¹ Lizi lia Yehova liezile kuli Yoele muana Petuele. ² Halakana evi, enu vakuluntu, kaha ivuilile, enu vose vandambo vavi cifuti. ³ Eci muacimuene hatangua enu eni kuma tangua akunima ini mumatangua a vasuenu? valekenu vana venu evi, kaha vana venu naua vakalekeko vana vavo, kaha vana vavo naua kumazimo akeza. ⁴ cize canaseza mbimba, canaseza kantsenia; canali mbimba likumbi; kaha cize cinaseza mbimba likumbi canali mbimba kapoko. ⁵ Hindukenu, enu vaka kupenda kaha lilenu; nakulila mbimbiamitue enu vose vaka kunua viniu yakutovala; muomu vana punda kukanua kenu. ⁶ Muomu muyati umosi uneza kucifuti cange, vaka ndzili, kaci katava kuva tanda; mazo eni akeo mazo andumba, kaha ali na zimbuazo zia ndumba ualuhavo. ⁷ Kaha napihisa miti yange ya viniu kaha natavula mukuzu uange: nautavula naku umbila kuti; mintango yauo ya vuka to. ⁸ Linienge ngue muana mpuevo uaku zla cikeleyi omu ya kanike ueni. ⁹ Vikombelo cavia kulia neni caviakunua vina nonga ku ndzivo ya Yehova; sasendote vangamba valilile. ¹⁰ Mehia ana papangana; cifuti cina kulinienga muomu vimbuto vina nonga kaha viniu yahihia inomu; mazi aheluka. ¹¹ Komokenu, enu vandimi, lilenu mbimbiamitue, yenu vaku miti ya viniu, omo tiliku nomo sevanda, muomu kutia ca mehia ca nonga. ¹² Muti ua viniu uana zuza, na mukuzu na ua lehuka; lomela, konkoma nanua, na masela, miti yose vene yaku mehia ya zuza: muomu ndzolelz ya zuza ku vana va vantu. ¹³ Zalenu vikeleyi, kaha liniengienu na vusiua, enu vasasendote; lilenu mbimbiamitue, enu vangamba va mitula; tuayenu, kosenu vutsiki vuose mu vikeleya, enu vangamba va Njambi yange: muomu kakuesi cikombelo ca viakulia neci ca viakulia ku ndzivo ya Njambi yenu. ¹⁴ Sikenu litnagua liaku likela kilia, sanenu lukunguluilo lua kama, kungululenu vivendzi na vandambo vose va cifuti ku ndzivo ya Yehova. ¹⁵ Alasi omo litangua alio! muomu litangua lia Yehova lina heta, kaha ngue kunongasa likeza mukufuma kuli mukua ngolo yose. ¹⁶ Viakulia kati vinonge kumeso enu ni, cili, ndzolela naku tangalala ku ndzivo ya Njambi yetu. ¹⁷ Vimbuto vikupola muintsi lia masinde avio; visete vili mungoco, visete via sihuka; muomu vimbuto via zuza. ¹⁸ Vimuna va vinduoka! matanga a vangombe valina citanga, muomu kavisi na vulio, cili vimpuma via vampanga vali na kuyanda. ¹⁹ Yehova, kuli ove njikutambeka; muomu mahila anali vulio vua zindinda, kaha mulengi, una tsimika miti yose yaku musenge. ²⁰ Cili, tusitu vaku musenge vahakela kuli ove, muomu mikonga ya mema inomu, na luhila luna livulio vuaku zindinda.