¹ Muatela kuniunga zisimbi ziose zize Ange zinjikumihia lelo kulienu, mangana muyoye nakusemunuina, kaha nakuya nakupita cifuti cize Yehova calisingile nava Isuenu. ² Mukantantekeye mumaana zinjila ziose zize Yehova Njambi yenu yatuamenene miaka iuana mumusenge, mangana ngue enu nakale vakulikehesa, ngueni amieseke enu antantekeye vali mumitima yenu, hamosi mukuniunga zisimbi zieni ini cahi. ³ Uali kehesele kulienu, nakumilingisa kukala na ndzala, kaha uami lisile manna, aze amua honene kuntantekeya kaha nava esuenu kava ntantekeyele. Uacilingile mangana muntantekele nguenu kumani kati muaka kaha muntu amba ayoye; kumani, kuviuma viose viali kuhandeka Yehova mukanua mangana vantu va yoye. ⁴ Vuzalo vuove kavavuzalele kaha mikono yetu kayazimbile nakuenda kihita muviana. ⁵ Ukusinganieka mumutima uove, vika, muntu akuzangamesela muaneni, sikaho Yehova Njambi yenu namizangamesa enu. ⁶ Muniunge zisimbi zia Yehova Njambi yenu, mangana muende munjila yeni naku mulemesa ikeye. ⁷ Muomu Yehova Njambi yove uakuneha mucifuti cacili, cifuti ca vana va ndonga, na mema a masima na zindundzi ana kuvueluaka muvimbongo namincinda; ⁸ cifuti ca tiliku na sevenda camiti ya viniu na mikuyu na zilomasi, cifuti camiti ya olivela na vuci. ⁹ Cifuti cize cimukahona kulia muaka muku yanda kaha naua kamukahona viuma viose; cifuti cakala nama mavue akupanga na vikungo, kumincinda muka hinda mavue. ¹⁰ Mukalia nakukuta, kaha kuavezikisa Yehova Njambi yenu haci futi cacili cana mihie enu. ¹¹ Kaha zangamenu kati mukasuve Yehova Njambi yenu, nakuhona kuniunga zisimbi zieni Ange zinjili nakumihia enu lelo. ¹² Nguecahi, ngue mukulia nakuva kutisa, kaha ngue mukutunga zindzivo nakuyoyelemo, mitima yenu ikasula. ¹³ Zangamenu ngue vangombe na mikoko valana kaha olu na palata yalana, ¹⁴ Ngecize mitima yenu kati ikakale yaku kulifuimba nakusuva Yehova Njambi yenu, uze uamifumisile mucifuti ca Ingito, kumifumisa mucifuti ca lamba. ¹⁵ Kati mukamusuve ikeye uze uamituamenene muakama cikuma na kuzazesa musenge, na manoka na tuvuanda na mpuila kuyakele kuze kakuakele mema, uze anehele mema kufuna kulivue lia kukola. ¹⁶ Uamilisile mumusenge na manna aze vaisuenu kavantantekeyele, mangana amikehese enu naku mieseka enu, nakulinga viavili nakuheta kuntsongo, ¹⁷ Vunoni mukuhandeka mumitina yenu nguenu, 'Zindzili ziange na cizango cili mumavoko ange vina kutonda vupite vueni viose.' ¹⁸ Vunoni anukenu Yehiva Najmbi yenu, muomu ikeye amihiele nzdili yakukala navupite, mangana azamese lusiko lueni luze lualisimgile nava isuenu, naku lelo. ¹⁹ Kaha cikakala, ngue enu mukasuva Yehova Njambi yenu nakuenda, muva Njambi veka, naku vazumbangeya, na kulifukula kuli vekeko, njatava lelo mukeko ukanonga. ²⁰ Ngue vifuti vize vianembe Yehova kunonga kumeso enu, sikaho mukanonga, muomu kakualakanene kulizi lia Yehova Njambi yenu.