¹ Mu muaka uamucivali ua muangana Ndaliyu, halitangua liakatete mungonde, lizi lia Yehova liezile mulivoko lia Hangai kapolofeto ua nguvulu ua Yunda, Zolombambele muama Salateli, nakuli vasasendote vakama Yehosua muama Yehozandake, ngueni ² ''Muali kuhandeka uavi vivunga: vantu vana handeka ngueavi, ''Keti ntsimbu yetu amba tuize cupue kutunga ndzivo ya Yehova.''' ³ Kaha mezi a Yehova ezile mulivoko lia Hangai kapolofeto, ngueni, ⁴ ''Ntsimbu yove yakualukila mundzivo yakuhua, ndzivo eyi ikakala ngoco? ⁵ Vuavuno Yehova ua vivunga nambe ngueni: singaniekenu zinjila zienu! ⁶ Muatumba cikuma mbuto, vunoni mukenehe tuatundende; mukalia vunoni kati viavingi; mukanua vunoni kamu kapenda. Mukazala vunoni kamukemua yuku enu vane, kaha fueto mukanganiala zimbongo mukahaka mujeke ya tuvika! ⁷ Yehova ua vivunga nambe ngueni: ''Singaniekenu zinjila zienu! ⁸ Hamenu kandukenu muncinda, nehenu mapulanga, mutunge ndzivo yange; Ange njikaviukilila, kaha Ange njika muena vumpahu muali kuhandeka Yehova.'' ⁹ ''Muavandamenene vuavingi, vunoni zangamenu! muanehele viavindende hembo, kaha njave pekuile kuti! Muomu vika?'' muanambe Yehova ua vivunga. muomu ndzivo yange ikukala yangoco, enu mueku ntunta muntu kundzivo yeni. ¹⁰ Ngoco vene omo enu melu avindika mume, namavu avindika vusuko vuao. ¹¹ Ange njasanene nonga helu ya cifuti na helu lia mincinda, nahelu lia mbuto na helu lia viniu, na helu lia mazi na helu lia viumuciuna viaana tumu, heli lia muntu na helu lia tusitu, na helu lia viose naha pangi via mavoko enu!''' ¹² Kaha Zolombembele muama Salateli, na Yehosua muama Yohozandate sasendote uakama, navisupo viose via vantu, vononokele kuli lizi lia Yehova Njambi yavo, naku mezi akapolofeto Hangai omo Yehova Njambi yavo namutumine: navantu vavuile vuoma kumeso a Yehova. ¹³ Kaha Hangai muanda ua Yehova muzimpande zia Yehova kuli vantu uahandekele ngueni njili nenu ngueni Yehova. ¹⁴ Kaha Yehova ua takamesele cimbembesi ca Zolombambele muana Sateteli nguvulu ua Yunda, nacimbembesi ca Yehosua muana Yehozandake sasendote ua kama, naci mbembesi ca visupo viose via vantu; kaha vizile nakulinga vipanga ku ndzivo ya Yehova ua vivunga Njimbi yavo ¹⁵ kuli tangua liamu makumi avali nauana lia ngonde,kungonde yamu citatu naimo, kumuaka uamucivali ua muangana Ndaliyu.