¹ Omu Yehova Njambi yove akavatula miyati ize, cifuti coyo cali kukuhia Yehova Njambi yove, kaha ove uva sintsila, kaha ukatumama mumembo avo namu ndzivo ziavo. ² ukaka hangunuina membo atatu hakati ka cifuti cove nakucifuka. ³ Ukali viukisila njila naku hangununa mikuakua ya cifuti cove cali kukusunesa Yehova Njambi yove,mumitamba itatu, linga uose tsehe muntu atinineko. ⁴ kaha eci cikeko kukala camu kakutsiha muntu, uze akatina kuze nakuyoya: uose akutsiha mukuavo ku ndzimba, kaha kamu zindile kuntsimbu yalaza; ⁵ ngue muntu akuya kumusenge hamo namukuavo nakutiava vikuni, kaha livoko lieni liku timbu njimbu hakuteta muti, kaha njimbu yiku tsekuka mumuhini, nakuuila mukuavo, ngecize atse akutinina kuli mosi limbo nakuyoyelako: ⁶ kutina mukakulinguila maninga akave uze natsihi muntu, ikeye mutima ueni ucili na ntuima kaha namuuana, muomu njila yalaha, kaha amu tsehe nomo ikeye kapandele kutsa, omo kumuzindile ntsimbu yalaza. ⁷ Ngoco vene njikumusika nguange, ukali hangunuina membo atatu. ⁸ Kaha ngue Yehova Njambi yove akamesa mukuakua uove, ngue muana lisingi nava iso nakumuhia cifuti cose nakumuhia cifiti cose calisikile na vaiso; ⁹ Kaha ngue ukuniunga lisiko eli liose nakulinga, eli linjikukusika kulitangua lia lelo, kulema Yehova Njambi yove, nakuenda munjila zieni ntsimbu ziose, kaha ukalipandakaneko membo akuavo atatu, ¹⁰ kupandakana atatu, linga maninga aze kaesi namulonga kati vamuanie hakati kacifuti cove, cali kukuhia Yehova Njambi yove vusuana , kaha maninga akakale hali ove. ¹¹ Vunoni ngue omusi akuzinda mukuavo, nakumuvandamena, kaha akumukatukila nakumuveta mangana atse, kaha akutinina kulimbo limosi- ¹² kaha vakuluntu va limbo lieni vakutuma nakumuhianga kuze, nakumukundika kulivoko lia mukaku linguila maninga, linga atse. ¹³ Liso liove kalikamutetela, vunoni ukafumisa manga aze kaesi namulonga kuIsaleli, linga ukale muacili. ¹⁴ Kati uka fumise ndzindza yamukuenu iva hakele vantsenkulu, muvusuana vuove vuku suana mucifuti cize cali kukuhia Yehova Njambi yove nakucifuka. ¹⁵ Mukaleho umolika kali kakutukila muntu omo vupi vumosi, cipiue omo civulumuna cimosi kucivulumuna nkala muavulumuna: kukanua kava kaleho va vali, cipue kunua kavakaleho vatatu, vaka teta lizi. ¹⁶ Ngue mukaleho uavuhenge akukatukila umosi nakumu vangela vipi vimosi, ¹⁷ Kaha vose vavali hakati kavo hakakala zimpata, vakamana kumeso a Yehova, kumeso avasasendote nava ngendzi vakakala kumatangua aze; ¹⁸ Kaha vangazi vakakava cikumakuma: kaha, tenu ngue mukaleho uze ikeye mukaleho uamakuli, kaha navangela muanaye, ¹⁹ Kaha mukulinga neni, ngue muze muasinganiekele kulinga namuanaye; ²⁰ Kaha vaze vana salako vakevua na kuivua vuoma, kaha kufume haze kavakalinga naua vupi vua ngecize hakati kave. ²¹ Kaha meso ove kakevua ngozi; muomu uka sintsila muono, liso kuliso, lizo, livoko, cilio kucilio.