¹ Vunoni omo Molendekeyi ua ntantekeyele viose vize viva nalingi, ua tavuile vuzalo vueni na kuzala cikeleyi na muto. ² Uafuminemo nakuya hakati kacfiti, na kulila helu nalizi lia kasasisi. Ua kundukile nakuheta haze hasungama mbelo ya muangana, muomu kakuele amba umo ivatavesele kuhitamo nazala cikeleyi. ³ Kaha kuvifuti viose, viose viali kuhandeka muangana na lizi liene, kuakele kulinienga hakati kava Yundeya, nakuli, kela lia nakulila, nakulinienga navutsiua. vavengi vakosele mucikeyi na muto. ⁴ Kaha vana vava mpue va Esitele navayunuke veni vezile nakumuleka, Kaha lisono uavavalele cikuma kumutima. Uatumine vuzalo nakumuzika Molendekayi ( mangana azule cikeleyi), vunoni kali kutava. ⁵ Kaha Esitele uasanene Hatake, mukuluntu ua miangana uze uatavesele kumuovola. Kaha uamulekele kuya ku Molendekayi naku tanga vize vialingika nomu muvinaila. ⁶ Kaha Hatake uaile ku Mondekayi muzimbango ziose zia lifuti kulutue kumbelo ya muangana. ⁷ Mondekayi uambuluile kuli ikeye viose vialingikile kuli ikeye, kaha tandelo yose ya olu ize yamulekele Hamene ku ipezelesa naku ihaka muvupite vua muangana mangana vatsihe va Yundeya. ⁸ Uamuhiele naua kopia ya cisoneka lize liva hiele muSusane mukavenieke va Yundeya. Ualingile eci mangana Hatake akamuleke Esitele, kaha acintantekeye kuli ikeye na kumuhia lusimbi nakuya kuli muananga nakulambelela, nakuvundila na ikeye kumenako vantu veni. ⁹ Kaha Hatake uaile nakuleka Esitele viahandekele Molendekayi. ¹⁰ Kaha Esitele ua hendekele kuli Hatake nakumuleka kuhiluka ku Molendekayi. ¹¹ Ua handekele ngueni, ''Vose vangamba vava miangana na vantu va miangana muvifuti vantantekeya nguavo ngue yala vose cipue mpuevo kuya kulilapa mukati kalilapa lia muangana cakuhona kumukamba, kuli kaha lusimbi lumo: Luze luvatela kutusa - kufumisako uose uze muangana aka voluela mbueti ya olu linga ayoye. kavanjisanene kuiza kuli muangana aua matangua makumi atatu.'' ¹² Kaha vambuluile kuli Molendekayi mezi Estele. ¹³ Amba viose Molendekayi uava sikile kuhiluisa lizi kuli Esitele ngueni, ''Kati usinganieke mumutima uove nguove akovoke mundzivo ya muangana kuhambakana va yundeya vose. ¹⁴ Muomu ngue ukoholoka kulu hali tsimbu eyi, kaha kuovoka cava Yundeya cikufuma kueka, vunoni ove nava iso vakutsa. Iya nantentekeya ove ngue uneza kuli eyi ku vuangana tsimbu eyi vene?'' ¹⁵ Kaha Estele uatumine mezi kuli Molendekayi ngueni, ¹⁶ ''Homoye, kungulukeknu hamo vose va Yundeya vakala mu Susane, nakueca kulia haliange. kati mulie cipue kunua matangua atatu, mutana navutsiki. Va kuendze vange vava mpuevo nange tukueca kulia munjila imolika. Kaha njikuya kuli muangana, ambatuhu kacatelele nalusimbi, kaha ngue njikutsa, njikutsa.'' ¹⁷ Molendekayi uaile nakulinga viose vize viamulekele ikeye kulinga.