¹ cikele ceni uze akulinga zimpata naku pihilila! ca limbo lize lipakesa! ² kononokele kulizi; katambuile kulongesa cize; katsililielele Yehova; ka suenene kuli Njambi yeni. ³ Vamata veni hakati keni vanapu vandumba vakuohia; vangazi veni tungunga vaku cinguezi; kavaseza vimosi kumene. ⁴ Vapolofelo veni vaka kuhehu navaka vungungu; vasasendote veni vana zualesa ndzivo yakulela, vana pihisa lizi lia lisiko. ⁵ Yehova ha kati keni ikeye mukua vuviuke; ka li ka linga vupi; ku vimenemene viose a sololola vuoloka vueni mutana, ke ku honoua; vunoni vakua vuhenga ka va tantekeya ntsoni. ⁶ Nji na vatula miyati; vimpaka viavo vi li mu ngoco; nji na puisa matapalo avo mupulu ngua, ngecize na umo uahi a pitako; membo avo a na nonga, ngecize ka kuesi muntu, ngecize ka kuesi mundombo. ⁷ Nja handekele nguange, Nji vuile vuoma ange lika; tambula ku-lo-ngesa; mukemuo vukalo vueni ka vu ka vatuka, ngue ku viose vi nji na mu tumbuila vunoni va hindukile cimenemene na ku pihisa vilinga viavo viase. ⁸ Ngoco vene nji tumamenienu, mu a li ku handeka Yehova ngueni, noho ha litangua lize omo nji ka katuka mu ku pupa; muomu kulikanuuela cange cikeco ku kungulula miyati, linga nji kungiya mavuangana,muku va muaniena matota ange vutenu vuange vuose vene vua ku kaluua: muomu mavu ose a ka liuana tuhi va lifuua liange. ⁹ Amba vuose nji ka hiluisa kuli vantu lilimi lia kulela, linga va tambakene lizina lia Yehova mu ku mu mu pangela na mutima umo lika. ¹⁰ Fume mu sinia lia vandonga va Etiopia vakua ku vundila vange, muana ua mpuevo vene ua visanduoka vange,va ka neha nkombelo yange. ¹¹ Ku litangua olia ka va ka ka vuisa ntsoni omo vilinga viove viose, mu una vulumuna kuli ange; muomu haze nji ka fumisa ha kati kavo vaze vove vakua ku lihalesa na ku lipamba, kaha ko uka lihalesa nanua mu muncinda uange ua ku lela. ¹² Vunoni nji ka seza ha kati kove vantu vukua tuyando na vahutu, kaha vakevo va ka tinina mu lizina lia Yehova. ¹³ Visupo via Isaleli ka vika linga vupi, cipue ku handeka makuli, cipue lilimi lia kuonga kava kali uana mu kanua kavo; muomu va ka lia na ku vutama, kaha na umo uchi a kava vuisa vuoma. ¹⁴ Imba, A muana ua mpuevo ua Siono; tambeka, A Isaleli; zolela na ku viukilila na mutima uose, A muana ua mpuevo ua Yelusalema. ¹⁵ Yehova na fumisa vihiso viove, na mdila kuti citozi coze: muangana ua Isaleli, Yehova vene, ali ha kati kove; ko u ka zuzuka vupi naua. ¹⁶ Ku litangua lia va ka handeka na Yelusalema nguavo, kati u ivue vuoma; A Siono mavoko ove kati a zeye. ¹⁷ Yehova Njambi yove a li ha kati kove, mukua vukama, mukua ku ohiela; a ka ku viukilila na ndzolela; a ka huima mu cilemo ceni; a ka ku zolela na miaso. ¹⁸ Nji ka kungulula vaze va li na vusona vua lukungulukilo lua kama, vaze va puile vove, kuli vakevo citeli ca kele naco ca puile kasahuntu. ¹⁹ Tala, ku ntsimbu oyo nji ka lingila vaze vose va ku ku yandesa; kaha nji kohiela cize ci vendukuta, na ku kunga cize va ci sekuile; kaha nji ka va puisa cisangala na lizina, ntsoni yavo i na kala ha mavu hose. ²⁰ Ku nsimbu oyo nji ka mi kovelesa, na ku ntsimbu oyo nji ka mi kugai muomu nji ka mi puisa lizina na cisangala ha kati ka vantu vose va ha mavu, omo nji hiluisa vundzinda vuenu ku meso enu, ngeni Yehova