¹ Nja handeka mua vusunga muli Kilistu. ka nja handekele makuli, mutima uange uambulula vukalelio homo nange muli muzimu ua kulela. ² Ngecize nji li na vusiua vua kama cikuma na ku - vavala cize ka ce ku hua mu mutimu uange. ³ Muomu yange vene nji ne ku zanga ngecize va nji singe nji hangunuke kuli Kilistu omo vana va nana, vavusoko vange va ku muvila. ⁴ Vakevo valsaleli. Kutavesa vumuana ci na pu cavo, na vumpahu, na matavasiano, na ku hana mezi alisiko, na ku pangela tembele, na masiko. ⁵ Vakuku va na vavo na Kilistu uavo ku muvila ikeye ua hiana viose. Ua ku sangazialu miaka yose . Ameni. ⁶ Kati ngue lizi lia Njambi like lio li na honoua houe. Muomu kati vose va isaleli ka va pu vose vaisaleli. ⁷ Cipue muomu vakevo mbuto ya Avilahama, ka va pu vose ngue vana. houe, '' muomu ngueni kuli isake kukekuo va ka sanena mbuto yove. '' ⁸ Ngecize, vana va muvila kativo vana va Njambi. Vunoni vana va litavasano vakevo va va tumbula mbuto. ⁹ Muomu lizi likelio eli lia litavasiano: '' Ha tsimbu ngue ino ha nji keza, kaha sala a ka kala na muana ua yala. '' ¹⁰ Kaha katimo lika, vunoni na kuli lembeka nava na kulisa kuli umo yala, kuli tata isake. ¹¹ Omo vana te kanda va ci semuke tekanda va linge cipue via cili via vipi, linga cizango ca Njambi cika kale ngue omo na hangula kati ngue ku vilinga, vunoni ku cizango cou aka sana. ¹² Va ci handekele neni nguavo, '' mukuluntu aka pangela ntsongo. '' ¹³ Ngue mu va na soneka nguavo: '' Yakomba inji na leme, vunoni Esau inji na Zindi. '' ¹⁴ Vikandzo tu ka handeka naua ? kua kala vuhenge kuli Njambi ni ? katimo houe. ¹⁵ Muomu na handeka na mose ngueni, '' Nji ka mu tetela na cikeketima, kaha nji ka mu vuila mema ku mutima vose i nja zange ku vuila mema ku mutima. '' ¹⁶ Ngoco vene, kacesi ngue kuli ou a lema, cipue kuli ou aku tunta, vunoni kuli Njambi, mukua ku vuila cikeketima. ¹⁷ Muamu visoneka via handeka na falao, '' Nguavo muomu eci vene nja ku katuile, linga nji muese zi cili mu liove, kaha lizina liange lika tsimane hano ha mavu hose. '' ¹⁸ Ngoco vene, Njambi atetela na cikeketima, uose ya na teme, kaha a kaluuisa uose ya na teme. ¹⁹ Kaha u ka handeka nange nguove, '' vikandzo a cili na ku handekela milonga? muomu iyandzo a viana cizango ceni ? '' ²⁰ Vunoni ove, muntu, kati ngoco yoveyandzo amba u lisikule na Njambi ? Ni cumu ca ma songa cikahandeka nou ua songele, '' nguaco vika ua nji pangela ngecize ? " ²¹ Cipue ntsongi kesi na zili ha vuma ngecize ku mukomo umo lika asongeke ndoho imo ya cili, niyi ikuavo ya ngoco ni ? ²² Vunoni vati nga Njambi, mua na leme ku muesa ku - niengua ceni na ku tsimanesa ngolo yeni, nga na kakatela na ntsintsa ya yingi ya ngozi zindoho zia vutenu zia pande ku nonga ? ²³ Linga tantekeyese vufuko vua vumpahu vueni ku zindoho zia na vuila cikeketima, zize zia na viukisilile luma laza vumpahu ? ²⁴ Zikezio yetu vene, na tu sana naua, kati ngue ku va yundeya lika, vunini mukati ka va kua vi futi ? ²⁵ Ngue omo na handeka naua hati Hosea: '' Nji ka sana vantu vange ava ka va kele vantu vange, nou ka va mu lemene inji ka tumbula ua ku lema. ²⁶ Kaha cika kala ngecize kuze ku va va handekele, ' kati mu vantu vange, ' kukekuo ku va ka va tumbula ' vana va Njambi mukua muono . ''' ²⁷ Isaya na tambeka via Isaleli ngueni, '' vuntuhu ku - lana ca vana va Isaleli ci ka pua ngue museke ua ku mema akulunga, vakua ku lituhaho va kovoka, ²⁸ Muomu muangana a ka linga lizi lieni hano ha mavu a ka li puisamo na ku li vatula mpundu vuasi. '' ²⁹ Ngue omo na handeka laza Isaya ngueni, '' Nga muangana ua zimbunga ka tu sile mbuto, Nga tua himpuka ngue sondoma, na ku lifua na Ngomala. '' ³⁰ Vikandzo tu ka handeka ? kaha vaka vifuti, vaze ka va lengeyele vuviuke, vana vu uana vuviuke, vukevuo vene vuviuke vua ku tsiliela. ³¹ Vunoni va Isaleli, mu ku lengeya mezi alisiko a vuviuke, ka va hetele ku mezi a vuo a lisiko. ³² Vikandzo ? Muomu ka va a lengeyele na ku tsiliela, vunoni ngue na vilinga. Va suntsukile ha livue lize lia ku suntsuisa, ³³ Ngue omo va na ci soneka nguavo, '' Talenu, nji haka mu siono livue lia ku suntsuisa likelio livue lia ku lavesa ku mitima . ''