¹ Likungululienu, cili likungululienu, hamuyati kauesi nantsoni; ² ntsimbu kanda vasika lisiko, ntsimbu kanda litangua lihita ngua muzugu, ntsimbu kanda vutenu vuakukaluua vua Yehova vumihite, ntsimbu kanda litangua lia vutenu vua Yehova vumiheta. ³ Lengeyenu Yehova enu vose vaka konkama ha mavu, vaze vana niunga visika vieni; lengeyenu vuviuke, lengeyenu ku konkama mpano muka mona kuvanda kuli tangua lia vutenu vua Yehova. ⁴ Muomu Ngaza ika himpuka ngundu, na Asekelone mpambo ya ngoco; vaka sekula Asekelone ha katikati ka litangua, na Ekelone ikatukuka. ⁵ Cikele ca vandambo vaku mukulo ua kalunga, muyati ua celeteo! lizi lia Yehova liami vindika, vakanana, cifuti ca vafilisteo; njikaku nongesa, ngecize kukakala mundambo. ⁶ Na mukulo ua kalunga uka himpuka viana, na zintingi zia tuniungi na malimba a matanga. ⁷ Kaha mukulo ukakala kuli visupo via ndzivo ya Yunda; vaka lisa matanga avokuzi; mundzivo zia Asekelone vaka vutama kucinguezi; muomu Yehova Nji yavo akava hinduisa, naku hiluisa vundzinda vuavo. ⁸ Nji nevu kutomba, vivana tombo ca Moave, na vituka via vana va Amone, vivana natombo navio vantu vange, naku likamesa kumukuakua uavo. ⁹ Ngoco vene ngue munji yoya, muali kuhandeka Yehova ua viuunga, Njambi ya Isaleli ngueni, mua vusunga moave ikahimpuka ngue Sondoma, na vana va Amove ngue Ngomolo, vufuko vua tundzata, navipuku via muongua, na mpambo ya ngoco kumaka yose: visupo via vantu vange vakakavapupa, na visupo via muyati uange vakava suana. ¹⁰ Eci vakakala naco omo kulihalesa cavo, muomu vana tombo naku likamesa kuli vantu va Yehova ua vivunga. ¹¹ Yehova akakaluua navo; muomu akavuisa ndzala vanjambi vose vaha mavu; kaha vantu vakamulemesa muntu ku muntu kucihela ceni, zinkundu zieso vene zia mayati. ¹² Enu vaka Etiopia naua, mukatsa kumukuale uange. ¹³ Kaha ikeye akolola livoko lieni kunolote, na kuenieka Asilia, kaha akahetesa Ninivayi mpoombo ya ngoco, yakuuma ngue zindinda. ¹⁴ Na matanga aka vutama hakati keni, tusitu vose va miyati na tipapato na ciningi vakakala mu mitue ya zingundzi ziayo; lizi liavo litemba ku zinjanena; vungoco vukakala ku vipamba; muomu na fukula vipanga via musendulu. ¹⁵ Eli likeko limbo lize lia kuzolela, lia tumamene ngoco, lia handekele mu mutima ueni ngueni, yange njakala , kaha kakuesi ueka ngueni yange njikala, kaha kakuesi ueka uaku hambakana nange: vatizndzi na himpuka mpambo ya ngoco, muhele kuvaka vutama tusitu! vose amupita aka huzako, na kulisisa livoko.