¹ "Zangamenu kutina mulinge vusunga vuanu kumeso a vantu linga vamimone, nga ngoco ka muesi na cilunguiso kuli isuenu uli muilu. ² Ngoco vene omo uhana vuana, kati u sike luneta kulutue luove ngue omo mu veku linga vakua civembulu mu visinangonga na mu zinjila, linga vantuva va sangale. Mua vusunga njikumilueka, nguange vana tambula cilunguiso cavo. ³ Vunoni ove omo uhana vuana, livoko liove lia ciniosue kati litantekeye evi vili linga livoko luove lia cilio ⁴ linga vuana vuove vu kale muku suekesa. Kaha iso ikeye ue kumona muku suekesa, akaku lunguisa. ⁵ "Kaha omuo mu vundila, kati muvundile ngue vakua civembulu, muomuo valema kumana na kuvundila mu visinangonga na hamakano anjila, linga vantu vana mone. Mua vusunga njikumileka nguange, va natambula cilungueso cavo. ⁶ Vunoni ove, omuo uvundikila, kovela mu hondo yove, kaha omuo unasoko lipito liove, vundikila kuli iso uli muku suekesa. Kaha iso ikeye ueku mona muku suekesa, aka ku lunguisa. ⁷ Kaha muku vundikila kati uhilukile- hilukile mo ngue va Ngetila vekulinga, muomuo va singanieka nguavo vaka vevue omuo mezi avo a engi. ⁸ Ngoco vene, kati mupue ngue vakevo, muomuo Isuenu na tantekeya viose vi muazela ntsimbu kanda mu muvundikile. ⁹ Ngoco venevundikilenu ngecize; 'Tatetu uli muilu, lemeseue lizina liove. ¹⁰ Vuangana vuove vuize. Cizango cove cilingeue hamavu ngue omuo cili muilu. ¹¹ Tuhie lelo muka Yetu ya litangua liangongo. ¹² Tu ecele ku makongo etu. ¹³ Kati utu tuamenene ku vieseko, vunoni tu ohiele ku vipi.' Muoumuo vuangana vunapu vuove nangolo, na vumpahu, ku miaka na miaka kayekuhua. Ameni. ¹⁴ Muomuo nga muecela vantu ku vivulumuna viavo, isuenu ua muilu aka mi ecela enu naua. ¹⁵ Vunoni nga kamu ecela vantu ku vivulumuna viavo, kaha isuenu naua kami ecela ku vivulumuna vienu. ¹⁶ Kaha omo mu likela kulia, kati mukale na cihanga ca vusiua, ngue vakua civembulu; muomuo vakevo va pihisa vihanga viavo, linga vantu vava mone nguavo vana likele kulia. Mua vusunga njikumileka nguange, vanatambula laza cilunguiso cavo. ¹⁷ Vunoni ove, omu ualikela kulia, uavesa mutue uove na kutana kucihanga cove ¹⁸ vunoni kati usoloke kuva kuenu ngue kaue sina kulia, vunoni kuli iso ikeye naziva kusueka; na iso ana kumona kusueka lunguisa ove. ¹⁹ "Kati muli lundikile yenu va vene kuniunga hamo ha mavo, hamo hali tuntembulu na ndalavie vikuenieka, na vazi vakutuva na kuiva. ²⁰ Vunoni, tumbikila ove livene kuniungila muilu, oku kakuesi tuntembulu cipue ntalavue kavie ku lia cipue vezi kavasa kutuvamo na kuiva. ²¹ Oko ku kekuo kuli kaniungi, kukeko kuli mutima uove uose. ²² Kaha liso linapu ndeya yamuvila. ²³ Vunoni, ngue liso liove liacili, kaha muvila uove una sulu na ceke. Kaha liso liove lia lipi, kaha na muvila uove una vupi. Ku kama muka cili na vupi! ²⁴ Ka kuesi umo a kapangela vamiangana mukuavo, cipue a ka zinda umo nakuyengula mukuavo. Kamu kahasa kupangela Njambi na vufuko. ²⁵ Kaha naua njikuhandeka kuliove, kati uli nyenge na ciyoyelo cove, nguove ukulia cipue kukunua; cipue na muvila uove, nguove ukazala vika. Kaha eci kati kuyoya capula kana via kulia, na muvila ua ua pulakana vuzalo? ²⁶ Talenu tuzila muilu. Kaveku kuva cipue kutia na kuvungika muvisete, kaha Isueno ua muilu ali na kuvalisa. Enu kamua va hianene? ²⁷ Iya hakati kenu nakumuma mutima aku vuzelela kamuya ku vulahe viu mono ueni? ²⁸ Vikandzo mu uma mitima omo vuzalo? Yongole mu zintsani zia musenge, omo muzili na kukola. Ka vekupanga cipue ku kosa vuzalo. ²⁹ Vunoni nji kumileka, nguange Solomoni vene ku vumpalu vueni vuose kazaleele vuzalo ngue imo yayo. ³⁰ Vunoni Njambi na muno vuzalo na muila mumu senge, Uli lelo lika mene va kambila mu coto, Vuzalo bungahi ma mizalika enu va lu ntsilielo lua lundende? ³¹ Kaha naua kati ume mitima na kuamba nguavo , 'tue kulia vika?' chipue 'vika tu kunua?' chipue 'vuzalo muka tue kuzala?' ³² Kaha va kua vifuti vatondele viuma evi, kaha na Isuenu ua muilu natantekeya ngueni mu li na kuvitonda. ³³ Vunoni cakulivanga lengenu vuangana na vuviuke kaha amivue zelelako vuma evi viose. ³⁴ Vunoni kati mu ume mitina nakuli tangua lia mene, mene uka lisamba kuliove livene. Kayando kana lipuisila litangua liako.