¹ Hanima ya matangua atatu,Estele ua zalele vuzalo via vuangana kaha uaile na kumana hambandza ya nganda ya muangana, halutue lia ndzivo ya muangana. Muangana ua tumanene ha cituomo cieni ca vuangana mu ndzivo ya vuangana, kutalesa meso kuvukovelelo vua ndzivo. ² Omu muangana ua mumuene Esitele muangana ua mpuevo namana mumbandza, ua tambuile kutetela kumeso eni. uoluele mbueti ya olu muli voko lieni, Ngecize Esitele uamu suenene na kukuata mumutue ua mbueti. ³ Kaha muangana ua handekele kuli ikeye ngueni, ''Uli nakutonda vika, Esitele muangana ua mpuevo? kuheta mu civalavala ca nganda yange, va kacihia kuli ove.'' ⁴ Esitele ua handekele ngueni, ''Ngue kumusuuluisa muangana, kaha muanganana na Hamane va pande kuiza lelo kuciuano cinja viukisa.'' ⁵ Kaha muangana, ua handekele ngueni, ''Munehienu Hamane viasi, alinge muanambe Esitele.'' ngecize muangana na Hamane vaile kuciuano ca viukisile Estele. ⁶ Omuo muvaka pangeziela viniu kuciuano muangana ua handekele kuli Esitele ngueni, ''Una vundila vika? vakiukuavelaca. Ua lombo vika? kuheta kucivalavala ca nganda. va kukuavela.'' ⁷ Esitele ua kumbuile ngueni, ''kuvundila cove na kulambelela cove eci, ⁸ Ngue njauana kutetela kumeso a muangana kaha naua ngue camusuvuluisa muangana kunjihia civundilo cange na kuvumbika kulambelela cange, ecenu muangana na Hamane veze kuci uano cinjikava viukisila mene kaha njikakuania kucihula ca muangana.'' ⁹ Litangua lize Hamane ueile naku zoliela naku santsa mumutima. Vunoni omuo Hamane ua muene Mondekai ha cikoloca muangana, ngueni Mondekai kakatukile amba kuzaza hameso eni na vuoma, uasulile na vutenu na mondekai. ¹⁰ Amba, ngoco, hamane uatulile vatenu vueni kaha uaile kundzivo yeni. Uasanene vavusamba veni na kuva kunguluila vose hamo, na mpueyeni Zelesa. ¹¹ Hamane uava zimbuilile kuviuka ca vupi vueni, kulana ca vana veni, Kusangaziala cose ca muhele muangana, nomu muaile kulutue kupalakana va kuluntu na vangamba zia muangana. ¹² Hamane ua handekele ngueni, ''Muangana ua mpuevo Esitele ua sanene uahi ueka vunoni yange kuiza na muangana kuciuano ca viukisile. Amba mene vene vanji sana naua kuli ikeye hamo na muangana. ¹³ Vunoni viose kavialemene kuliange omu munjinamono Mondekai kaYunda natumama ha mbelo ya muangana.'' i ¹⁴ Kaha mpueyani Zelese ua handekele kuli Hamane nava vusamba veni vose ngueni, ''Vatunge muti ua zikuviti makumi atanu muvulahe. mucimene ukahandeka kuli muangana linga vakasukike Mondekai hali ukekeo. kaha ukaye na kuviukilila hamo na muangana kuciuano.''Eci ca mulemene Hamane kaha uatungile uze muti.