¹ Kati utenukile mukuluntu. vunoni umumamune ngue iso. vakuendze ngue vamuanoko, ² mpuevo uamkuntu ngue vandumbuove nakulela cose. ³ Singimika vantuliue, vantuliue vacili. ⁴ Vunoni ngue ntuliue ali navana cipue vazukulu, vecenu mangana valilongese kasingimiko nava kandzivo yavo. ecenu valemese visemi ziavo, muomu eci cikulema kumeso a Njambi. ⁵ Vuno uze napu ntuliue, uze iva zeza likalieni, nahake kulavelela ceni muli Njambi na kuhana kuvundila mutana navu tsiki na mutana. ⁶ Vunoni, mpuevo uze uekulihana ivene mukuviukilila viahona hamavu napu uakutsa cipue anakuyoya. ⁷ Muatela kutambakana evi viuma mangana ava vantuliue na vavusoko vuavo kavakulinga amba cimo cacipi cahi. ⁸ Vunoni ngue umosi kekukuasa vavusoko vueni, muakufua ngue vaze vali navaka zindzivo ziavo, naviana lutsilielo kaha nahambakana vakuhona kutsiliela. ⁹ Naumu uahi iva soneka ngue ntuliue kuvanga nahetesa miaka makumi atanu nalimo, ikeye mpuevo akele na yala umo. ¹⁰ Ua tsimanene omu vipangi vieni via cili, amba tuhu ualele vana, cipue muka zumbula vangendzi, cipue natanesa vilioto via vantu zia Njambi vaku lela, cipue nakuasa vakakuyanda, cipue natakama mukupanga vipangi viose via cili. ¹¹ Vunoni viana vantuliue, vaze vali na miaka yai ndende. Muomu ha tsimbu ivakuhia vizango zia mivila yavo hali Kulisitu, vanakutonda kusomboka. ¹² Munjila imolika vana linehela cihiso muomu vana viana litavasiona liavo lia katete. ¹³ Hatsimbu imolika, vakevo naua valilongesele vulenda kaha vakele nakuya handzivo ha hanzivo kavakele vilenda kaha cahi, vunoni vakekele naua nakuhandeka via kuhulama kaha naku zatesa mivila yavo, nakuhandeka viuma kavia pandele kuhadeka. ¹⁴ Ange njinaku tonda vampuevo vaze vali namiaka ya indende kusomboka, nakusema vana, kusika kundzivo yavo, kati vahane vukovelelo ku citozi nakulinga kasauntu etu. ¹⁵ Muomu vamo vali laza nakutanguka na Santana. ¹⁶ Ngue umo mpuevo mukakutsiliela ali na ntuliue, muecenu avakuase vakeko, mangana tembele ihone kulemuua, mangana ikakuase vaze vantuliue vavusunga. ¹⁷ Vakuluntu vaze vaku yula muacili vava yonguele tusingimiko tuvali, cikumani vaze vekupanga na lizi kaha na mukutangesa. ¹⁸ Muomu visoneka nguavio, ''Kati ukute kanua ka ngombe mukanua ku muzulu vimbuto'' kaha'' Ngamba na viukila fueto yeni.'' ¹⁹ Kati utave lizi lia kutambula mukuluntu kuvanga hali vakaleho vavali. ²⁰ Olalenu vaka vupi kumeso avose mangama vose vakale na vuoma. ²¹ Ange njikusika enu, kumeso a Njambi na Kilisitu Yesu na vangelo vakusokula, kulama ezi zisimbi cakuhona vimolika, kaha via kulinga viahi kufuma kukusompa ca vulemu. ²² Kati usaleke mavoko ove amuntu vuasi cipue kuvipi via veka kati uli pandameko. liniunge linga ulele. ²³ Kati unue mema. Vunoni, tuviniu tua tundende omo lizimo liove nomo mavezi aze aueku vavala nao tsimbu yose. ²⁴ Vupi vua vantu vamo vavu ntantekeya, kaha vuekuya kukusompeso. Vunoni vupi vukuavo vukukavangeya hanima. ²⁵ Vakamangana, vavipangi viacili vava ntantekeya, vunoni amba vakuavo kavakuasa kulisueka.