¹ Niungenu ngonde ya Avive, nakuninga pasovala kuli Yehova Njambi yove; muomu ku ngonde ya Avive Yehova Njambi uakufumisile ku Ingito ku vutsiki. ² Kaha uka kombeleya pasovala kuli Yehova, nakutumamesa lizina lienikuze. ³ Kaukalia muka ua cimbaluila nayo; matangua atanu navali ukalia muka uakuhona cimbaluila nayo; matangua atanu na vali ukalia muka uauesi na cimbaluila muka uakayando vene; muomu uafune kucifuti ca Ingito na lusi: linga uvuluke litangua lize omu mu uafumine kucifuti ca Ingito matangua ose a muono uove. ⁴ Kaha kava kamona cimbaluila kuli ove mumikuakua yove yose matangua atanu na vali; cipue na imo yahi ya ntsitu yiuka kombeleya kuli tangua lia katete kucinguendzi, ikakala nove vutsiki vuose nakucimene. ⁵ Kacikatava kukombeleya pasovala mukati ka imosi ya zimbelo ziove, yali kakuhia Yehova Njambi yove. ⁶ Vunoni, cikombelo kucihela cize Yehova Njambi yove akasakula kupanga vusuana hali zina lieni. Kuze kukeo kuukapangela cikombelo mucinguezi litangua litangua hali kulahuka, hantsimbu ya muaka ize iua fumine mu Ingito. ⁷ Uatela kuyoca na kulia hacihela ca cizeYehova Njambi yove casakuile; mucumene ukalumuka nakuya kutavanakulu. ⁸ Mumatangue atanu nalimo ukalia muka uakuhona cimbaluila; halitangua lia citanu navali kakukala lukungulukilo luakama kuli Yehova Njambi yove; halitangua lize kauuka panga. ⁹ Zisimano zitanu nazivali ukalitandela; kufuma hantsimbu iukasangumikila kuhaka mpoko kuvimbuto via kumana haukavaleka kutanda zisimono zitanu na zivali. ¹⁰ Uatela kuniunga cilika ca Yehova Njambi yove na mulambu ua cikombelo kufuma mulivoko liove ukahane, kuesekesa Yehova Najmbi yove nakuvezikisa. ¹¹ Ukaviukilila kumeso a Yehova Njambi yove- muanove, muanove ua mpuevo, ngamba yove uayala, ngamba yove uampevo vaLevi vaze muhiehi kumbelo ya limbo, nava niamuiza, nava kavesi nava ise, nava ntuliue vaze vali mukati kenu, hacihela cize Yehova Njambi yove cana sakula kutumamesa lizina lieni. ¹² Anuka nguove uakele ndungo mu Ingito; kaha ukaniunge nakulinga vitume evi. ¹³ Uka niunga ciuano ca zitavenakulu matangua atanu navali kufuma hakukunguluka mu cinguilo nakulikina liove lia viniu. ¹⁴ Kaha uka viukilila kuci uano cove - muanove uayala, muanove uampuevo, ngamba yove uayala, ngamba yove ua mpuevo, kaLevi, na niamuiza, nava vakuhona, va ise nava ntuliue ali hakati kenu. ¹⁵ Matangua atanu navali ukaniunge cuano kuli Yehova Njambi yove hamuhela uze uali kahangula Yehova, muomu Yehova Njambi akuvezikisa mukutia cove cose namuvi pangi viove via mavoko, kaha uka zolela muose vene. ¹⁷ Lutatu ku muaka vamala vove vose vaka soloka kumeso a Yehova Njambi yove mucihela uali kahangula: kuuano ca muka, kayesi na cimbaluila naku ciuano cazisimone naku ciuano ca zitavanakulu kaha kava kasoloka kumako a Yehova Najmbi mumavoko. ¹⁶ Muntu uos akahana kueka nomu muali kahase, mangana muntantekeye kuvezika kuana mivizikisa Yehova Njambi yenu canamihie. ¹⁸ Vangendzi na misipayi uka lihangula muzimbelo ziove ziose, ziakuhia Yehiova Njambi yove ngue kumiyati yavo; kaha vakeko vakasompela vantu nazinguli zia vusunga. ¹⁹ Kati ukahenge vusunga: kati uka singimike mivila ya vantu; cipue kati ukatambule mbanda; muomu mbanda ikupuputiyisa meso avaka mangana, naku hengesa mezi ava ka vaviuke. ²⁰ Cize coloka cose ciukakava linga uyoye nakusuana cifuti cize cali kukhia Yehova Njambi yove ²¹ Kati ukalitombekele Asela ya muyati nkala nakupandakana kumutula ua Yehova Njambi yove; ukalipangela. ²² Cipue kati ukalitumbikile ngundzi yali kuzinda Yehova Njambiyove.