¹ Mungonde ya mucitanu na zivali ha litangua lia muma kumi avali lia ngonde, lizi lia Yehova liezile halivoko Hangai ka polofeto, ngueni, ² ''Hnandeka kuli nguvulu ua Yunda, Zeluvavele muana Sealutielu, na kuli sasendote ua kama Yehosua Yosandaki, na kuvisupo via vantu nguavo, '' ³ 'Iya ua kusolaho ha kati kenu ou ua muene vumpahu va ndzivo eyi vua kulaza? vati mu nai mono mu vuovuno? kayalifuile ngue viahi kumeso enu? ⁴ Ngecize vunoni, kaniamenu, Zelumbavele! - omu mukeko muanambe Yehova - kaha kaniamenu, sasendote ua kama muana Yozandake; ngecize kaniamenu. enu vantu mucifiti! - mukeko muanambe Yehova - ngecize pangenu, muomu ange njili nenu! - omu mukeko muanambe Yehova ua vivunga. ⁵ Olu lukeko lusiko lunja lingile nenu omu mumuafunine mu Ingito, na cimbembesi cange cimana mukati kenu. Kati muivue vuoma. ⁶ Muomu Yehiva ua vivunga na cihandeka: mukantsimbu njikanikumuna naua melu na mavu, kalunga ndonga na ntunda ya kama! ⁷ Njika nikumuna cifuti kucifuti, ngecize cifuti ku cifuti va kaneha via seho kuliange, ngecize njika sulisa ndzivo eyi na vumpahu, ngueni Yehova ua vivunga. ⁸ Palata na olu vikeko viange! - eci cikeko kuhandeka ca Yehova ua vifunga. ⁹ Vumpahu vua ndzivo eyi vua ku kotikela vukahiana vuze vua kulivanga, vuanambe Yehiva ua vivunga, kaha njikanehi ciyulo kumuhela umo! - omu mukeko muanambe Yehova ua vivunga.'' ¹⁰ Halitangua lia mumakumi avali na auana mungonde ya mucitanu na auana, mu muanka ua mucivali ua Ndaliu, lizi lia Yehova liezile hali Hangai kapolofeto, nakuhandeka ngueni, ¹¹ ''Yehova ua vivunga na handeka: Halakenenu va sasendote va ha zisimbi, na kuhandeka ngueni, ¹² Ngue yala akumbata ntsitu ize ivana hanguila kuli Yehova nakuizengela ku ntanga yeni, kaha ntsongo ikukuata mukambata kuviakuteleka, viniu amba mazi, amba nkala via kulia, cikakala ni?''' Sasendote ua kuanieneko ngeni, ''Cahi.'' ¹³ Ngecize Hangai ua handekele ngyeni, ''Ngue umo uze na zuala kaha halikutsa akukuata cimo kuli evi viuma, vaka zualani? ''Va sasendote va kuaniene nguavo, ''Ee, vaka zuala.'' ¹⁴ Ngecize Hangala ua kuaniene na kuhandeka ngueni, ''Mukeko vene mucinafu kuvantu ava na cifiti eci kumeso ange! - eci cikeko kuhandeka ca Yehova - mukekomuo naua cipangi ca mavoko avo. Evi vivekuneha kuliange via kuzuala! ¹⁵ Ngecize vunoni singaniekakenu mumana enu kuviuma via kunima na kuneha ku litangua limo. Omu tekanda livue valihake livue likuavo mutembele ya Yehiva, ¹⁶ Vati cafuile? omu mumuezile kumutumbo ua manona a zinjingo makumi avali, kuakele lika makumi avali. ¹⁷ Njamuyandesele na cipangi ca mavoko enu na mutana na mbundu, vunoni enu hanga ka mualukilile kuli enge - eci cikeko kuhandeka ca Yehova. ¹⁸ Yongolenu kufuma ku litangua lino na kulutue, kufuma kulitangua lia mumakumi avali na auana ha ngonde ya citanu na ziuana, kufuma kulitangua lize liva lele luvula lua tembele ya Yehova. Liyongolenu! ¹⁹ Hanga naua muli manona mu ndzivo ya vutulikilo ni? Miviniu, miti ya zikuyu, na Lomasi, na muti ua olivela kayemine! Vunoni kufuma ku litangua lino njika mivezukisa!'' ²⁰ kaha lizi lia Yehova liezile kuli Hangai kamucivali ha litangua lia makumi avali na matangua auana a ngonde na ku handeka ngueni, ²¹ Njiku handeka na nguvulu ua Yunda, Zambavele, naku handeka nguange, ''Ange njikanikisa melu na mavu. ²² ''Njika uisa citumamo cakama vuangana nakuenieka zindzila zia mavuangana avifuti! Njika uisa matemba na vaka kuendalaho; tuvalu na vakakuelaho va kaua, umu kuumo omuo mukuale ua muangana. ²³ Hali tangua lize - omu mukeko kuhandeka ca Yehova ua vivunga njika kutentula ove Zeluvavele muna Sealutielu, ngue ngamba yange - omu mukeko muana handeka Yehova. njikaku lingisa ngue kandzeya kacitantekeyeso, muomu njinaku hangula! - omu mukeko muana handeka Yehova ua vivunga!'''