¹ Jexëëw mä y´ijty pätumpë tëjk wyimpetnexy nits ojts tyëk tsoontäky niwämpejtën Greco Judios. Nits tniwämpet të Hebreos je ku ooky tyoxtyëjk ke y´ijty t´oktäniwäjt eenyë itp kyä´yën y´ujkën. ² Nits nimäkmetsk twäätsoodë mä nimäy jyääy mädiwë pätumpë nits wyäntë: “ke nä tpääty nits ëëdëm nikëjkën Dios y´ääw ayuujk nits ëdëm ntunjäyën käywyëtëjk. ³ Näjts miits ixyäm xwin ixtët mugu´uktëjk, niwixtujk yä´äy tyëjk mä´m miits jem yä´äy tyëjk mädi oy wyinmä´äny myëët të mädiwë ujts wijy jyäwën myëët pën ëën ntäwinkexën nits t´ätnët yä´ät ayuujk. ⁴ Ntso´om ëëdëm, itp pänëkxën nukxtäjkën mpänëkxën yä´ät ääw ayuujk mädiwë yëktump. ⁵ Nits nidukëyë nimäyjyääy tëyjyäw eedyë je y´äáw y´ayuujk nÄjts ojts twinkontë Esteban, tu´uk yä´äy tyëjk jääy mádiwë meknexy jyenxyäw äjtën myëët wä´äts jäwën nits mëët Felipe, Prócoro, Nicanor, Timón, Parmenas, Nicolás nits jädu´uk mädiwë ääw ayuujk miuwititp mädiwë tso´mp äntokia. ⁶ Nits tëyjyäw eewyë tëjk tyëkmintë ojts yä´äytyëjk jääy je wintsën tyumpë pën ojts tkunukxtä´äky nits tkënixäjy. ⁷ Näjts Dios y´ääw y´äyuujk wyimpejty; nits ojts mëët tumpëtëjk wyimpejty jem Jerusalén, nits ojts nyimäyëdë mädiwë tuntëp nits ojts tmumädowdë mádiwë tyëy äjt pë. ⁸ Nits ojts Esteban ojts ojts täjotkujk tá´äky mädwë ätëyë äjätë y´ixpätë jääy ägujky. ⁹ Nits ojts nidugën jääy nyiwitityë madi jep tuntëp mä yoymyuktäjk mädwë xyëëw libertos yoymyuktäjk cireneos mëët Alejandrinas nits mëët nidugën mädiwë kukäjp eedyëp Cilicio mëët Asia. Jets je jääy ke´ts tmëtnyä wyinjäw etyë. ¹⁰ Nits jedë ke y´ijty jyämädä´ktë nits tniwutëk t je wijy äjt mëët jäwën mädiwë Esteban myët nyäkyäpxëp. ¹¹ Nits ojts ämee´tsk nidugën yä´äy tyëjk jääy tnëjm´ääy nits wyä´nt: Të ëëts nmädowdë Esteban nits twinkäpx nexy Moises mëët Dios.” ¹² Nits ojts tänijäwë nidukëyë näjx käjp mëët mäjäätyëjk Jets mëët jäywyëtëjk nits ojts tmätstë Esteban nits yëk kutukpë wyinkukm. ¹³ Nits mëët tyék jä´ädë mädiwë tkätëy nyikäpx petp mädiwë wäntë: “Yä´ät yä´äjy tyëjk jääy keyë kyäpx atuky mä yä´ät it wä´äts nexy mëët kutujk. ¹⁴ Jets të ëëts nmädowdë ku ye´eny nits Jesus de Nazaret tyëkwintä koykyëxt yä´ät it nits tyëktikäts këxt kostumbrë mädiwë ëëts Moises xkëmooy.” ¹⁵ Nits nidukëyë mädiwë ojts txyënë ixtä´äktë mä jep yëkutukpë nits ojts twin´ixpet të nits nä y´ijty wyiin y´ääw nëxkëm tu´uk Ángel.