¹ Ivuililenu, enu vaIsalelli; muli kuhiehi nakuzavuka Yondau ndonga lelo, mukasekule mafuti akumihambakana enu, mumembo akama jakuheta muilu, ² vantu vakama na kulaha, vana va Anakimu, uze imua ntantekeya, kaha naua uze imuevua vantu vana kumuhandeka nguavo, 'Uze nase kumana kumeso a muana Anaki?' ³ Ntantekeyenu lelo nguenu Yehova Njambi yenu, ikeye akazavuka kumeso enu ngue tuhia vaku lalesa ikeye; akavenieka, Ngecize mukava sekula nakuva nongesa vuasi ngue muze muana handeka Yehova Njambi, ⁴ Kati mukahandeke mumitima yenu nguenu, hali Yehova Njambi yenu vansekula kufuma kulientu, 'Muomu ha vuololoke vuange hakeko Yehova nanjineha muli eli lifuti nakupita, 'muomu ha kuzeya camafuti, 'Hakeko Yehova akuvasekula kufuma kumeso enu. ⁵ Kati muomu ya vuololoke vuenu cipue zindzili zia mitima yenu hakeko hamukuya naku pita lifuti, vunoni kuzeya ca vifuti hakeko Nambji yenu akuvasekula kumeso enu, mangana meze alumbunuke mezi alisingile na vaisuenu, kuli Avilahama, Isake, na Yakomba. ⁶ Vuavuno ngecize, Yehiova Njambi yenu kali kumihia eci cifuti mupite muomu ya vuoloke vuenu, muimu enu vantu kamuekuivua. ⁷ Anukenu kati musuve omu mumua sangumuine Yehova Njambi yenu nakutenuka mumusenge; kufuma vene halitangua limuasile Ingito nomu mumuazile kucihela eci, muakele nakuhamika Yehova. ⁸ Naua naku Horeb muasangumuine Yehova kutenuka, kaha Yehova uapihililile nenu kumienieka. ⁹ Omu Ange munjakandukile kumuncinda nakutambula maundu a mavue, maundu civuasiano aze Yehova apangele nenu, Ange njatumamene ha muncinda matangua makumi auana na makumi auana avutsiki, Ange kanja lile muka amba kunua mema. ¹⁰ Yehova uanjihiele muundu avali amavue akusoneka namunie; hali akeko vasonekeleho viose ngue meze aze Yehova atambakanene kulienu ha muncinda kufuma hakati ka tuhia hali tangua lia lukungulukilo. ¹¹ Casolokele hakukumisa ca matangua auana na auana avutsiki aze Yehova anjihiele ange maundu avali amalolua, acivuasiano. ¹² Yehova uahandekele kuliange ngueni, 'Katuka, hamuye sikumuka vuasi fuma hano, muomu vantuziove, vaze vaua fumisile kufuma muIngito, vanau vavene. Valumukile vuasi haze vene heka kufuma munjila injavalekele. valipange cikombelo liakuzundzulula.' ¹³ Yehova ua handekele kuliange ngueni, ''Njamono laza vantu ava; vakuluua. ¹⁴ Eca Ange likaliange, mangana Ange njikukulingisa ove cifuti ca zindzili na vuakama kuhambaka vakeko.' ¹⁵ Sikaho njalumukile nakusikumuka kumuncinda, kaha muncinda uakele nakuuema. Muvundungulu avali a civuasiano akele mulivako liange. ¹⁶ Ange njatalele, kaha tenu, uavulumuna halinge Yehova Njambi yenu. Ove ualivumbile oveyavene tupuca. Ove ualumukile vuasi heka kufuma munjila ize Yehova yakulekele ove. ¹⁷ Njambatele mavundungulu avali nakumbila kumbandza yange. Njatikile kumeso ove. ¹⁸ Ceka naua njatsikamene kumeso a Yehova matangua makumi auana namatangua auana avutsiki; Ange kanjalile muka amba kunua mema, muomu ya vupi vuove vuua pangele. hakulinga vize inapu vupi kumeso a Yehova, ngue kumusingumuna vutenu. ¹⁹ Muomu Ange njakele navuoma vua vutenu nakulundundu yami sangukilile Yehova ngueni aminongese. Vunoni Yehova ualakanene kuliange hatsimbu ize naua. ²⁰ Yehova uapihililile na Alone naua hatsimbu imolika. ²¹ Ange njambatele vupi vuove, muana ngombe uze iua pangele, nakumutsimika, muvete nakumutika kaha muhake hamavu akehe, nomu muakele ngue lukungu. Ange njambilile lukungu mucisali cize casikumuka kufuma kumuncinda. ²² Naku Tavela, kuManase, na kuKibroth Hattaavah, muasangumuine Yehova kuvutenu. ²³ Omu Yehova muakutumine kufuma Kadesh Barnea na kuhandeka, 'Hamoye kanduka na kutambula vupite vua cifuti cize cinjakuhiele, 'Kaha uasonekele ha zisimbi zia Yehova Njambi yenu, kaha kaualakanene cipue kuivuilila kumezi eni. ²⁴ Ove uakele nakuhamika Yehiva Njambi kufuma halitangua lize linja kuntantekeyele ove. ²⁵ Ngoco njauile kumeso a Yehova matagua aze makumi auana navutsiki makumi auana anja uile, muomu ua handekele ngueni hamosi akamienieka enu. ²⁶ Njavundilile kuli Yehova naku handeka nguange, 'Ove muata Yehova, kati uenieke vantu vove vavusuana vaze vaunovola kuhitila muvukama vuove vaua fumusile ku Ingito nalivoko liove lia ndzili. ²⁷ Anaka vangamba vove va Avilahama, Isake, na Yokomba kati utale vuzikue vuava vantu, cipue kuzeya cavo cipue vupi vuavo, ²⁸ mangana cifuti cize ciuatunehako vahandeke nguavo, ''Muomu Yehova kapandele kuvaneha kucifuti cuze cavasikile, kaha muomu uava zindile, navaneha mangana ava tsihe mumusenge.'' ²⁹ Hanga vantu vove vavusuana vuove vauna fumisile na ndzili yove yakama livoko liove kuolola.