¹ Sikenu luneta ku Siono, kaha sikenu kasintsa ku muncinda uange uaku lela; vandambo vose va cifuti va zaze: muomu litangua lia Yehova lili kulizo, lili hahiehi hiehi, ² Litangua Litangua lia milima na kuzezumuka, litangua lia maselua na miziviliko, ngue litangua liakuca hamincinda; vantu va kama vaka zindzili, laza kakuakele vaka kufuamo cipue kakukakala veka kunima yavo, na kumiaka ya mazimo a engi vene. ³ Luhila lukulia kulutue luove; nakunima yove mulengi ukusuma: Cifuti califua na lihia Endene kulutue luavo; nakunima yavo zindinda zia mu mpulungua; cili, naumo uahi nava sevunuka. ⁴ Cifua cavo cikeko ngue cifua ca tuvalu; kaha ngue vaka kuendela ha tuvalu, muvekutunta. ⁵ Ngue ntsindo ya matemba helu lia mincinda muva tumbuoka, ngue ntsinda ya mulengi ua luhila omo ukulia visuasua, ngue vantu zindzili vaku linoneka nakulua ndzita. ⁶ Kumeso avo vantu vaku mona cihonda; vihanga viose via senguluka. ⁷ Vantu ngue vamala vaka zindzili valonda ha civumba ngue muntu ku muntu munjila yeni; kavekufuma ku mikana yavo. ⁸ Cipue naumo uahi a pulakana mukuavo ndzita; kaha vose venda muntu munjila yeni; kaha va kupulakana mukuavo; venda muntu ku muntu munjila yeni kaha vapulakana ku vitua, kaha kaveku fuma kumukana uavo. ⁹ Vatumbukile ha limbo, va tuntu helu lia civumbe; vaalinda ku zindzivo; vakovela ku zinjanena ngue muhuza. ¹⁰ Mazu a ndunduma kumeso avo; melu akuzaza; litangua na ngonde vikutsitsivala, na zintangantanga zikulikela kutua ceke. ¹¹ Kaha Yehova a kuhandeka na lizi lieni kulutue lua masualale veni; muomu ngolo; muomu litangua lia Yehova likelio lia kama lia kuzuzuisa cikumakuma; iya akulihasa? ¹² Hanga navuno vene, ngueni Yehova, alumukenu kuli ange na mutima uenu uose, nakulikela kulia, nakulila, nakuli nienga na vusiua. ¹³ Kaha tavulenu mitima yenu, kati vizalo vienu, kaha alumukenu kuli Yehova Njambi yenu: muomu ikeye muka mema kumutima na mukuo cikeketima, ua livandeka ku vutenu,kaha ua ngozi kaha alumukenu kucize cacipi. ¹⁴ Iya a tantekeya mpano a ka hiluka na aluluka mutima na ku seza civezikiso ku nima yeni, cikombelo vene ca via-ku-lia neci ca via-ku-nua kuli Yehova Njambi yenu? ¹⁵ Sikenu luneta mu Siono, sikenu litangua lia ku lia likela ku lia, sanenu lukungulukilo lua kama; ¹⁶ Kunguluenu vantu, lelesenu lukungulukilo, kongololenu vakuluntu, kungenu vanike, na vaze va amua ku mavele; mukua ntsombolua a tuhuke ku milili ueni na ntsombolua ku hondo yeni. ¹⁷ Vasasendote, vangamba va Yehova, va llile ha kati ka mbalanda na mutula, kaha va handeka nguavo. Tetela vantu vove, A Yehova, kati u ecele vusuana vuove ku kasahuntu, linga vakua vifuti va va suane: vikandzo va ka handeka ha kati ka vantu nyuavo, Njambi yavo u lihi? ¹⁸ Amba vuose Yehova ua vuilile cifuti ceni lifuua, kaha ua tetelele vantu veni. ¹⁹ Kaha Yehova ua tuniene na ku leka vantu veni nyueni, Tenu,nji ka mi tumisa mbuto, na viniu via viha, na mazi, kaha mu ka kuta navio; kaha ka nji ka mi puisa nanua kasahuntu ha kati ka vakua vifuti, ²⁰ Vunoni nji ka mi sekuila ku laaka maasualale vaze va ku nolote, kaha nji ka va sekuila ku cifuti ca ngoco ca mupulungua, na mutamba uavo ua ku lutue mu cisali ca ku vucelo, na mutamba uavo ku nima ku cisali ca vutokelo; na katende kavo ka ka londaho, na ku-nika cavo suhia cika londalo, muomu va na lingi viuma via kama. ²¹ Kati u ivue vuoma, A cifuti, zolela na ku viukilila; muomu Yehova na lingi viuma via kama. ²² Kati mu zuzuke, enu tusitu va ku musenge; muomu vulio vua ku zindinda vu li na ku soka, muomu muti u li ku ima vusuka vuauo, mukuzu no muti ua viniu i ima na zindzili ziayo. ²³ Zolelenundzo, enu vana va Siono, kaha viukililenu muli Yehova Njambi yenu; muomu ikeye a mi nokesela mema, a musanda mu a mi pande, kaha a mi nokesela mema, mema musanda na mema a lihungula ntsoke, ku ngonde ya ku livanga ²⁴ Kaha visete vika sula na tiliku, na zingolota zi ka sumpuo ka na viniu via viha na mazi. ²⁵ kaha nji ka mi hiluisila miaka ize i va lile kantenia, na mbimba likumbi, na mbimba kapoko, na liungu, ize mbungu yange ya kama ya ma sualale i nja tumine ha kati kenu. ²⁶ Kaha mu ka lia via ku lana na ku kuta, kaha mu ka zumbangeya lizina lia Yehova Njambi yenu, na lingi vikomouesa nenu; kaha vantu vange ntsoni ka i ka va kola ku miaka yose. ²⁷ Kaha mu ka tantekeya ngecize ange nji li ha kati ka Isaleli, kaha ngecize ange nji Yehova Njambi yenu, kaha ka kuesi ueka; kaha vantu vange ntsoni ka i ka va kola ku miaka yose ya ya-ye. ²⁸ Kaha ku ka linga ku nima yevi, nji ka muania sipilitu uange ha ntsitu yose; vana venu va vamala nava vampueva va ka ambulula vupolofeto, vivendzi venu va ka lota zindozi, vakuendze venu va ka mona vimona: ²⁹ Kaha naua hali vangamba va vamala na hali ava va vampuevo nji ka muania sipilitu uange ku matangua aze. ³⁰ Kaha nji muesa vikomouso ku melu na ha mavu: maninga, na tuhia, na makongolo a muisi. ³¹ Litangua li ka himpuka milima, na ngonde maninga, te kanda li heta litangua lize lia kama lia ku zuzuisa lia Yehova. ³² Kaha ci ka linga ngecize, uose a ka tambakana lizino lia Yehova a kovoka; muomu ku muncinda ua Siono na mu Yelusalema ku ka kala vaze va kovoka, ngue mu a na handeka Yehova, na ha kati ka visupo vaze va a ka sana Yehova.