¹ Muomu njeleme nguange, muntantekeye omunjeku hundangana cikuma halienu nahali vaka Loadicea, naua nahali vaze vose kanda vanjimona ange kucisemua cange cahamavu. ² Mangana nguange mitima yenu vaivendezieke, vakevo hakulinunga hamo mucilemo, nakutuala vupite vuakutalesa kukuntsntekeya muose mangana Njambi akuvanda, ivene kilistu. ³ Muli ikeye vene muakala vitenga viamana naka ntantekeyeso viose viakuvandamo. ⁴ Njahandekele eci mangana kutina muntu umo akumitangasiana namezi acilembekezi. ⁵ Muomu cipue kumuvula uange njili kuno kueka, vunoni mumuzimu ange njili nenu hamo, nakuviukilila hakumona vuololoke vienu nakutakama calutsilielo luenu lua kumutsilieeela Kilistu. ⁶ Sikaho muomu tavelele Yesu Muata, endienu muli ikeye. ⁷ Kulinga muatakamesele mizi yenu muli ikeye nakutakama mulutsilielo ngue omu muva milongesele, nakutsantsela cikuma. ⁸ Citalenu kutina kukukala muntu akumituala mukamenga namana eni avuntu nakutangasiana ceni cangoco, ngue omu muviaya vize vivakumisila kuli vantu kuniunga, ngueomu muviaya viuma viakava kamavu viavunike, vunoni keti mukeko muatuala Kilistu. ⁹ Muomu muli ikeye muakala kupanga ca Njambi cose mumuvila. ¹⁰ Kaha muli ikeye mukeko muva misulisila, ou napu mutue ua mavuangana ose navaka ndzili yose. ¹¹ Muli ikeye mukeko muva mintantekeyele naua kukukuenga nkana cakuhona kupanga nama mavoko. Hakuzula muvila uacisemua cahamavu nakukuenga camuli Kilistu. ¹² Muomu vana mifundikila na ikeye hamo mulu papateso mukeko muvami snguila naua na ikeye hamo, hakutsiliela kukupanga cavu Njambi. Ou akumusangula kuvatsi. ¹³ Kaha enu muakele muvatsi muvipangi vienu via kuhingama, muma limi acisemua cenu caha mavu, amiovuele na ikeye hamo haku kunekela vipangi vietu via kuhingama viose. ¹⁴ Muomu mezi ava sonekele ose azisimbi aze akele akupayesa, aze akatukile, vazima laza, kaha nafumisako na kuapopela hacilindankano. ¹⁵ Mavuangana vaka ndzili avazulile vitua viavo, avavuisile ntsoni kumeso avose, ava tuala mucendo cava vali mukamenga keni. ¹⁶ Sikoho kati vakamihie mulonga havia kulia kuli muntu umo cahi, cipue havia kunua, cipue hali tangua lia ciuano cipue hakusoloka ca ngonde, cipue hali tangua lia sapalo. ¹⁷ Viuma evi vinapu cimbembesi caviuma vize viakele nakuiza, vunoni muvila unapu ua Kilistu. ¹⁸ Kati vaka mivindamese fueto yenu kuli muntu umo nakuli veta hantulo ngue namono, nakuli veta hantulo cangoco camumutima ueni uacisemua caha mavu, ¹⁹ Vunoni kununga mutue. Kuli ikeye kukeko neve muvila uose hakutambula ndzili nakuli nunga hamanunga navikekete havikuoloka kuli Njambi. ²⁰ Sikaho ngue muatsiliela na Kilistu hamo nakuhanguka kuviuma viavaka mavu viavunike, vikandzo vimuekuliononuena kuzisimbi ngue na ino tsimbu mucili vaka kuyoyela muli vaka mavu? ²¹ Kati uhane, kati umakeleko, kati ukueteko''? ²² Ngue omo muziaya zisimbi zia vantu nakulongesa cavo viose evi vikunonga hakulikuasa navio. ²³ Viuma evi kuyitala yalifua ngue mangana, hakulemesa, muaya mitima yavantu nakuvua, naha kuliyandesa kumuvila vunoni kaviesi navulemu amba vizeyese kutsila cisemua caha mavoko.