¹ Eli lia handeka lia cili: Ngue muntu akuzanga kakala mukuluntu, anakuzanga vipangi viacili. ² Ngece mukuluntu katela kukala muntu uze uakuhona kukala naha hakumuvangela Uatela kukala yala na mpuevo umolika. Atela kukala uavipangi via cili, uamana, mukuoloka, na kuzumbula. Uatela kukala mukakulongesa. ³ Katela kukala nacipepa ca kunua vualua, kati mukakukela vualua, vunoni, kusimpa, ciyulo. Katela kulema zimbongo. ⁴ Atela kulama muacili vaka ndzivo yeni muacili, kaha vana veni vatela kumulemesa ikeye. ⁵ Vunoni ngue yala kantantekeyele kulinga muacili vaka ndzivo yeni, kaha nase vati kuniunga tembele ya Njambi? ⁶ Kati akala ndonesa, mangana kati alihalese kuhambakana vakuavo, kaha homosi akalahukila mu cihiso ngue santana. ⁷ Uatela naua kukala navukaleho viava vaku mpandza, managana katia alahukili mukupaya na muciliva ca santana. ⁸ Vandiakunu, ngecize vapande kukala vaka singimiko, ⁹ vatela kupanga muacili, kati vakale na malimi avali. ¹⁰ Kavatela kupenda cikuma viniu cipue vusa. Vatela kulama vusunga vuva soluele halu tsilielo nacivezu civuka. ¹¹ Munjila imolika, va mpueziavo vatela kukala na kasingimiko, kati vaka visaki, vunoni kukala muacili na lutsilielo muviuma viose. ¹² Vandiakunu vatela kukala vamala na na mpuevo umo. Vatela kulama muacili vana vavo nava kazindzivo ziavo. ¹³ Vunoni vaze vava novola muacili vavene vali nakumana muacili na kusimpa mulu tsilielo luli muli Kilisitu yesu. ¹⁴ Ngue Ange munjasoneka evi viuma kulienu , Ange nja lavelela kuiza kuliove vuavuno. ¹⁵ Vunoni ngue Ange kunjiluiza vuasi, Ange njikuku sonekela mangana untantekeye kulilama muacili nava ka ndzivo ya Njambi ikeko tembele ya Njambi ua muono, ngundzi yakukuasa vusunga. ¹⁶ Nakuno kakuesi zimpata lihungu lia Njambi lia kama cikumakuma: ''Ikeye uesolokele mumu vila, ua sambuile muci mbembesi, tungelo vamu muene, vamuambuluile hakati kava vifuti, ua tsilielele hamavu, kaha vamu tualele helu muvumpau.''