¹ Uasanene vaze likumi nava vali kaha uava hiele zindzili zia kufumisa vandemone vose na kukanguisa mavezi. ² Ua vatumine na kuambulula vuangana vua Njambi na kukanguisa vakaku vavala. ³ Ua handekele kuli vakeko ngueni, ''kati mumbate amba cimo cahi muvu ngezndzi vuenu - cipue mulamu, cipue mukopio cipue mbolo cipue zimbongo cipue vikovelo vivali. ⁴ Ndzivo yose imuku kovela, tumamenu muze kuvanga nomu mumu kufumamo. ⁵ Vose vakahona kumi tambuila enu, omu mumu kaseza mbaka ize, litotomonenu lukungu kufuma kuviliato vienu ngue vukaleho hali vakeko.'' ⁶ Vali muaniene kaha vaile kuhitila muzindanda, nakuambulula muzimbu uacili na kukanguisa kuose. ⁷ Kaha Helonde viose via lingile, kaha uakele na citanga cakama, muomu vacihandekele kuli vamo nguavo Yoano na sanguka kufuma kuvatsi, ⁸ kaha veka nguavo Eliya na soloka, cocimolika veka nguavo kapolofeto tsimbu yakunima na sanguka naua. ⁹ Helonde uahandekele ngueni ''Ange njamu tapele Yoano. Ekeye uo injili nakuivua Ange na viuma viavupi?''' Kaha uesekele kulengeya amumone ikeye. ¹⁰ Kaha vapositolo vahiluhkile, uamulekele viose viva lingile. Kaha ua vatualele nai ikeye, kaha vaile kua lika liavo ku limbo lia Mbatesainda. ¹¹ Vunoni vivunga omu muvacivuile eci, vamukavale. Uavatambuile nakuhandeka kuli vakeko ha vuangana vua Njambi, kaha uavasakele vaze vazangele kavakanguisa. ¹² Kaha litangua liezile kutsongo, kaha vaze likumi nava vali vazile kuli ikeye nakuhandeka ngueni, ''Tuma civunga eci vaye na kuzinguluka mumembo kaha na cifuti ca kulihata vaka uane kuakukosa na kulia, muomu tuli hano hacihela cangoco.'' ¹³ Vunoni uahandekele kuli vakeko ngueni, ''Vahienu vimo valie.'' Vahandeke nguavo, ''Katuesi navia vingi via kuheta kuzimbolo zitanu na vantsi vavali - kuvanga mpamo tuye nakulanda vuakulia viava vantu vose,'' ¹⁴ (Vakele mukulukazi atunu avamala.) Uahandekele kuli vandongesi zieni ngueni, ''Vatumamesenu hamavu muzimbunga muma kumi atanu ha mbunga ha mbunga.'' ¹⁵ Kaha valingile eci, na kutumamesa vantu hamavu. ¹⁶ Uatambuile zimbolo zitanu na vantsi vavali, uanduile meso muilu, uavi vezikisile ua pazuile muvi valavala, kaha uahiele vandongesi zieni vavi tumbikile ku civunga. ¹⁷ Vose valile na kukuta, kaha viasaleleho vavimbatele - vizumu likumi lia vivala vala. ¹⁸ Cakele ngecize Yesu muakele naku vundila ivene, vandongesi vakele naikeye. Ua vahulisile vakeko nakuhandeka ngueni, ''Vivunga vina kunji tumbula nguavo Ange yange iya?'' ¹⁹ Vakuaniene nguavo, ''Yoano mukaku mbatiza. Vunoni vakuavo nguavo Eliya, kaha veka nguavo umo uahali tupolofeto kufuma kulaza nasanguka.'' ²⁰ Kaha uahandekele kuli vakeko ngueni, ''Vunoni enu mukunji tumbula nguenu yange iya?'' Petulu uakuaniene ngueni, ''Kilisitu ua Njambi.'' ²¹ Vunoni uakolesele nakuvamba vakeko vahone kulekako amba umu cahi, ²² ngueni, ''Muana muntu atela kuyanda muviuma via vingi kaha vaka muviana kuvakuluntu na vasasendote na vaka kusoneka, kaha vaka mutsiha kaha halitangua lia mucitatu akasanguka.'' ²³ kaha uahandekele kuli vose ngueni, ''Ngue umosi anakutonda kunjikava ange, ali viane ivene kaha alituike cilindankano matangua ose nakunji kavangeya ange. ²⁴ Uose nazange kuohiela muono ueni aka uzimbalesa, vunoni uose aka zimbalesa muono ueni hali zina liange aka uohiela. ²⁵ Vika viacili kuli muntu ngue akunganiala cifuti cose, kaha vunoni akuzimbalesa cipue aku liecela? ²⁶ Uose aka nji vuila tsoni ange ha mezi ange, muana Muntu aka muvuila tsoni amu mualikeza muvumpau vieni na vumpau vua Tata nava ngelo vakulela. ²⁷ Vunoni Ange njiku handeka vusunga kulienu nguange, hali vamo vamana hano vaka tompa kutsa tsimbu kanda vamona vuangana vua Njambi.'' ²⁸ Kaha muahitile matanga atatu natatu Yesu ua handekele aua mezi, uaile na Ptulu na Yoano na Tiango vaile kumuncinda naku vundila. ²⁹ Omu muakele nakuvundila, cifua cacihanga ceni calumukile, kaha vuzalo vueni vualumukile vuvuka na kutemuka. ³⁰ Zangamenu, va mala vavali vakele nakuhandeka naikeye, Mosesa na Eliya, ³¹ uze asolokele muvumpau, nakuhandeka via kutsa ceni, cali kamanusuila mu Yelusalema. ³² Vunoni Petulu navaze vakele neni valemene hameso natulu, vunoni omu muva hindukile, vamuene vumpau vueni na vamala vavali vamene naikeye. ³³ Omu muvakele nakuya kufuma kuli Yesu, Petulu uahandekele kuli ikeye ngueni, ''Mukuluntu, cikuviuka etu kukala kuno. tutungenu zintsenge zitatu, imo yove, imo ya Msesa, kaha ikuavo ya Eliya.'' (kantantekeyele viakele nakuhandeka.) ³⁴ Omu muakele nakuhandeka evi, liselua liezile kaha liavafuikile vakeko, kaha va vuile vuoma omu muvakekele nakukovela muliselua. ³⁵ Lizi lia fumine muli selua, ngualio, ''Ou ikeye muanange, inja sakuile; muivuililenu.'' ³⁶ Kaha omu lizi liahandekele, Yesu vamu uanene likalieni. Vaholokele kaha kavakele cuma amba cimo muma tangua aze ha viuma viva muene. ³⁷ Kaha halakaca, muva kele nakusikumuka kufuma kumuncinda, civunga cakama cali uanene neni. ³⁸ Zangamenu, muntu kufuma havunga ualiile helu, nakuhandeka ngueni, Longesi, njaku lambelela ove tala muanange ua yala, ikeye munange injili neni kunahu. ³⁹ Kaha tala, cimbembesi cimo cekumukuata ikeye kaha haze vene ualitetelele; cakumulingisa kusinia mangana atutumune lifulu kukanua. kaceku tava kumufuma vuasi cekumu vavalesa cikuma. ⁴⁰ Ange njalambelele vandongesi ziove kumumbila, vunoni kavasele ⁴¹ Yesu vakuaniene na kuhandekele ngueni, ''Enu muyati ua zimpata, tsimbu ingahi Ange injikukala nenu na kumiyandela enu? Neha muanove kuno.'' ⁴² Oku mukuendze ana kuiza, ndemone uamulahuile hamavu na kusinia. Vunoni Yesu ua mutenukilile uze cimbembesi uamupi na kukanguisa uze mukuendze, na kumuhuiluisa kuli ise. ⁴³ Kaha vase vali komokelele havukame vua Njambi. Oku vose vakomokele ha viuma viose viakele nakulinga, uhandekele nava ndongesi zieni ngueni, ⁴⁴ ''Ecenu aua mezi akale muma tuitui enu: Muana muntu vaka musolola muvifuti via vantu.'' ⁴⁵ Vunoni kava ntantekeyele muca lumbunukilile. Cakele cakusuama kufuma kuli vakeko, mangana vahone kuntantekeya muca lumbunukila, kaha vakele na vuoma vua kuhulisa muca limbunukila. ⁴⁶ Kaha zimpata zia putukile hakati kavo iyandzo nakama. ⁴⁷ Vunoni Yesu, uantantekeyele visinganieka mumitima yavo, uatmbuile kanike umo uamundende kaha uamuhakele kuhiehi neni ⁴⁸ kaha uahandekele kuli vakeko ngueni, ''Uose akutambuila kanike uo uamundende mulizina liange, natambuila ange; kaha uose akutambuila ange, natambuila uze uanjitumine ange. Muomu uose akupua uamundende hakati kenu vose ikeye napu uakama.'' ⁴⁹ Yoano uamukuaniene ngueni, ''Mukuluntu, tuamuene umo akele nakufumisa mendemone mulizina liove kaha tua muvindukile, muomu kekutu kava etu.'' ⁵⁰ ''Kati mumu vindike,'' Yesu uahandekele ngueni, '''muomu uose keku mivindika ikeye ali nenu.'' ⁵¹ Kaha mualingile matangua ali kuhiehi nakuya muilu, ahakele ihanga ceni kuya ku Yelusalema. ⁵² Uatumine tunganda kulutua lueni, kaha vaile na kuingila mulimbo lia Samaliya na kuviukisa viuma viose via ikeye. ⁵³ Vunoni vantu kavamu tambuile muomu uatalesele cihanga ceni ku Yelusalema. ⁵⁴ Kaha omu vandongesi Tiango na Yoano vacimuene eci, vahandekele nguavo, '' Muangana, unakutonda etu tusindiye tuhia kufuma muilu kuiza hamavu na kuvenieka vakeko?'' ⁵⁵ Vunoni ualumukile na kuvatenukila vakeko, ⁵⁶ kaha vaile kulimbo likuavo. ⁵⁷ Omu muvakele nakuya munjila, omusi uahandekele naikeye ngueni, ''Ange njikukukava ove kuose kuukuya.'' ⁵⁸ Yesu uahandendekele kuli ikeye ngueni, ''Vambandze vali na vina, na tuzila va muilu vali na musua, Vunoni Muana Muntu kesi naha hakusatela mutue ueni.'' ⁵⁹ Kaha uandendekele namu mukuavo ngueni, Njikave ange.'' ⁶⁰ Vunoni uandendekele kuli ikeye ngueni, ''Vece vatsi vali tsinde vavene. Vunoni ove, hamoye ukambulule uakambulule vuangana vua Njambi.'' ⁶¹ Kaha mukuavo naua uahandendekele ngueni, ''Ange njikukukava ove, Mungana, vunoni vandamena njikalisike navazi vali hembo liange.'' ⁶² Yesu uamulekele ngueni, ''Naumo uahi akuhaka livoko lieni ha litemo kaha akutala kunima kali kuasa kuzatela vuangana vua Njambi.''