¹ Chojo Yosefa wonoweloni ku lyungumika ku mesho a bangamba boshe baje bemanene ku yehi nendi . Cho wa kalumukilena kwendeka kuli bakebo ngwendi , "Mwapande kunji the thza mubaboshe . " Ngechi na umo ngamba wai ye manene kuyehi nendi a thimbu Yosefa wali sholwele kuli bandolome bendi . ² Cho walilile mu kutambekela , ngechi baka ingitu bachi thzi bile , nabaka njubo ya Falo ba thzibile echi . ³ Cho Yosefa wendekele kuli bandolome yendi ngwendi , "Yange Yosefa . Tate achili na ku yoya indi bati ? Olojo bandolome yendi ku bathele kumu kumbulula , mwafwa ba kithiwile ku mesho endi . ⁴ Ngechi Yosefa wendelekele kuli bandolome yendi ngwendi , '' Ijeni kuno ku yehi nange , mwane . " Chojo bashwenene ku yehi . Cho wendelekelekuli ba kebo ngwendi , '' Yange Yosefa ndolome yeni , iye umwa landethele ku Ingitu . ⁵ Kethi muli jakamene nambe kuli lubalela yeni babenya ngwenyi mwa nyilandethele , mwafwa Njambi wa nji twamekele ku lutwe lweni mangana ahyele myonyo . ⁶ Mwafwa a myaka ei ibali mulifuti muna kala njala ya kama , cholallo kuchili nawa myaka ikwabo itanu miye kumu kala ku lima nambe ku teja . ⁷ Ngechi Njambi wa nyi twamekele kulutwe lweni mangana a mi nyungilile ngwe baka kulitulaho mu lifuti , na kumi yobola na kwohyela kwa kama . ⁸ Cho nini lamani kethi ngwe yenioni mwa nji tumine kuno olojo Njambi ikeye , chojo na nji pwitha ishe kuli Falo . Mwata wa njubo yendi , na ntwama wa kwandama lifuti lya Ingitu . ⁹ Chojo thzambuleni yeni kuli tate na ku ka muleka ngweni , 'Ebi bikebyo byendeka munobe Yosefa ngwendi , " Njambi na nji pwitha ntwama wa Ingitu yoshe . Chojo ijoni kuli yange , kethi lalo wishwale . ¹⁰ Wija na ku tumbama mu lifuti lya Ngosheni , chojo wa ku kala ku yehi nange , yobe na bimuna byobe , na byoshe bi uli nabyo . ¹¹ Cho nja ku kushukila kuje bene , mwafwa anga ku chili myaka itanu ya njala ya kalombolombo , mangana kethi mu kalekeye , yobe , na njubo yobe , na byoshe bije uli nabyo . " ¹² Kengeni , mesho enu a mone , na mesho a ndolome yange Mbanjamini , ngwe kanwa kange bene ka keko kali na kwendeka kuli yeni . ¹³ Mukaleka tate a bukama bwange mu Ingitu na ali byoshe bije bimuna li mwena . Thzambulenikoni ngechi mu ka nji nenele tate kuno . " ¹⁴ Chojo wa bumbatelele shongo yendi Mbenjamini nendi wa lililile lalo a mukoshi wendi . ¹⁵ Cho wa bumbatelele lalo ba ndolome bendi boshe na ku lilila ali bakebo . Na anima yechi cho bandolome yendi bendekeloni kuli ikeye . ¹⁶ Chojo na muthzimbu wa nandeyi wetele na munjubo ya Fwalo : " Bandolome ba Yosefa bana ija . " Chojo fwalo na bangamba bendi ba bwahelelele manene ali echi . ¹⁷ Cho Fwalo wendekele kuli Yosefa ngwendi , "Endeka kuli bandolome bobe ngwobe , ' Lingenu nga chije : Longe keyenibimuna byeni ngechi muye ku lifuti lya Kanana . ¹⁸ Yeni mu kambate ishweni na ba kanjubo yeni ngechi mwije kuno kuli yange . Cho nja ku myana bubwa bwa mu lifuti lya Ingitu , chojo mwa kulya bya mathzi bya muno mulifuti . ' ¹⁹ Nge choni ololo bana mu kambeya , 'lingenu echi , ambateni matemba a muno mu Ingitu muli kwathetheo ku bana beni na banakathzi beni . Yeni mu kashake ishweni mwije kuno . ²⁰ Olojo kethi muli jakamene a mulonga wa bufuko bweni mwafwa bubwa bwa lifuti lyoshe lya Ingitu bunapwoni bweni . "' ²¹ Chojo bana wa banene matemba kwethekethe na ku shika kw aFalo , na ku bana byoshe bya ku likwa thetha mu bungenthzi bwabo . ²² Kuli ba kebo boshe wanene kuli umo na umo wabo buthzalo bubali bubali , oloni Mbenjamini wanene bita bitatu bya mabundu a siliba na buthzalo butanu . ²³ Cho ishe wa mutumisile ebi : likumi lya bimulu baje ba longele na byuma bya bibwa bya ishe bya ku likwathetha mu bungenthzi . ²⁴ Cho watumine bandolome bendi cho ngechi nabakebo baile . Chojo wendekele kuli bakebo ngwendi , " Muna pande kumona ngweni ku muli thzungitha mungila . " ²⁵ Chojo batundile mu Ingitu na kuya na kweta ku lifuti lya Kanana , kuli Yakomba ishabo . ²⁶ Cho bamulekele ngachye ngwabo , " Yosefa a chili na kuyoya cho lalo ikeyoni napu ntwama wa lifuti lyonse lya Ingitu . " Cho mbunge yendi ya likomokelele manene mwafwa kathele ku kulahela bije bi ba mu lekele embwe . ²⁷ Cho ba mu lekele byoshe bije byendekele Yosefa kuli bakebo . Cho omwoni mwa lingile Yakomba na mono aje matemba wa mutumininine Yosefa a ku mwambatelao , cho munthzinthzime wa ku kala na binthzili . ²⁸ Cho na ikeye Isalela wendekeloni ngwendi , " Echi china tethamo . Munange Yosefa a chili na mwonyo . Njiya nji ka mu mone athimbu kanda njithse . "