¹ Kuesekesesa navipangi via Njambi havantu zieni vaka kuzila. kanjikuasa kusoneka kilienu. ² Njaziva kutsila cenu, cinjalipamba naco kuvantu vaku Masendonia.njavalekele vakevo nguenge Akaya napu vakuli viukisa kufuma muakauali. vutanu vuove valingisa vakeko kulinga viuma nkana. ³ Kaha njatumu vamuanetu mangana kulivua cetu kati cimihie zindzili. kaha naua mukale vali viukisa, ngue minjili nakuhandeka omu vene. ⁴ Ngue cahi, ngue uose Masendonia akuiza nange kaha kumiuana cenu kanda muli viukisa, Tukakala natsoni navimo vinjahandeka halilienu - hakupua njili nalutsilielo muli enu. ⁵ Kaha njikasinganiekakela cikuviuka kuvezikisa vamuanetu kuiza kulienu nakuviukisila lumo vuana vuze vumua njiviukisila. Sikaho mangana cikale cakukisuila. ⁶ Mutue uakama hano uli muze: uose akukava nakuesekesa akatia naua nakuesekesesa, kaha uze uose akakuva nakulanesa nakisu akatia na kisu. ⁷ Ecinu umo ahane kueseka nomo muasinganieka mumutima ueni, kati nakulinienga cipue kusindiya, Njambi alema kuhana ca ndzolela. ⁸ Kaha Njambi ali navulemu vukuku sulumuina likozi haliove mangana ntsimbu yose muviuma viose, ukale navio ukutonda. Evi vikeko viuma viakulanesa kukilikita cenu. ⁹ Ngue omu muvasoneka: napangeziela vupite vieni nakpangela vaka kuhutua. kaha kuoloka ceni ca haya miaka yose.'' ¹⁰ Uose uze mukaku pangeziela vimbuto kuva ndimi vakaku tumba na muka uakulia akahana navia kulana. akalanesa kutia ca kuoloka cenu. ¹¹ Ukakala u ua kupita naviuma viose viukukuata. evi vikeko vikulingisa kupua mukakusangaziala kuli Njambi kulietu. ¹² Mukumbata vipangi evi keti kaha kumona vaze vakakutonda via Njambi vaze vakakulela. Kaha naua vikakala via kuvuembumuka mu viuma viakulama muvilinga via kusangazialakuli Njambi. ¹³ Muomuo muviuma viaku mueseka nakulavelela kuvipangi vieni, mukakala nakusangazieka Njambi omu kuo nonoka cakutava cenu kuzi mpande zia cili zia kilisitu, nomo vuana vuenu vuavuingi vua kuhana kuli vakevo na vantu vose. ¹⁴ Vasimbula muli ove, kaha vana kukulombelela ove. vekulinga eci muomuo yangozi ya Njambi ili haliove. ¹⁵ Kutsatsela kuli Njambi muomu vuana vueni kuvukatva kuvutambula!