¹ Vati Sukulu na fuika muana mpuevo Siono, na liselua mu vutenu vueni nambila hamavu kufuma muilu kulelema ca Isaleli kaha kavulukile cilialo ceni kuli tangua lia vantu ueni. ² Sukulu namini vikola viose via Yakomba, nakutetela cahi mu vuniengue vueni nauisa vimpaka via muana ua mpuevo ua Yunda, navi hatesa hamavu, nazualesa vuangana na vamiata vavuo. ³ Na vutenu vuaku kuluua na vutula Lumbinga luose lua Isaleli; nahetesa liviko lieni lia cilio kulitue lua citozi: Kaha na ntsimbi Yakomba nguetuhia vavekulia kuose. ⁴ Na vuta vueni ngue citozi namana na livoko lieni lia cilio ngueni muka nkole, kaha na tsihi vose va viukile kuliso: mu mablaka ya muana ua mpuevo ua Siono namuana vuniengue vueni ngue tuhia. ⁵ Sukulu na himpuka ngue citozi, namini Isaleli namini zindzivo zieni ziose nenieka vimpaka vieni, Kaha na lanesa kulil na ciniengo mu muana ua mpuevo ua Yunda. ⁶ Kaha na zindzili na fumisa tavenakulu yeni ngue kale ya muihia, napihisa muhela ueni uaku kungulula Yehova na Suvisa ciuano cakama. na litangua lia kuhuima muangana na sasendote. ⁷ Sukulu na mbili mutula ueni nazindi ndzivo yeni yakulela; necela mu livoko lia citozi vivumbe via zindzivo zieni vana lingi muyoya mundzivo ya Yehova , ngue kuli tangua lia ciuano ca kama. ⁸ Yehova nakane kunieka civunga ca muana ua mpuevo ua Siono; Nolola ciseteko, katekele livoko lieni hakuenieka kaha na lingisa cimpaka na civumbe ku linienga; vikulehuka hamo. ⁹ Zimbelo zieni zina niekumuka mulivu, Nenieka naku vatuola mivelenge yeni; Muangana ueni na vamiata veni vali hakati va vifuti vize kuze kakuesi mezi alisiki; cili, vapolofeto veni kaveku uana cimo ca kuli Yehova. ¹⁰ Vakuluntu va muana ua mpuevo va Siono vatumama hamavu, va holoka; vana kutu mpumputa hamitue yavo, vana lizingilika vikeleya; vana vampuevo va Yelusalema vana linongamena mitue yavo hamavu. ¹¹ Meso ange akunonga na mazozi, mutima uange umona kulua; Lisuli liange lia muania hamavu, muomu kunonga ca muana ua mpuevo vantu vange, muomu vanike natukeke vatsa vizava mu matapalo alimbo. ¹² Va handeka navaye nguavo, mbuto na viniu vili kulihi? Omu vatsa vizava ngue vaka kuvela mu matapalo alimba kuntulo ya vana yavo. ¹³ Vika njika kumbuluila vukaleho? Vika njika fuisa nove, amuana ua mpuevo ua Yelusalema? Vika njikaseteka nove linga njikulembezieke, Ha muana ua mpuevo ua Siono? muomu mbandu yove ya nehele ngue mema akalunga, Iya akuasa kuku kanguisa? ¹⁴ Va polofeto vove vana vanakuku muena vimona via makuli nevi via vuheve, kaha kavafuile kuvupi vuove, nakuhiluisa vundzinda vuove, Vunoni vana kumuania mezi amakuli nevi via kusevuisa. ¹⁵ Vose va pitako vuka santsela mavoko; vakumbila mulozi nakulipika, nguavo, Eli likekelio limbo lize vantu valilukile vutankuluke vua vuviuke, ndzolela ya mavu ose, ni? ¹⁶ Vitozi vove vose vanakuasama cikuma kanua kove; vana kukumba muluzi nakutekela mumazo: nguavo, Tunamu mini, cili eli likeko litangua lize li tualavelele, Tuna uana, tuna limono. ¹⁷ Yehova na lingi cizi ca kanene, na puisa lizi lieni lia sikile ku matangua a ntsekulu, nauisa, na kuteta cahi: Kaha na Zolesa citozi kuli ove; na holesa lumbinga lua vakua nkole yove. ¹⁸ Mutima uave ua tambekele kuli Yehova: Acivumbe ca muana ua mpuevo ua Siono, masozi anakuhuta ngue ndonga mutana navutsiki, kati uhuime; mukandi ua liso liove kati ulikele. ¹⁹ Katuka, tambeka ku vatsiki, Haku sangumuka kuhaka vasendiyile, muana mutima uove ngue mema ku meso a Yehova: olola mavoko ove ikeye omo muono ua vanike vove vavandende; vaze va lezumuka na ndzala kutsina ya matapalo ose. ²⁰ Tala; Yehova, kaha mona iya iu nalingi ngecize! vampuevo vakalia vusuka vuavo, vanike vaze vavakuhetesa ku mavoko? sasendote na kapolofeto vaka vatsiha mundzivo yakulela ya Sukulu, ni? ²¹ Mukuendze na civendzi va kukosa hamavu mu matapalo vana vange va vampuevo na vakuendze vange vanau kumukuale: una vatsihi ku litangua lia vutenu vuove; unalakumuna, nakutetela cahi. ²² Ngue ku litangua lia ciuano ca kama una tambakana mindzundzu yange kumitambi yose; kaha naumo uahi ua putikile cipue kulikulaho ku litangua li vuniengue vua Yehova: vaze vatinine cipue vaze vayoyele; vaze vanjaniungile vamene, vitozi vange vava veniekele.