¹ بعد كده شفت ملاك تاني قوي نازل من السما، لابس سحابة، وعلى راسه قوس قزح ووشه زي الشمس ورجليه زي عمودين من نار، ² ومعاه في ايده كتاب صغير مفتوح. فحط رجله اليمين على البحروالشمال على الأرض. ³ وصرخ بأعلى صوت زي أسد بيزمجر. وبعد ماصرخ اتكلمت الرعود السبعة بأصواتها. ⁴ ولما اتكلمت الرعود السبعةبأصواتها، كنت مستعد اني اكتب، فسمعت صوت من السما قاللي: " اكتم على اللي اتكلمت بيه الرعود السبعة وماتكتبوش". ⁵ والملاك اللي شفته واقف على البحر وعلى الأرض، رفع ايده اليمين للسما، ⁶ وأقسم بالحي لأبد الآبدين، اللي خلق السما واللي فيها، والأرض واللي فيها، والبحر واالي فيه: ان مايكونش فيه مهلة تاني! ⁷ ولكن في الأيام اللي هيتسمع فيها صوت الملاك السابع لما ينفخ في البوق، يتم كمان سر الله، زي مابشر عبيده الأنبيا. ^{8 9} والصوت اللي كنت سمعته من السما كلمني تاني وقال:" روح خد الكتاب الصغير المفتوح في ايد الملاك الواقف على البحر وعلى الأرض". فرحت للملاك وقلت له: " اديني الكتاب الصغير" فقاللي:" خده وكله، فهيخلي جوفك مر، ولكن في حنكك هيكون حلو زي العسل". ¹⁰ فخدت الكتاب الصغير من ايد الملاك وكلته، فكان في حنكي حلو زي العسل. وبعد ما كلته بقي في جوفي مر. ¹¹ فقاللي :" لازم انك تتنبأ كمان على شعوب وأمم والسنة وملوك كتار".