¹ Vasasendote, vaze vakaLevi, navaka muyati uavaLevi vose, kavakakala na cihanda amba vusuani navaka Isaleli; vakalie vinkombelo via Yehova via kufuma hatuhia kukala ngue vusuani vuavo. ² Kati vakakele na vusuani hakati kavana va nayavo; Yehova ikeye vusuani vuavo, ngece omu muana handeka kuli vakevo. ³ Eci cikeko cihanda civana vahie va sasendote, civana vahie kufuma kuli vantu vaze vekuhana cikombelo, cikale ngombe amba mpanga: citsizi, matama avali, na via mukati. ⁴ Vipangua via katete ku manona, vuniu yenu ya ihia, na mazi enu, na maka akatete kufuma hacilambu ca mpanga, muka hane kuli ikeye. ⁵ Muomu Yehova Njambi yenu na muhangula kufuma ku muyati uenu aka mena nakupanga mulizina lia Yehova, ikeye navana veni va vamala miaka yose. ⁶ Ngue kaLevi akaza kufuma ku zimbaka zili kumbandza ya Isaleli kuko kuakala, nakulema na mutima ueni uose kukala ku mumuhela uze Yehova na mitondela, ⁷ Kaha aka pange mulizi lia yehova Njambi yeni ngece omu vana vanaye vakaLevi muvekulinga, vekumana kumeso a Yeheova. ⁸ Vakakale na vihanda viovimo via kulia, kupandakana kuvize via tuhuka ha kulandesa vusuana vueni. ⁹ Omo mumuka heta mucifuti cize Yehova Njambi yenu aka mihia, kati muka litengese kukava vupi vua miyati. ¹⁰ Hali enu katihafume umosi aka kombeleya muaneni ua yala amba muaneni ua mpavo mu tuhia, umosi mukua kutahesa ngombo amba kuambulula via kulutue, amba mukua kutanga vipupu vieku uaneka mu ngandza, amba kuuaneka na vulozi, nkala mukua ¹¹ vihemba, uose uze mukakupandesa mahamba, amba muka kufumisa, amba muka kuhandeka na mizimu ya vatsi. ¹² Muana uose uze muka kupangesa evi napu muka vupi kuli Yehova; muomu evi napu muka vupi vuze Yehova Njambi yenu ana kufumisa mu hiehi. ¹³ Kati va miliongele kumeso a Yehova Njambi yenu. ¹⁴ Muomu miyati ize iukafungulula vekualakana kuvaka kutahesa na veka kuambulula viaku liutue, vunoni enu Yehova Njambi yenu kamitavesele kulinga ngecize. ¹⁵ Yehova Njambi yenu akakatuila ka polofeto kufuma hali enu vavene, umo kufuma hali vana vanokuenu, ngece ange. Muka mualakana. ¹⁶ Evi vikeko vimua vundilile kuli Yehova Njambi yenu mu Holeve hali tangua lia lukungulukilo, nguenu, ''Kati tukevuilile kulizi lia Yehova Njambi yetu ceka amba kutala kuluhia vakama ceka naua, kutina tukatsa. ¹⁷ Yehova ua njilekele ngueni, ¹⁸ ''Njika mikatuila ka polofeto kufuma ha kati ka vana va nokuenu ngece, ove, Njiku haka meze ange mukanua keni, aka valeke viose vize vinjika musika, ¹⁹ Kaha cikakala ngecize ngue umosi kali kevuilila kumezi ange ali ka handeka mu lizina liange njika muhulauo. ²⁰ Vunoni ka polofeto uze aka handeka lizi nakucuka mu lizina liange, lizi lika njamusikile nguange aka handeke, amba ua kuhandekela mu lizina lia va njambi veka, uze kapolofeto nkana akatsa,' ²¹ Evi vikeko viuka handeka mu mutima uove: 'Tuku aziva vati mezi aze Yehova ka handekele?' ²² Muka antekeya mezi aze Yehova ua handekele muze ka kapolofeto aka handekala mu lizina lia Yehova. Ngue cize cuma kaci ka lingika amba kutuhuka, kaha cize cuma Yehova kalingika amba kutuhuka, kaha cize cuma Yehova ka cihandekele kaha ka polofeto naci handeka muku cuka, kaha hati aka mivuisa vuoma.