¹ Cho Isalela wa katukile bungenthzi bwendi na bije byoshe bya kele na byo na kuya ku Mbeleshemba . Chojo kuje wa kanene binombelo kuli Njambi wa ishe Isaka . ² Cho Njambi wendekele kuli Isalela mu chimona cha buthsiki , ngwendi , " Yakomba yakonda . " Cho nendi ngwendi , " Yange uno . " ³ Cho wendekele kuli ikeye ngwendi , " Yange Najambi , njambi wa isho . Kethi utewe kuya ku Ingitu , mwafwa kiye bene nji ka ku pwitha miyati wa kama . ⁴ Njiya nobe amo ku Ingitu , chojo chili bene nji ka kwilwitha lalo kuno cho Yosefa ikeye bene a ka fwika a mesho obe na maboko endi . " ⁵ Ngechi Yakomba wa tundile ku Mbeleshemba . Cho bana ba Isalela bambatele ishabo Yakomba , na banababo , na banakathzi babo , muli aje matemba wa tumine Falo ngechi baka mwamba atelemo . ⁶ Chojo bambatele na bimuna byabo na bufuko byabo byonse buje ba wanenene mu lifuti lya Kanana , Cho bethzile mu Ingitu , Yakomba hamo baka naanga yendi boshe . ⁷ Wethzile ku Ingitu bana bendi ba banalume na batekulye ndi ba banalume , banabendi ba banakathzi na batekulyendi ba banakathzi, na baku naanga yendi boshe . ⁸ Chojo awa a kewo mathzina a bana ba Isalela ba banalume baje bethzile ku Ingitu : Yakomba na baku naaanga yendi , lumbeni , twatwa ya Yakomba ; ⁹ bana ba Lubena babanalume , Hanoki , Palu , Hezeloni na Kalemi ; ¹⁰ bana ba Simiyoni ba banalume , Njemwele , Njamini , Ohanali , Njakini , Zoha , na Shaulu , mwana wa munalume wa kuli munakathzi wa ku Kanana ; ¹¹ na bana pba Lebi ba banalume , Ngeshoni , Kohathi, na Melali . ¹² Bana ba Yunda ba banalume bakele Ele , Onani , Shela , Pelezi , na Zela , ( oloni Ele na Onani ba thsililile mu lifuti lya Kanana ) Bana ba Pelezi ba banalume ba pwile Heziloni na Hamulu . ¹³ Bana ba Isaka ba banalume bapwile Tola , Puwa , Lobi , na Shimuloni ; ¹⁴ Bana ba Zambuluni ba banalume bakele Selendi , Eloni , na Njalelu . ¹⁵ A ba bakele bana ba Leya ba banalume baje bana ba themenene kuli Yakomba mu pandani Alamu , amolika na munendi wa munakathzi Ndaina . Bana bendi ba banalume na ba babanakathzi bapwile makumi a tatu na banu batatu . ¹⁶ Bana ba Ngandi ba banalume bakele Zefoni , Hanga , Shumi , Ezimboni , Eli Alondi na Aleli . ¹⁷ Bana ba Asha ba banalume ba kele Imuna , Ishiba , Ishibi na mbeliya ; cho Sela wakele ndokathzi yabo . Bana ba mbeliya ba banalume bakele Hembe na malikiyele . ¹⁸ Aba ba kebo bakele bana ba Zilupa ba banalume , baje wanene lamba ni kuli Leya munendi wa munakathzi . Aba bana ba banalume bakebo bana ba themene kuli Yakomba boshe bapwile Likumi na batanu na umo . ¹⁹ Bana ba Lakele munakathzi wa Yakomba ba banalume bakele Yosefa na Mbenjamini . ²⁰ Mu Ingitu Asenati muna Potifela kapilisitu ka oni , wa themenene Yosefa Manase na Efulemu . ²¹ Bana ba Mbenjamini ba banalume bakele mbela , mbeka , Ashimbelu , Ngela , Namani , Ehi , Loshi , Mupimu , Hupimu , na Andi . ²² Aba bakebo bana ba Lakele ba banalume ba themenene kuli Yakomba - boshe bakele likumi na bawana . ²³ Muna Ndami wa munalume wa kele Hushimu . ²⁴ Bana ba Nafitali ba banalume bakele Njaziele , Ngumi , Njeza , na Shilemu . ²⁵ Aba bakebo bakele bana ba Yakomba ba mu themenene mbiluha , uje Lambani wanene kuli munendi Lakele - boshe kakele batanu na babali . ²⁶ Chojo boshe baje baile ku Ingitu na Yakomba , baje bapwile baku maanga yendi , kufumithako lika banakathzi ba bana ba Yakomba , bakele makumi a tanu na limo na batanu na limo . ²⁷ Cho kwakako na bana ba Yosefa ba bali ba bana lume baje ba themenene mu Ingitu , munga ya nanga yendi ije ya ile ku Ingitu ya pwile malaimi a tanu na wa bali boshe amo . ²⁸ Cho Yakomba wa twamekele Yunda ku lutwe lwendi kuli Yosefa managana a ka ba twamenene ngila ya laiya ku Ngosheni ,chojo betele bene ku lifuti lya lya Ngosheni . ²⁹ Ngechi Yosefa wa bwahethele likalu lyende na kuya na kukaliwana na ishe Isalela mu Ngosheni . Chojo wa mu mwene , cho wa mu bumbatelele mu thingo yendi , cho wa lililile a thingo yendi a thumbu ya ilaha . ³⁰ Cho Isalela wendekele kuli Yosefa ngwendi , " Ololo njecheloni njithse , a kulinga njina mono laja mala yobe , ngwe kumani anga uchili na ku yoya . " ³¹ Cho Yosefa wendekele kulibandolome yendi na kuli baka njubo ya ishe ngwendi , " Njiyo ni nji ka leke Falo , ngwange , ' Bandolome yange na baka njubo ya tate , baje bakele mu lifuti lya Kanana , bana ijoni kuli yange . ³² Aba banalume bapwa tunyungi , mwafwa bana kala nakunyunga bimuna . Chojo bana ija na bimuna byabo byoshe , na byoshe bije bakala nabyo . ' ³³ Cho chika sholoka , omwoni Falo a kamithana na ku mihula ngwendi , ' Bipangi muka muka panga ? ' ³⁴ Cho yeni mwa pande kwendeka ngweni , ' Bangamba bobe bapwa tunyungi ba bimuna kutunda ku bukwenje bwabo kwete bene na ino thimbu , Yetu , amolika na bakukulwila betu . 'Lingenu echi mangana mwathe ku tunga mu lifuti lya Ngeshoni , mwafwa kuli baka Ingitu tunyungi boshe bapwile banu ba biyobo . "