¹ Kaha cakele ngecize mumatanga omo va ngandzi vasompele nguavo kuakele ndzala mucifuti, kaha yala umosi uaku Mbetele Yunda uaile nakutmama ngue niamuiza mucifuti ca Moave na mpueyeni na vana veni vava vali vava mala. ² Lizina liou yala akele ikeye Elimeleke, kaha lizina lia mpeyeni ikeye Naome Mazina avana veni vava mala vakele vakeko Malone na Kilione, ou akele ka Efelete uaku Mbetelema Yunda. Vahete kuli futil lia Moave na kuyoyela kuze vene. ³ kaha Elemeleke, yala lia Naome, uatsile, kaha ua salele likalieni na vana vava mala vavali. ⁴ Kaha ava vana vava mala vambatele vampuevo kufuma ku vampuevo va Moave; lizina liaumo ikeye Olipa, kaha lizina liou mokuavo ikeye Lute. kaha vatumamene kuze miaka likumi. ⁵ Kaha Malone na Cilione va tsile, kaha va mpuevo vava sile cakuhona vava vava vamala kaha naua cakuna yala. ⁶ kaha ikeye ua kutukile hamo nava nemueno linga ahiluke kucifuti ca Moave muomu ua vuile mucifuti ca Moave nguavo Yehova na hinduisa vatu naku vahia kulia. ⁷ Kaha ua fumine kucihela cakele nava nemueno vavali, kaha vendele munjila nakuhiluka kucifuti ca Yunda. ⁸ Naome ua handekele kuli va nemueno vavali ngueni, ''Hemen, Helukenu, ha muntu ha muntu, kuzindzivo ziava nokuenu. Yehova amisoluesele ngozi halienu, ngue mumuasoluesa ngozi kuli vatsi nakuliange. ⁹ Yehova amifungile kuima, ha muntu ha muntu kuzdzivo ya yalieni ueka.'' Kaha uaava tsembele, kaha vatambakanene mezi avo naku lila. ¹⁰ Kaha vahandekele kuli ikeye nguavo, ''cahi! Tukuhiluka nove kuli vantu ziove.'' ¹¹ Vunoni Naome ua handekele ngueni, ''Alumukenu, vana vange! Muomu vika mukuila nange? Vuno njii navana vava mala mozimo, mangana vakale vamala zienu? ¹² Alumukenu, vana vange, hamenu munjila yenu, muomu Ange njakolo cikuma kukala na yala. Ngue Ange njikuhandeka nguange, ''Ange njalavelela vutsiki vua lelo kukala na yala; naku sema vana vava mala naua, ¹³ ngoco munase kuva vandamena noho havakakolela? ngoco kamukusakula kulikela kusomboka kuvamala veka? Cahi, vana vange! Cina kunjivavala muomu yenu nguange livoko lia Yehovo lia fumu ha liange.'' ¹⁴ Kaha va nemueno valilile naku tambakana mezi helu naua. Olipa uamu tsembele nemueno, vunoni Lute uamu kakatelele. ¹⁵ Naome ua handekele ngueni, ''Ivuilinu, muanoko nahiluka kuli vantu zieni nakuli va njambi zieni.'' ¹⁶ Vunoni Lute ua handekele ngueni, ''Kati unji lembezieke kukuseza ove, nakuhiluka kuhona kuku kavangeya ove, muomu kuose kuukuya, Nange njikuya; kuuku tumama, Nange njikutumama; vantu ziove vakakala vantu ziange, kaha Njambi yove akakala Njambi yange. ¹⁷ Kuose kuukatsila, Nange kukeko kunjikatsila, kaha kuvakaku tsindila. Kaha Yehova akanji yandese, ambatuhu kuhianesaho, Ngue nkala cuma vunoni kutsa ciku tuhangununa.'' ¹⁸ Kaha Naome muamue ngueni Lute nalizika mutima uakuya neni, uali kelele kuhandeka neni. ¹⁹ Ngoco vakeko vavali venendele noho vahete ku mbaka ya Mbetelema, Kaha cakele ngacize omo vahete ku Mbetelema, mbaka yose ya viukilile nava keko. Va mpuevo va handekele nguavo, ''Ou Naome ni?'' ²⁰ Vunoni ua handekele kuli vakeko, ''Kati munjisane nguenu Naome. Njisanenu nguenu Kusasa muomu mukandzili nalingi nange kusasa. ²¹ Ange njatuhukile uaku sula, vunoni Yehova nanjihiluisa naua mavokovoko. Kaha vikandzo muku njisanena Naome, kutala Yehova nanjividika navukaleho vueni mukaa ndzili yose nanji yandesa ange?'' ²² Ngoco Naome na Lute na mpuevo mukaMoave, nemueno yeni, uahilukile kufumsa kucifuti ca Moave. Vahetele ku Mbelema hakusangumuka kutia sevenda.