¹ Yange, Paulu njineza kulienu, nakulikeesa na vukuendze vua kulistu.Ange njakeha ngue njili mukati kenu, vunoni ngue njiuahiho njikusimpa cikuma nenu, ² Njinakumilambelela enu, ngue njilinenu, kanjesi nakutonda kuzeya ange-yavene. vunoni njinakusinganeka kuzeya ngue njikuhia vaze vanakuya nayoyela kuesekesesa na muvila. ³ Amba tuhu tukuenda mumu vila, katulua kuesekesesa kumuvila. ⁴ Vunoi vitua via zindzita zietu kati viakumuvila houe. cakuhona, valipangele zindzili zia kuenieka vaka zindzili cikuma. novio vekuneha viahi vekutuamenena nazimpata. ⁵ Tuekuenieka naua viuma viose viekumana na mangana a Njambi.Tuekumbata mangana ose ava vekuhona kuivua mukulemesa kulistu. ⁶ Kaha tunalilemeka mukulingula lisino omu kuononoka cenu cika puamo. ⁷ Talenu vika muaili vili kulutue yenu. Ngue umo vana payesa nguavo ikeye Kulistu, muecenu alianukise ivene ngueni ngue omu muali ikeye Kulistu, kaha netu naua. ⁸ vunoni amba tuhu njikulivua naviavindende cikuma hazingolo, zize Muangana ziatuyele etu nakukolesa enu kati kumienieka enu cahi, kanjikevua ntsoni. ⁹ Ange kanjesi nakutonda kusoloka ngue ange njinakukuvuisa vuoma ove namukanda uange. ¹⁰ Vunoni vantu vekuhandeka nguavo, ''Mikanda yeni ilemu kaha yazingolo, vunoni kumumona napu uakuzeya. Mezi eni kalemene kuivuilila.'' ¹¹ Vecenu vantu vavapi vazive nguavo tuli mumezi amikanda tsimbu katuesiko tukalenu mumo ngue kutuli. ¹² Katukuya haloko ngue mutuli hamo etu vavene cipue kuese kesesa etu vavene navaze vekuli lemesa vavene.Vunoni ngue vakulimpima vavene umo namukuavo nakulie sekesesa vavene umo namukuavo, kavesi namana. ¹³ Etu katu kulipamba muhia ciseteko cetu, vunoni ngue kutuseteka naciseteko cize canatuhie Njambi kuseteka naco,linga tunehe nakulienu. ¹⁴ Muomu katuekuliolola ngue kacatu pandele, ngue katuahetele kulienu: cipue kulienu tunaheta na zimpata zia cili zia kilistu. ¹⁵ Katukuli pamba nakuhiana ciseteko cetu navipangi vieka; vunoni tuli nakuvandamena nguetu kutsiliela cenu cikakola, kaha netu tulinehesa cikuma kumakulienu ngue kuseteko yenu. ¹⁶ Linga tuambulule zimpande zia cili kuvifuti vize vili kulutue luenu, Kaha nge tuli mpambe naseteko ya veka kuviuma viakuhia laza. ¹⁷ ''Vunoni ecenu umo uze akulimpamba, ali mpambe muli Muangana.'' ¹⁸ Muomu uze akulitumbula livene kavakamutumbula kuvanga uze yakutumbula Muangana.