¹ Vuluka, Yehiva, vika vianatuuana: Tala, nakumona kusahuka cetu. ² Vusuana vuetu vunaikuli vangendzi, zindzivo zietu kuli vana vambala. ³ Yetu tukuuana vatsiua nava kakuzela vaiseavo; vananetu vakeko ngue vantuluue. ⁴ Tukunua mema etu nakufueta zimbongo; vikuni vietu vatu landesavio. ⁵ Vaka tukavangeya vali ha zitsingo zietu tunakatala kaha katukuhuima. ⁶ Tunahie livoko kulu vaka Ingito, nakuli vakaAsilia linga tukute na muka. ⁷ Vatatetu valingile vupi, kaha vahiko, netu tuna mbata vivulumuna viovo. ⁸ vangamba vali nakusika: kakuesi umosi muka mukutuohiela kulivoko liavo. ⁹ Tunauana muka, yetu na vusonde vua miono yetu, muomu mukuela uaku zindinda. ¹⁰ Cikanda cetu cilava ngue coto cakuocela muka. muomu ntuima yaku tsimika ya ndzala. ¹¹ Va uisile vampuevo ku Siono vana va vampuevo mumembo a Yunda. ¹² Vasukikile va miata kulivoko liavo: Kava singimikile vihanga via vakuluntu. ¹³ Vakuendze va mbatele mavue a kulola; va vanike va suntusukile muintsi lia vikuni. ¹⁴ Vakuluntu vana likela ku membo, vakuenda kukusika cavo. ¹⁵ Ndzolela ya mutima uetu ina likela; vuoma vuetu vuna lumuka vusiua. ¹⁶ Cilongo caluhuka kumitue yetu: Ngoco yetu! muomu tua lingi vupi. ¹⁷ Omu ou mutima uetu una lezemuka; omu viuma evi meso etu ana tsitsivala, ¹⁸ Omu muncinda ua Siono, ua himpuka ngundu: vambandza vendeleho. ¹⁹ Yove, Yehova, ua kala kumiaka yose: cituamo cove ca vuangana cakala kufuma kuli zimo naku lizimo. ²⁰ Vaka uasuvila kumiaka yose, Nakuseza tsimbu yakama ngecize? ²¹ Tualumuise kuli ove, Yehova, kaha tukalumuke: kuhetesa matangua etu aha ngue alaza. ²² Vunoni unatu viana mpundu; Una tenuka cikuma netu.