¹ بعد كده نفخ في البوق الملاك الخامس، فشفت كوكب وقع من السما للأرض، وأعطي مفتاح بير الهاوية. ² ففتح بير الهاوية، فطلع دخان من البير زي دخان فرن كبير، فضلمت الشمس والجو من دخان البير. ³ ومن الدخان طلع جراد على الأرض، فأعطي سلطان زي السلطان اللي لعقارب الأرض. ⁴ واتقال له انه مايضرش عشب الأرض، ولا شيء أخضر ولا أي شجرة، الا الناس بس اللي مالهمش ختم الله على قورتهم. ⁵ واداله ان ما يقتلهمش لكن يتعذبوا خمس شهور. وعذابه زي عذاب عقرب اذا لدغ انسان. ⁶ وفي الأيام دي هيطلب الناس الموت ومش هيلاقوه، و يشتهوا انه يموتوا فيهرب الموت منهم. ⁷ وشكل الجراد يشبه الخيل المتجهزة للحرب، وعلى راسها زي اكاليل شبه الدهب، ووشها زي وشوش الناس. ⁸ وكان ليها شعر زي شعر الستات، وكانت اسنانها زي اسنان الأسود، ⁹ وكان ليها دروع زي دروع من حديد، وصت جناحاتها زي صوت مركبات خيل كتيرة تجري للحرب. ¹⁰ ولأذنابها إبر زي اذناب العقارب، وليها سلطان انها تضر الناس خمس شهور. ¹¹ وعليه ملك هو ملاك الهاوية ، اسمه بالعبرية "أبدون"، و اسمه باليونانية " ابوليون". ¹² مضى الويل الأول وهيجي ويلين كمان بعديه. ¹³ ونفخ الملاك السداس في البوق، فسمعت صوت واحد طلع من قرون المذبح الدهب الأربعة اللي قدام الله. ¹⁴ قال للملاك السادس اللي معاه البوق:" فك الملايكة الأربعة المربوطين عند نهرالفرات العظيم" ¹⁵ فاتفك الملايكة الأربعة المتجهزين للساعة واليوم والشهر والسنة، علشان يقتلوا تلت الناس. ¹⁶ وسمعت عدد جيوش الفرسان متين الف الف. ¹⁷ وكده شفت الخيل في الرؤيا والراكبين عليها، ليهم دروع نارية واسمانجونية وكبريتية، وروس الخيل زي روس أسود، ومن حنكها يطلع نار ودخان وكبريت. ¹⁸ فأتقتل تلت الناس من الضربات التلاتة دول، من النار والدخان والكبريت الطالعة من حنكهم. ¹⁹ عشان سلطان الخيل في حنكها وفي اذنابها، عشان اذنابها شبه الحيات، وليها روس وبيها تضر. ²⁰ وأما بقية الناس اللي ما اتقتلوش بالضربات دي، متابوش عن أعمال ايديهم، ومابطلوش يسجدوا للشياطين ولأصنام من دهب وفضة ونحاس حجر وخشب اللي ما تقدرش تشوف ولا تسمع ولا تمشي، ²¹ وماتابوش عن قتلهم ولا عن سحرهم ولا عن زناهم ولا عن سرقتهم.