1 Yala ua limuene na mpueyeni Ava kaha mpuevo uemitile na kusema Kena. mpevo ua handekele ngueni, ''Njatuhula yala mumvukuaso vua Yehova.'' 2 Kaha mpuevo uasemukile muanaye Avele. kaha Avele uakele kaniungi, vunoni Kena uakele mukakulima vimbuto. 3 Muyahetele ntsimbu Kene uanehele vumo vukuasi vua kufuma kulivu kupua nkombelo kuli Yehova. 4 Vunoni Avele, ikeye uanehele vamo vantuantua vaku vuntnga na amo mazi. Yehova uatavele Avele na vuana vueni, 5 Vunonu Kena na vuana vieni ua vumuene. Ngecize kena ua liniengele cikuma, ua hombele. 6 Yehova ua handekele kuli Kena ngueni, ''ua liniengele vika kaha naua vika vi ua hombela? 7 Ngue ukulinga muavusunga, vaka kuku tavela? Vunoni ngue kaukulinga muavusunga, indzi inavutama ha cikolo na kutsa ikuyula, vunoni unapande kuiyula.'' 8 Kena ua handekele kuli muanaye Avele muihia, Kena uavumbukilile muanaye Avele na kumutsiha. 9 Kaha Yehova uahandekele kuli Kena ngueni, ''Muanoko Avele ali kuli?'' Kena uahandekele ngueni, '' kanjantentekeyele. Yange kaniungi ka muanoko?'' 10 Yehova uahandekele ngueni, vika viualingi? maninga a muanoko ali na kusana kufuma ha mavu kuliange. 11 Ngecize unapu umuka kusingiua hamavu, aua anasokolola mukanua na kutambula maninga amuanoko mulivoko liove. 12 Mu ukalima ha mavu, kufuma kulelo kaukatia kuzindzili ziove. ukapua umu kuaku njambangela na mukua kulumbuangela hamavu. 13 Kena uahandekele kuli yehova ngueni, ''kusungamese cange cina kana kupulaka nomu munjili kuci hase. 14 Vusunga una njifumisaho hano hamavu, kaha njikapua ua kuvanda ku cihanga cove. Njikapua uakunjambangela namu kua kulumbuangela hamavu, kaha naua uose akanji uana aka njitsiha. 15 ''Yehova ua handekele kuli ikeye ngueni, ''Uose akatsiha Kena, vakamuhiluisila lutanu naluvali.''Ngecize Yehova uahakele kantantekeyeso hali kena, linga uose uze akua kumuuana, kati aka muvulumuna. 16 Ngecize Kena ua fumine kumeso a Yehova naku kala kucifuti ca Nonde, kuvucelo vua Endene. 17 Kene uali muene na mpueyeni kaha mpuevo uemitile. Hali kusema Enoke. uatungile limbo liakuma na kulihindula lizina lia muaneni Enoke. 18 Kuli Enoke kuasemukile Ilande. Ilande uakele Ise ya Mehunjaele. Mehunjaele uakele Ise ya Metusaele. Metusaele uekele Ise ya Lameke. 19 Lameke ua mbatele va mpuevo vavali. lizina lia umo lia kele Anda, kaha lizina liamukuovo liakele Zila. 20 Anda uasemene Yavele. ikeye uakele Ise yavaze va kukala muzi mblaka vaze vakele navimuna. 21 Lizina lia muanaye liakele Yuvale. Uakele Ise yavaze va kusika ka lialia na mbendo. 22 Ngue kuli Zila, via vutale na vunengu. Muaneye ya Tumba - Kena ua mpuevo ikeye Nama. 23 Lameke ua handekele kuli va mpuezieni ngueni, ''Anda na Zila, ivuililenu kulizi liange; Enu va mpueziange Lameke, ivuilila kulievi vinji kuhandeka. na muaa yala ou na nji puesula. 24 Ngue Kena va kamupihisa lutanu na luvali, kaha Lameke vakamuhiluisila makumi atanu na vali na litanu na luvali.'' 25 Andama ualimuene na mpueyeni ceke, kaha naua hali kusema muana uayala ueka. kaha uamulukile lizina ngueni Sete na kuhandeka ngueni, ''Njambi nanjihie muana ueka ua yala kusitsisa muli Avale, muomu kena uamutsihile.'' 26 Muomu uayala uasemukile kuli Sete kaha uamu likile lizina ngueni Enose. Hatsimbu ize vantu vaputukile kusana halizina lia Yehova.