¹ Ngue vuno Njambi namisangula na Kilistu, lengeyenu viuma via muilu, haze Kilistu natumama kulivoko lia cilio kuli Njambi. ² Singaniekenu viuma via muilu, kati viuma viahamavu. ³ Muomu munatsi, kaha miono yenu vaisueka na Kilistu muli Njambi. ⁴ Ngue Kilistu uze muono uenu, kaha enu naua mukasoloka naikeye muvu mpahu. ⁵ Tsihenu viuma via kumuvila, kaha anukenu vaze vali hamavu - vupangala, mazilo, na ngozi yaipi, kutsila viavu ndemone, na lifua, nakulemesa makombelo. ⁶ Haviuma nkana evi hakeko hakuizila vutenu via Njambi vana vakuhona kuononoka. ⁷ Haviuma nkana evi enu naua muendelemo omu mumuakele nava kevo. ⁸ Vunoni nenu naua zulenu viuma nkana evi - vutenu, namatoto, nakupihisa cava ndemone, nakuhandeka mezi akuvuisa ntsoni, mutunua tuenu. ⁹ Kati ukalionge navakuenu, muomu uazula laza muntu ualaza navilika vieni, ¹⁰ kaha uazala muntu uamuhia uze ivakupangela muku ntantekeya kueseka ku cimbembesi cauze umo uacipangele, ¹¹ kuze kakuesi Ngiliki cipue Yuleya, uakunguenga cipue uakuhona kunguenga, barbariam, Scythiana, ndungo, nazituka, vunoni Kilistu uavose, kaha ali muose. ¹² Sikaha, linguenu muaya vana va Njambi vasakula, vakakuzila va cilemo, zalenu mutima ua ngozi, nakukokuezo, kulikehesa, kuunda,naku kuvandamena. ¹³ Livuililenu vanakuenu. Likonekelenu umo namukuavo. Ngue muntu umo ali nakuyayavala hali mukuavo ueka, mukonekelenu munjila imo ngue muata muana tukonekele etu. ¹⁴ Kaha haviuma viose evi, hakelenuho cilemo ikeko vene ikumiuanesa yakuhambakaba muose. ¹⁵ Ecenu kuunda ca Njambi ciyule mumitima yenu. Cakele kuunda cimuakele nakusana mu muvila. kaha mukale vakutsantsela. ¹⁶ Ecenu lizi Kilisti lihete nakukala mulienu, kutangesa kaha lihuhumunenu umo na mukuavo na maana, imbenu zisamu na miaso yaku zumbangeya na mioso mumuzimu naku santsantsela mu mumitima yenu kuli Njambi. ¹⁷ Viose vimu kupanga, mu lizi cipue muvipangi, vipangienu mulizina lia muata uetu Yesu. Hanenu kusantsa kuli Njambi Tata kuhitila muli ikeye. ¹⁸ Enu vampuevo, ononokenu kuli vamala zienu, ngue omu mucatela muli Muata. ¹⁹ Enu vamala, lemenu vampuezienu, kaha kati mukale vakasasisi kuli vakevo. ²⁰ Enu vana, ononokenu kuli vasemi zienu muviuma viose, muomu eci cikuvuisa Muata kuviuka. ²¹ Enu vaisiavo, kati muva valeke vana venu, kutima vakuhomba. ²² Enu vandongu, ononkenu kuli vakukuenu kueseka naku muvila muviuma viose, kati kupanga - kaha kumeso avo kaha, ngue muvakuviukisa vantu kaha cahi, vunoni namutima umo. Nakumuivua Muata muoma, ²³ Viose vimukupanga, pangenu kufuma hamiono ngue kuli Muata kati ngue kuli muntu. ²⁴ Muantantekeya nguenu tukatambula kufuma kuli Muata Kilistu fueto vuavusuasa. Muomu ya Muata Kilistu imuekupangela. ²⁵ Muomu uose uekupanga viakuhona vuololoke vize via pangele, kaha kakukala kumona mueka cahi.