¹ Hanima yakusoloka evi viuma, Mosesa na Alone vaile kuli Falao na kuhandeka nguavo, ''Evi vikeko Yehova, Njambi ua Isaleli, na handeka: 'Eca vantu ziange vaye, mangana vahase kukala na ciuano cange mumusenge.''' ² Falao ua handekele ngueni, ''Yehova ikeye ikya? Muomu vika Ange vinji kuivuilila kulizi lieni na kueca va Isaleli vaye? Ange kanjamu ntatntekeyele Yehova; ambatuhu ngoca Ange kanjikuveca va Isaleli vaye.'' ³ Vahandekele nguavo, ''Njambi yava Hevelu naliuana netu. katuka tava kuya tuakuvundila vungendzi vua matangua atatu kumusenge naku kombeleya Yehova Njambi yetu kutina akathia musongo cipue na mukuale.'' ⁴ Vunoni muangana ua Ingito ua handekele kuli vakeko ngueni, ''Mosesa na alone, muomu vika mukufumisila vantu ha vipangi viovo? Hilukenu havioangi vuenu.'' ⁵ Kaha naua ua handekele ngueni, ''Kuli vantu vavengi mucifuti cetu, kaha muna kuvecesa vipangi viavo.'' ⁶ Kaha litangua lizevene, Faloa uasikile vaka kupangesa vantu na misipayi vavo, ngueni, ⁷ ''Kati naua, mukahane muhane muila kuvantu nakupanga ndopi ngue muze mualaza. Vecenu linga vaye na kungulula muila vavene. ⁸ Kaha konda ya zindopi iva pangele hanima muka vahakeleyo. kati muka tepululeko kamosi, muomu vali na vuli. Vikeko vivanaku sanena na kuhandeka nguavo, 'Tutave tuye na kukombeleya Njambi yetu.' ⁹ Nakuhakelako vipangi via vantu mangana vaniunge na kuhona kuivuilila mezi akuonga ¹⁰ Kaha vaka kupangesa vantu vatuhukile namisipayi vavo naku handeka na vantu. Va handekale nguavo, ''Omu mukemuo muana handeka Falao: 'Ange kanjika tava kumihia muila. ¹¹ Enu vavene muatela kuya naku mbata muila kuose kumuku uanena, vunoni vipangi vienu kavi katepuluka.''' ¹² Ngoca vantu vali sanduokele ku cifuti cose ca Ingito na kukunga visoni na ku sintsisa muila. ¹³ Kaha vaka kupangesa vatualeleho naku valeka vakeko na ku handeka nguavo, ''Manesenu vipangi vienu, ngue omu mucakele muila vamihieleo kulienu.'' ¹⁴ Kaha vavipangi va Falao vavetele misipayi va vaIsaleli, vaze vantu vamolika vakele nakuta vaka kupanga.Kaha vaka kupangesa vatualeleho naku vahulisa vakeko nguavo, ''Muomu vakandzo kamua puisilemo vipangi vienu, zau na lelo, ngue omu mumuakele nakupanga hamima?'' ¹⁵ Kaha misipayi va vaIsaleli vezile kuli Falao na kulila kuli ikeye. Va handekele nguavo, ''Muomu vika unakuyandesela vangamba ziove munjila nkana eyi? ¹⁶ Ka vahiele muila kuli vangamba ziove, vunoni vacili lika nakutuleka etu nguavo, ' pangenu ndopi!' Etu, vangamba ziove, vatuveta nakutuveta vuavuno, vunoni vukalu vua vantu ziove.'' ¹⁷ Vunoni Falao ua handekele ngueni, ''Enu muli na vuli! Enu muli na vuli! Enu munaku handeka guenu, 'Tutave etu tuye tuka kumbeleye Yehova.' ¹⁸ Vuno hilukenu havipangi. Kava kamihia muila, vunoni muatela kuhetesamu kupanga zindopi.'' ¹⁹ Kaha misipayi va vaIsali vamuene nguavo vali muvukalu kuze kuva valekelelele, '' Kauatela kutepululako kamosi kuzi ndopi.'' ²⁰ Kaha vauanene Mosesa na Alone, uze amene hambandza ya lilapa, ngue muva suenene haloko na Falao. ²¹ Va handekele kuli Mosesa na Alone, ''Yehova amitale nakumi sompela, muamu enu mualingisa lizimba lia lialipi kumeso a Falao nava ngamba zieni. Ua tumbika mukuale mulivoko liavo nakutu tsiha etu.'' ²² Kaha Mosesa ua hilukile kuli Yehova naku handeka ngueni, ''Muata, vika viuanehela vukalu kuli ava vantu? Vikandzo ua njituminine? ²³ Muomu fume haze haua njituminine Ange kuli Falao naku handeka kuli ikeye muli zina liove, naneha vukalu kuli vantu ziene, kaha kaua simpisile vantu ziove muacili.''