¹ Yesu ua kovelele mu vuato, ua zavukile, na kuiza kuimbo lieni. ² Kaha talenu, va munehelele umo yala muka kalepa vamu kosesele hacisalo. Muamuene kutsiliela cavo, Yesu ua handekele kuli yala mukakalepa ngueni, "Muanange, zamekesa vupi viove va vukonekele." ³ Katalenu, vakuaku soneka vamo vahendeka hakati kavu, "Ou yala nasaula Njambi. ⁴ Yesu ua tantekeyele visinganieka viavo, uahandekele ngueni, "Mulonga uka muna kusinganieka vuli mukati ka mitima yenu?" ⁵ Kaha cacasi cili, kuhandeka nguavo, "Milonga yove vaikonekela cipue, kuamba nguavo 'Katuka na kuenda'? ⁶ Olondzo muatela kuntantekeya nguenu muana muntu uakala nazindzili hano hamavu zia kukonekela milonga,.." Ahandekele kulimu kakalepa, "Katuka mbata cisalo cove, na kuya kundzivo yove." ⁷ Kaha uze yala uakatukile na kuya kundzivo yeni. ⁸ Civunga mucamuene muze, mavavuile vuoma naku zumbangeya Njambi, nahana zize zindzivo ku vantu. ⁹ Kaha omo Yesu mua pulakanene kuze, ua muene muntu umo ua lizina lia Mateo, na tumama haku tambuila milambu. Kaha ua mulekele ngueni, "Njikave." Kaha ua katukile nakumukava. ¹⁰ Kaha omo Yesu mua tumamene ku ku-lia mundzivo, ca kele ngecize, talenu, vavengi vaka kutambula milambu na vakuvupi vezile nakulia neni hamo na va ndongesi zieni. ¹¹ Omo va Faliseo vaci muene, vahandekele na vandongesi veni, nguavo "Vikandzo mulongesi uenu a li nakulia hamo na vakua milambu navaka vupi?" ¹² Vunoni omo Yesu acivuile, ua handekele ngueni, vantu vaze valikangala kumuvila kava kutonda cimbanda, oloncuo vaze vavezi. ¹³ Muatela kuya na kulilongesa mua lumbunukila mezi aa njina zange cikeketima, kati vikombelo. Muomu ange ka mjezile muku sana vaku vuvuike, vunoni vakua vupi. ¹⁴ Ngecize vandongesi va Yoano vezile kuli ikeye nguavo, "Vikandzo etu nava Faliseo tue kulikela kulia hazintsimbu zia zingi, vunoni vandongesi vove kavekuli kela kulia?" ¹⁵ Yesu ua va kumbuluile ngueni, "Vakua vulo va hase kukala na vusiua, ntsimbu ivene vulo acili navo ni?" Vunoni matangua akeza omo vaka vafumisila ivene vulo, ambani vose vakalikele kulia. ¹⁶ Naumo uahi a tongela citopeko ca ntanga yaihia ku vuzalo vua laza, muomuo citopeko cize ca pande ku zikamo cika lavula vuzalo. ¹⁷ Cipue kakuesi muntu nahase kulongela viniu via viha mu zinjeke mucikanda calaza, ngoco zinjeke zi kutuika, na viniu vi kumuania, na zinjeke zi kunongelako. Vunoni ve kulongela viniu via viha mu zinjeke zia ziha, kaha viose vibali vikuniu ngiua. ¹⁸ Omo Yesu ua kuhandeka evi viuma kuli vakevo, talenu, kuezila, umo mukua kusika, uamulemesele ngueni, "Muanange ua mpuevo natsi vuovuno vene, vunoni tuaya u saleke livoko liove hali ikeye, kaha a ku yoya." ¹⁹ Kaha Yesu ua katukile nakuva kava, na vandongesi zieni valingilio muo vene. ²⁰ Kaha talenu, mpuevo umo, vaku vavala musongo uakuhita maninga hamiaka likumi naivali, uezile kunima ya Yesu naku kuata kunongo ya vuzalo vueni. ²¹ Muomu ua handekele mukati ka mutima ueni, ngueni, "Ngue nji kukuata ku vuzalo vueni, njika kanguka." ²² Vunoni Yesu ua lumukile, ua mumuene ua handekele ngueni, Viukilila muanange, kutsiliela cove cina ku kanguisa. Kaha uze mpuevo ua kangukile kufuma kunsimbu ize vene. ²³ Kaha omo Yesu uezile mu ndzivo ya mukua kusika, ua muene vaka kusika zimbendo na mbunga ya kele na ku zuela. ²⁴ Ua handekele ngueni, "Futukenu muomo muana mpuevo katsile, vunoni ali mutulo." Vunoni muzolele naka yengu. ²⁵ Kaha omo civunga muca fumine hambanza, uengilile mu hondo na kumukuata halivoko, kaha na muana mpuevo ua hindukile. ²⁶ Kaha ici cihande ca tsimanene ku cifuti cize cose. ²⁷ Kaha umu Yesu ua pulakanene kuze tupuputa vavali vamukavele, va kutamba kana nguavo, "Linga keke alietu, Muana Ndaviti!" ²⁸ Kaha uomo Yesu ezile na kiungila mundzivo, tupuputavava mala vezile kuli ikeye. Yesu uahandekele kuli vakevo ngueni, mua itsiliela nguenu njinahase ku cilinga eci?" vahandekele kuli ekeye nguevo, "Eemuane muangana." ²⁹ Kaha yesu ua kuatele mu meso avo na kuamba ngueni. Ci lingike kuli enu kuesekesa na ku tsiliela cenu," ³⁰ kaha meso avo enukile. Vunoni Yesu ua va sikile na kukolesako ngueni, "talenu na umo uahi acitantekeye eci." ³¹ Vunoni vaze va mala vavali vaile naku tsimanesa lutsimo lueni mu cifiti cize cose. ³² Kaha omo ava vamala, vavali va kuya, talenu, vatualele kuli ikeye kavaveve umo muka ndemone va munehele kuli Yesu. ³³ Kaha omo ndemone uamufumine, uze kavaveve ua handekele. Kaha civunga calikomokele nguavo via ngecize kanda tuvimona muno mu Isaleli. ³⁴ Vunoni va Faliseo vahandekele nguavo, "Ue ku fumisa vandemoni na zingolo zia muangana ua vandemone. ³⁵ Yesu ua hitaganene muaya membo ose na vikandzo, ua tualeleho na kutangesa muma sinangonga avo. Uambuluile zimpande zia cili zia vuangana yose yeka na yeka na mavezi ose eka na eka. ³⁶ Mua muene civunga, ua vacuilile cikeketima, muomo vakale na kuyandangela naku sanduaka ingue vampanga ka vesi na kaniungi. ³⁷ Ua handekele kuli va ndongesi veni, ngueni, "muavusunga vimbuto viavingi vunoni vakua kutia vakevo va vandende. ³⁸ Ngoco vene vundilenu kuli muangana ua vimbuto, linga a tume vakua kutia vimbuto vieni.