¹ Vati olu yavu lala! vati olu ize ya hiana kulele ya himpuka! Mavue a ndzivo yakulela akuzukula kuntsinia ya matapalo ose. ² Vana va Siono va visembi vakuseketa na olu yaku vuisa vati vana vasinganieka ngue zinjava zia vuma, capanga ca mavoko a tsingo! ³ Vambandza vene vahana livele, vamuese vana vavo: munana ua mpuevo ua vantu vange na kulua, ⁴ Lilimi lia muana uakuamua kakatela Ha ndakulo yakanua keni omu puila: vanike va sasendote va vundila muka, Kaha naumo uahi avaku puzuilayo. ⁵ Vaze valile via vutupuke vana pihila mutapalo: vaze vakolele na zintanga zia kutila ngengu va vumbatela mitumbu ya tuzi. ⁶ Muomu vupi vua muana ua mpuevo ua vantu vange vua hiana vipi via Sandoma, Iva uisile kukatsimbu, na mavoko akumusaleka ahi. ⁷ Va miata veni valelele mukuhiana veni, vavukile mukuhiana vuci, vatilile muvila nakuhiana mavue a rubi, kuvatumuna naco cakele ngue safila. ⁸ Cihanga cavo calava mukuhiana linungu; kavekuva nonganona mumatapalo: cikanda cavo cakakatela vitsiha viavo, cazuza, ca himpuka ngue citi. ⁹ Vaze vakutsiha namukuale vanahiana vaze vakutsina na ndzala; muomu ava vanonga naku zumbuoka, vautuva, omu kuzela vusuka vua kuihia. ¹⁰ Mavoko a vampuevo vaka kele matelaka vana vavo vavene; vakele viakulia viavo kukunonga ca muana ua mpuevo ua vantu vange. ¹¹ Yahova nalingi vuniengue vueni, Na muania vutenu vueni vua kukaluua; Kaha navueka tuhia mu Siono. Vanali mavulayo. ¹² Va miangana vaha mavu kava tsilieliele, cipue vandambo vose vaha mavu, Ngecize muka nkole na citozi va kengila mu zembelo zia Yelusalema. ¹³ Cikeko muomu vipi via tupolofeto veni, vaze vana muaniena maninga avaka vuololoke hakati keni. ¹⁴ Vendangana ngue tupuputa mu matapalo, vana zuala na maninga, Ngecize vantu kava hasele kukuata kuvuzalo vuavo. ¹⁵ Hamenu, vava tambakane, Uakuzuala! Hamenu, hamenu, kati mukuateko! Omu vatinine nakulumbununa, vantu va handekele hakati kamiyatu nguavo, kavaka lisuka muno naua. ¹⁶ Vutenu vua Yehova vuna sanduola; kati kalavatala naua: kava singaniekele mivila ya vasasendote, kava sompelele vakuluntu valemu. ¹⁷ Hanga meso etu ahona nakulavelela vakuasi vuetu vua ngoco: Nakulavelela cetu tunalavelela muyati kauasele kuohiela. ¹⁸ Va yomba vinanga vietu, Ngecize katukuasa kuenda muma tapalo etu; kuhua cetu cili hahiehi matangua etu ana lipuisa, muomu kuhua cetu ca heta. ¹⁹ Vaka kutukava vakele nalusi mukuhiana vihungu va muili: Vatu kavangeyele ha mincinda, vantu vandamenene ku misenege. ²⁰ Nakuaua muzulu etu, uze ya vuasle Yehova vamu kuatele mu vipupu viavo: Uze itua tumbuile nguetu, kucimbembe ceni tuka yoya katikumiyati. ²¹ Viukilila nakuzoliela, na muana ua mpuevo ua Endone, muka kukala mu cifuti ca uze: Ngandza ikapulakana kuli ove naua Yove ukapenda, naku lipuisa vuntselentsele. ²² Kasitiku vupi vuove vanakalingi, muangana ua mpuevo ua Siono; kali kakuluala naua ku vundzinda: aka hinduka vupi vuove, vua muana akufukula vipi viove.