¹ Kaha Yehova ua handekele na Mosesa ngueni, ² ''Handeka na vana va Isaleli nguove, 'Omo mumu kuheta mu cifuti muze mumu kuyoyela, cize Yehova cali kamihia, ³ mukali viukise kulinga cikombelo ca tuhia kuli Yehova, cikombelo ca kutsimika, cipue cikombelo cakukala lizi lia kulisinga, cipue cikombelo, ca cizango, cipue viuano vuenu viaku mitumbuila, mukulingisa vueko vua kulembuluka kuli Yehova, cakuvuntanga cipue caku limba. ⁴ Ua tela kukombeleya kuli Yehova cikombelo cakutsimika ca vunga ca ndesimu imo ya efa ya vunga vua kuhia satu vua kupandakana na mutamba uamuciuana ua hine ya mazi. ⁵ Uatela kukombela naua cikombelo caku tsimika, cipue cikombelo, cakuli lalekeya ku muana mpanga. ⁶ Ngue ukukombeleya cizamba, uatela kuviukisa vunga vuaku kombeleya zindesimu zivali zia efa ya vunga vuakuhia satu vuaku pandakana na mutamba uamucitatu ua hine ya mazi. ⁷ Kaha hakukala cikombelo cakunua, uakakombeleya mutamba uamu citatu ua hine ya viniu. Vukele vueko vuakulembuluka kuli Yehova. ⁸ Kaha omo vutsiki mukuendze ua ngombe hakukala cikombelo ca kutsimika cipue hakukala cikombelo a kulingisa lizi lia kulisinga, cipue mukukala vikombelo viaciyulo kuli Yehova, ⁹ kaha akakombeleye hamo na mukuendze ua ngombe cikombelo cavunga ca zindesimu zitatu zia vunga vuakuhia satu vuaku pandakana na mutamba ua hine ya mazi. ¹⁰ Uatela kucombeleya mukukala cikombelo ca kunua mutamba ua hine ya viniu, mukukala cikombelo ca tuhia, ca vueko vuaku lembuluka kuli Yehova. ¹¹ Mukeko muukalinga kuli ngombe, ku ngombe, nakuli cizamba ku cizamba cipue cipue kuli muana mpanga ua nkomba ku muana mpanga ua nkomba,cipue kuli vana vampembe. ¹² Ngue kukukala cove cimu kuviukisa, mumukalinga kuumo kuumo ngue kukukala cove. ¹³ Vose va semuua mucifuti vakalinga viuma evi ngecize vene, muku kombeleya cikombelo cikombelo catuhia, ca vueko vua kulembuluka luli Yehova. ¹⁴ Ngue niamuiza akutumama nenu, cipue nkala muntu akakala hakati kenu ku mazimo enu ose, atela kulinga cikombelo catuhia, ca vueko vua kulembuluka kuli Yehova. Atela kulinga ngue muekulinga ikeye. ¹⁵ Luatela kukala lusimbi lumolika lua lukungulukilo kaha na niamuiza uze anakutumama nenu, lusimbi luakuhona kualumuka muma zimo enu. Ngue omu mumuli, kaha naua kuatela kukala vakakuenda kutumama nenu. Atela kulinga ngue mumua lingile kumeso a Yehova. ¹⁶ Lusimbi lumolika kaha vilika viatela kukala kulienu na kuli vaniamuiza vaze vanaku tumama nenj.''' ¹⁷ Ceka naua Yehova ua handekele na Mosesa. Ngueni, ¹⁸ ''Handeka navantu va Isaleli uhandeke navo nguove, ''Omu mumukeza mucifuti cize Ange njikamituala, ¹⁹ Omu mumu kalia viakulia viafumine mucifuti, muatela kukombeleya cikombelo kaha mukacisoluese kuliange. ²⁰ Kufuma kuvu tikilo vue vua kuli vanga muku kombeleya muka umo mukukala cikombelo caku huinga. ngue cikombelo ca kuhuinga caha cizunguilo mumu kacihuinga. ²¹ Kuvu tikilo vuenu vuakuli vanga muka hana kuli Yehova cikombelo caku huinga kuma zimo enu ose. ²² Kaha omo muka kasevuka kaha kamu kaniunga masiko ano ose, ana handeka Yehova na Mosesa - ²³ viuma viose viana misika Yehova kuhitila muli Mosesa kufuma halitangua linjaputukile kumihia enu masiko nakutuala kulutue ku mazimo enu ose. ²⁴ Kaha cikala ngecize ngue cikalinga kundzimba nalukungulukilo kuci ntantekeya cahi, kaha lukungulukilu luose luka kombeleya mukuendze ua ngombe kukala cikombelo caku tsimika kukala vueko vua kulembuluka kuli Yehova. naci kombelo caco cavunga na cikombelo cakunua ngue kulisiko, kaha cizamba ca mpembe kukala cikombelo cavupi. ²⁵ Kaha sasendote aka minina mata lukungulukilo luose lua vana va Isaleli. Vakava konekela muomu vupi kavuakele muacili. Vaneha vikombelo viavo, cikombelo ca kupanga na tuhia kuliange. Vanehia cikombelo cavupi vuavo kumeso ange. ²⁶ Kaha lukungulukilo luose lua vantu va Isaleli vava kokela, kaha naua vaniamuiza vaze vana kutumama navakeko, muomu vantu vose valingile vupi. ²⁷ Kaha ngue muntu umo akulinga vupi kundzimba , kaha aka kombeleya luhavo lua mpembe ua muaka umo kukala cikombelo cakuvupi. ²⁸ Kaha sasendote aka minina mata ou na sevuka amu muana lingi vupi kundzimba kumeso a Yehova muku mumini mata kaha njika muecela. ²⁹ Mukala nalisiko limolika lia uze akuvulumuna vimosi ku ndzimba, lia uze nasemuua hakati kavana va Isaleli, na ngendzi akulisuka hakati kavo. ³⁰ Vunoni uze akulinga vimosi na livoko lia kuolola, ngue ikeye uaku semuua mucifuti ini mukaku lisuka, ikeye vene akasahula Yehova haha ikeye vakamu vatula hakati kavantu veni. ³¹ Muomu nasahula lizi liange kaha napuzula lisiko liange, uze muntu atela kumuvatula.Vupi vueni vukakala hali ikeye.''' ³² Oku vana va Isaleli vali mumusenge, vauanene yala anakungulula vikuni hali tangua lia sapalalo. ³³ Vaze vamu uanene vamunehiele kuli Mosesa, Alone, na lukungulukilo luose. ³⁴ Kaha vamusokelele mukamenga muomu vambulule vika vavipande kulinga neni. ³⁵ Kaha Yehova ua handekele na Mosesa ngue, ''Ou yala mukeko atela kutsa. Vose va lukungulukilo vatela kumuasa mavue hambandza ya cilombo.'' ³⁶ Kaha va lukungulukilo vose vamutuhuile kufuma mucilimbo na kumuasa mavue na kutsa ngue Yehova musikile Mosesa. ³⁷ Ceka Yehova ua handekele kuli Mosesa. ngueni, ³⁸ ''Hahandeka kuvikota via va Isale nakuvaleka vapange vavene mintsankania ku mikunduiyo ya vuzalo viavo ku mazimo avo ose, kaha vahake ha mintsankania ua mukunduiya uose mukole ua azule. ³⁹ Cika kala civulukiso cacili kulienu, omu mumukacitala, masiko ose, muambate mangana muhone kulitala enu vavene mumutima na meso enu vavene na vupangala vuenu vavene kuli vakeko. ⁴⁰ Linga eci mangana uvuluke na kulinga asiko, kaha mangana mukale nakulela, kuliange, Njambi yenu. ⁴¹ Ange Yehova Njambi yenu, uze amifumisile mucifuti ca Ingito, kukala Yehova Njambi yenu.''