¹ Pablo mädiwë yëk päkejx ke yä’äjy tyëjk tjejë ni yä’äy tyëjk kyëjëm kyätsoony Jesucristo këxm jeyë je Dios mädiwë niteety mädiwë ojts yëkputëkyë ookpë äkukm. ² Jets nidukëyë mugu’uk tëjk tmë ity mä jem tsäptëjk Galacia. ³ Miits yä’ät kunukxën mja eedyëp Dios jyotkyjk äjtën ëédëm nteety mëët wintsën Jesucristo. ⁴ Pën ojts nyäkyëyëkyë këm ëëdëm ntäkoony kyëxm, jets xyëk mädäjkën yä’ät käoy jyumëjt joojty pën tsoom ëën Dios teety txyojkën. ⁵ Je myëj äjtën xëmëkëxm nits xëmë këxm. Nääjm je. ⁶ Ätëy äjät ëts nyimtäteny ku mits je xkuyoy kyeknë ku Cristo pyä’äyoon këxm mwätsojë. Ätëy äjät ëts nyimy tyäteny ku mits ku mits xkäpxtikäts kexytë je ääw ayuujk. ⁷ Kets miits wä’äntët nits je jädu’uk ääw ayuujk jemts nidukën jety yä’äytyëjk jääy mädiwë miits mtuk tsipy ku miits y’oy ääw ayuujk xyëkti käts wäjnë. ⁸ Kots ëdëm jyeexyë ok tu’uk angel mädiwë tsäpjotm ku jyeexyë tnikepxy jädu’uk ääw ayuujk nä nyäj nixkëm éëdsëm mëk nikäpxën. Jets yë käoy tyijën yë. ⁹ Ntsoom jäwyiin eewyë nwäänyën ixyämts ëts jädukyäjë nwänkojmë. Ën nidukën mëk nexy tnikäpxp ääw ayuujk mädiwë miits mkuäkuentë pëktë jets je yëk käoy tyijp. ¹⁰ Ti ëts ixyäm n’ixteepy je jets yä’äy tyëjk x’oyjyäwët ok Dios x’oyjyäwët? ¿Je’mts ëts n’ixteepy jets ëts yä’äy tyëjk x’oyjyäwët? Pën je ëts wyenë n’ixtäy ädetxy py nits ëts yä’äy tyëjk jääy x’oyjyäwët. Kets ëts wyenë Cristo x’uunkë. ¹¹ Tikëx je ëts ntseky py nits mits xnijäwët muku’uktëjk nits yä’ät ääw äyuujk mädiwë ëts nikepxy py ke yë yä’äy tyëjk jääy t’ääw ayuujkë. ¹² Ke ëts yä’äy tyëjk jääy nkuentë pëjk jääy nits ëts xkätä’äwän’t. Cristo ëts xtok ix. ¹³ Të miits je xmädowdë ntso ëts y´ijty jeknyë njuky äjt xip mä Judaismo ntso ëts y´ijty Dios txyäptëjk mpawitity ninkäkuentë nyëk wintäkoy kyexy py ëts je y´ijty. ¹⁴ Mpänëkx ädetxy py ëts je y´ijty judaísmo mäwäät ëts y´ijty nkëjëmë jets ojts nkëm nkäjp joojty. Mëknexy ëts y´ijty nkuämpeky mejääy tyëjk kyostumbrë. ¹⁵ Ku Dios y’ijty të xwin’ixy näjyëm ëts ntääk nyikëxm pën ëts xwätsoo kyunukxën këxm. ¹⁶ Nä je tseky nits tyëk nikëjx jë’ëkt je y’uunk ëts këxm nits ëts ntänijäwët opyënë jääy. Ke ëts je jetyë nyëktëëy nikëjx mëët nits mädiwë nëjpy myëët. ¹⁷ Ke ëts Jerusalen këm pejty mädiwë y´ijty tunëdép apóstoles ku kenëm ëts y´ijty ntuntëkë ku ëts Arabia niky xy nits ëts nwimpit kojmë Damasco. ¹⁸ Ku tuwëëk jumëjt nyäjxy Nits ëts niky xy Jerusalen jemtsë éts ojts n’ixë Cefas nits ëts jem ntänë kyojmë tuk mäk mokx xëëw. ¹⁹ Nipën ëts ojts xkäixy wijnk apóstoles, Santiago ëts jeyë n´ix je wintsën myugu’uk. ²⁰ Mädiwë ëts njäypy Dios wyinkukm ëts xyäm nä wä’äny nits ke ëts n’ëëny. ²¹ Nits ëts niky xy Siria mëët Cilicia y´it jotm. ²² Kenëm ëts je y´ijty x’ixëdë mädiwë jep tsäptiky py yoymyuktëp Judea je Cristo këxm. ²³ Jeyë je y´ijty të tmädowdë ku ye’eny “je yä’äy tyëjk jääy je jenxyäwën xyäm nyikepxy py mädiwë y´ijty yëk kudäkoy wyämp.” ²⁴ Näjts y´ijty ëts këxm Dios tmëj pëk tä’äky.