¹ Kaha mbaka ize yakele ya kusula vantu vana tumama likaliavo. Ikeye ua himpukile ngue ntuliue kuhita ikeye uakele na ngolo mucifuti. Ikeye muana muangana ua mpuevo mukati ka vifuti, vunoni va mutsindile mukati kavandungo. ² Ualile cikuma kuvutsiki, na masozi eni akufuika matama eni. Naumo uahi uamu lembeziekele. Vose vavusamba veni vana lingi vungungu neni. Vakeko vanapu vitozi veni. ³ Yunda nai mu vundzinda minima ya lamba na kazi kakama. Ikeye uakala mukati ka vifuti na kuhona kuhuima vose veni vakumukava vamumbatele mu lamba lieni. ⁴ Kaha mikuakua ya Siono ina kulinienga muomu naumo uahi uekuiza kuviuano. Viose vikolo vieeni via ngoco. va sasendote veni vana tutumuisa. Vana veni vavampuevo vali nakayando, kaha ngue kuli ikeye, ali na kusasa neni. ⁵ Muka nkolo yeni napu sukulueni; vitozi veni vavezikile. Yehova namu yandesa muomu vipi vieni mundzinda ku nkole yeni. ⁶ Vumpahu vu naseza muana na mpuevo mu Siono va miata veni vanafu ngue ntava vaze kava uanene vulio kaha vanayi cakuhona ndzili kumeso a muka kukava. ⁷ Mu mutangua a lamba lieni na mapakeso eni, Yelusalema aka vuluka viose vieni via kutovala vieni aze akele ku matangua. Omu vantu veni valuile mulivoko li muka nkole, kakuesi umo uamukuasele kaha mukua nkole ua muene naku mu yandesa kuku pihisa ceni. ⁸ Yelusalema yalingi vupi cikuama, kaha naua, ikeye napu, ngue cama cize casulu naku zuala vose vaze va musingimikile vamu yengula muomu vana mono vuntselentsele vueni. Ikeye natutumuisa na kueseka na kuhiluka. ⁹ Ikeye uakele na mazilo kuintsi ya vifunga vieni. Ikeye kasinganiekele vukalo vueni. kulahuka ceni ca komouesele. kuakele umo muku mulembezieka. Ikeye ua lilile cikuma, ''Tala kayando kange, Yehova muomu citozi nalihake kuvukama!'' ¹⁰ Kaha muka nkole nahake livoko lieni ha viose vietu via vu viuke. Uamuene miyati ina kuingila mundzivo yeni, amba ngoco enu uami sikile muze kavatela kuingila mutamba ua lukungulukilo luavo. ¹¹ Vose vantu veni vatutumuisa ngue vanakulengeya muka. Vavahiele viavo viaku kuvia kulia muku tulika miono yavo, Tala, Yehova, nakunjihia, muomu Ange njina pihisa. ¹² Kacesi nacimo kuliove, enuvose muekuhitako Talenu na kumona ngue kuze kucili umosi alina vuntsiua ngue cuntsiua vuze vuanji kuatele ange ntsimbu Yehova uanji Yandesele ange kulitangua lia vutenu vueni. ¹³ cafumine muilu muze ikeye uatumine tuhia muvitsiha viange, kaha vavisingi. Ikeye uatanduvuile vuanda ku viliato viange nakunji hiluisa minima. Ikeye uanji futuluile mukupihisa na kuhomba. ¹⁴ Kaha njoko ya vimulu vimuna viange na vikuata hamolika na liviko lieni. Vana vizika hamo lika naku vihaka muntsingo yange. Ikeye uahonesele ndzili yange. kaha muangana ua njihiele mumavoko avo, kaha Ange kanji, kunjikuasa kumana. ¹⁵ Kaha muanganau yenguile kumukulo vose va mala vange vaze vanjikuatele. Ikeye ua sanene lukungulukilo haliange muku palakana va mala vange. kaha muangana ua liatangele vana vava mpuevo va Yunda mu likina lia viniu. ¹⁶ Muomu kuli evi viuma Njalilile, meso ange ahitile na masozi; kuli muka kulembezieka uakele halako nange, umo uze uahake muono uange. Vunoni kavanga vana pihilila muomu vitoze vana njihiana. ¹⁷ Siono uoluele mavoko eni muntalasa; kakuakele mukua kumulembezieka.Yehova uasikile muze vaze vazingilikile Yakomba vana pandakupua vaka nkolo yeni. Yelusalema ikeyo cuma cimo ca mazilo kuli vakeko. ¹⁸ Yehova ikeye muka vuviuke, muomu njina viana lisiko lieni. Halakanenu, enu vose vantu, na kumona vusiua viange. Vana vava mpuevo vange nava kuendze vava mala vanayi kuvundzinda. ¹⁹ Njikasana vavilemo vange, vunoni vanjongele kulutue luange, Vasasendote vange navakuluntu vange vanongele mumbaka, omu valengeyele via kulia mukutulika miono yavo. ²⁰ Tala, Yehova, muomu njili mukayando; lizimo liange lina kulua, mutima uange una lumuka mukati kange, muomu njina kala cikuma na zimpata. Hambandza, kaha mukuale ukutsitsa; mukati ka ndzivo muze mulilika kutsa. ²¹ Vanevu kututumuisa cange, vunoni kakuesi umo uaku njilembezieka.Vitozi vange vanevu vukalu vuange, kaha va viukilila muze muua cilingile. Ove ukaneha litangua liuna handeka; Vuno vakalifua nange. ²² Eca vipi viove viose vikeza kumeso ove linga navo ngue muua lingile hano nange muomu ya vivulumuna viange viose. kututumuisa cange cinalana na mutima uange una lezumuka.