¹ Muomu tenu, ku matangua aze, na ku ntimbu oyo, omo nji ka hiluisa vundzinda vua Yunda na Yelusalema, ² Nji ka kungulula vifuti viose, na ku va sikumuisa ku cimbongo ca Yehosafate; kaha nji ka va nehela cihiso cange kuze omo vantu vange nomo vusuana vuange vua Isaleli, va va na ha kati ka vifuti:kaha vapangela cifuti cange, ³ Nakutahela vantu vange, kaha vana landesa mukaendze na cikoyi, nakulandesa muana mpuevo na viniu linga vanue. ⁴ Cili nenu muveya kuliange, Atile, na Sindone, na vifuti viose via Filistiya? enu muka njilunguisani? kaha ngue mukunjilunguisa ni vuasi lusi njikamihiluisa cilungue cenu hamitue yenu vavene. ⁵ Omu enu muna tambula palala yange na olu yange, nakutuala kuvitembele vienu viange via kuviuku via seho, ⁶ Kaha mulandesa va Yunda na vana va Yelusalema kuli vana na Ngelengu, linga muvafumisa kulaako na mukuakua uavo; ⁷ tenu, njikava katula kumehelauze kumua valandesa, kaha njikami hiluisila cilunguiso cenu hamitue yenu vanene; ⁸ Kaha njikalandesa vana venu vamala navana venu vavampuevo kulivoko lia vana va Yunda, kaha vakeko vakavalandesa kuli vantu vakuseva, kucifuti cili kulaako: muomu Yehova na cambe. ⁹ Zimbulenu, hakati kavifuti, liviukisienu kundzita; katuisenu vaka zindzili; vose vaka ndzita va sueneko, vezeko. ¹⁰ Matemo enu fulenu mikuale, na zimpoko zienu ziaku sondola miti makunga; mukua kuzaja a handeka ngueni, Njimuka zindzili. ¹¹ Zangulenu, kaha tuayenu, enu vose vaka vifuti muahatako, kaha likunguziolienu hamo: sikumuisako vove va zindzili va Yehova. ¹² Vaka vifuti vali katuise, vaze kuci mbongo ca Yehosafati muomu kuze njikatu mama nakusompesa vose vaka vifuti vana hatako. ¹³ Mpoko ya ku tiesa i ende, muomu vimbuto vinaha: tuayenu liatangelenu; muomu likina lia viniu sulu, zingolota zina kusumpuoka; muomu vupi vuavo kama. ¹⁴ Vivunga, vivunga mu cimbongo cakutela mulonga! muomu lingua lia Yehova lilihahiehi mu cimbongo caka vatula mulonga. ¹⁵ Litangua na ngonde via tsitsivala, na zintangantanga zia likela kutue ceka. ¹⁶ Kaha Yehova aka vuluka ku Siono, akatumbula lizi lienu ku Yesalema; kaha milu namavu aka ndunduma: Vunoni Yehova akakala vutimino vua vantu veni, na cimpaka ca vana va Isaleli. ¹⁷ Mukemuo muka ntantekeya ngicize ange nji Yehova Njambi yenu, ua kutumama mu Siono muncinola uange ua kulela: kaha Yesalema ikalela, kaha kakuhita naua vangendzi. ¹⁸ Kaha cikalinga kuli tangua olio, mininola i kandueka viniu yakutovalla, na mikima ikahita na mavele, na mikonga yose yava Yunda ikahita na mema; na ndundzi ikavueluoka kundzivo ya Yehova, ikatukumuila cimbongo ca Sitime. ¹⁹ Inito ikakala mupulungua, na Endome ikakala zindinda zia mupulungua,omo vipi vize viva lingile kuli vena va Yunda, muomu mucifuti cavo va muaniene maninga aze kaakela na mulonga. ²⁰ Vunoni Yunda akakala kumiaka yose, na Yelusalema ku lizimo kulizimo. ²¹ Kaha njika viukisa maninga avo aze antsa kanja viukisile: muomu Yehova akutumama mu Siono.