⁴ Abimelekh hw(e)na hom mae Sarasa towan bi,inka, zep guku Bian, (e)e hom(e) karek gwek! San esa tangan asa karek tala h(e)n ano (i)r(i)kg(i)n zi ausuna ansa karek tabiri? ⁵ Abraham z(e)n anakan guku wenya an, ano somol, wenya in z(e)na h(e)n kirekam guk. (E)e elala dawem tangan kam(e) kirekam syal gwebik, zep (e) hom(e) karek gwek." ⁶ Alap kizep etan eisirkim dinggul bluka, "Eiwa kiye emsa tawa gwebla,an em enlala dawem kame kirekam syal gwebirki. Zen in zebe emsa jalse gweblak karek sade abe hap syal gwebirblin srem hapye, hen zebe emsa gublu srem gwek wenya insa de towan bin mae hapye. ⁷ Zep kam angkam etan Abraham osan dep golsone, sap Abraham in Alap mo Ol ayang gul gwen zi, Zensa Alapsa ebe hap abe tala em dikim nama gwen hapye. Hw(e)na emde wenya insa etan golsone sr(e)m gwe,anka em esa eremo (i)r(i)kg(i)n zini ban gol(e) juwera. ⁸ Kaan kam zep Abimelekh bak, z(e)re mo taha tr(i)soban zini k(i)tak tagal gulsuku zao zep in zenki z(e) lwak desa gubiridaka. Kim (e)sane gwek man tangan (e)ar(i)k. ⁹ Kizep hw(e)na Abimelekh bak in Abrahansa gusoneblaka, zao zep gubluka, "Em ema asa ahap taka! (E)e banakan(e) emsa karek tak z(e)be abe hap karek yawala weyulsoneblaka, hen ano (i)r(i)k g(i)n zi ausu hapye?! Em ema tangan karek gweka kirekam de asa gweblan kamye. ¹⁰ Nara emsa t(i)t(i) taka z(e)be kirekam syal gwebiriki?" ¹¹ Abraham kizep dinggul bluka, "(E)e mae hab(e) kirekam syal gwebik, sap awe de zini Alapsa hom blikip neis(i)bl(i),an. Sap (e)e de anakan gunkum in ano we, ki asa esa lal, dekam de hw(e)na ano wenya ansa gonhap. ¹² Hen zen eiwa ano oso. Ano nikmo bianna ahaen hw(e)na anena sr(e)n-sr(e)nna. ¹³ Alap kim asa gubluka, aremo bianmo golsa de hlitan hap dekam de aha langsan song gwen hap, (E)e dekam z(e)b(e) Sarasa gubik, men desanki l(e)ndaanka, em asa blikip gwes(i)bl(i)nda, anakan aha zisi anakan gubirida gwe, in ano aya. ¹⁴ Kim lonsuku, dekam zep Abimelekh bak etan Sarasa Abraham hap golblaka. Hen domba sapi hen sap babukam de syal tagwen zini, zikim dena hensap we kam dena Abraham hap kaptablaka. ¹⁵ Hen kizep etan Abrahamsa gubluka, "Ano (i)r(i)kg(i)n Langna ansa amki en damgulsuk zao de gw(e)-gwen hapye mensa ena dwam gwebi,ira." ¹⁶ Kizep h(e)n Sarasa gubirki, "Emki asa hlatan (e)ama 11 kilo gramkam peraksa eno ayana Abram hap golbla,an karekna insa dikim t(i)ngare zimo nwenak ber-bergun hup, hen ano bose dekarek gwen sr(e)m hap. ¹⁷ Kiz(e)p hw(e)na Abraham Alapsa gusoneblaka dekam zep Alap Abimelekhsa dawen taka, wezemka, hen babu babu zemka. Dekam zep etan walasna weiwik nulidak. ¹⁸ Sap Bian Abraham mo wenya Sara onakon k(i)tak de Abimelekh mo iye mo we-walya insa walas sr(e)m tabirki.