¹ Ku ëëts nyëk päwäädë nits ëëts nijäw eedyë ku je isla y´ijty txëëwë Malta. ² Nits jääy mädi y´ijty kukäjp eedyëp ke ëëts jeyë x´oyjyäw eedyë nits ojts jëën tyëk tso´oktë näjts ëëts xkuentëpëktë je ku y´ijty tuup nits xuxp. ³ Nits ojts Pablo tkonmuky tuk ooxy mä´ts të´ëts nits ojts tjënkonë nits tu´uk tsä´äñ pyitsëëmy ku jëën txyäy ookë nits kyëpitkëjxë. ⁴ Ku jääy t´ixpät të mädi jem kukäjp eedyëp ku y´ijty tsä´äñ kyutëyë Pablo kyëjëm nits nyäwyäjnëdë tu´uk jädu´uk: "Yä´ät jääy yëk jääy y´ookpë tämyëdäm mädi të kye´eky määxy nyë jotm näjts tëy tyu´un ke kyupekyë nits jyukyët." ⁵ Nits Pablo twixijty tsä´äñ jën jotm nintso ojts kyäjety. ⁶ Nä y´ijty t´äixtë nits jyeexyë jem pä´äm pyäädyë o jyeexyë päooky nyäxkidä´äky jetyë empy ku y´ijty tjä ixy it të jeky jyäwë nits tjä ixy ku nintso kyä jety nits wyin mäny tyëk ti kätstë nits wyäntë dios je. ⁷ Nits jem tu´uk kyäm winkon mädi jefe tump jem isla Publio y´ijty je jäáy xyëëw eepy. Je ëëts ojts käpx pokxën xmo´oy je´ts ëëts ojts tuwëëk xëëw xyëk käy. ⁸ Nits jyä´äjty tëdäm Publio tyeety të y´ijty jëm pä´äm pyäädyë mëët päkxyë. Nits Pablo nyiky´xy tkënixäjy nits tkunukxtäjky nits txyojky. ⁹ Kots nä ojts tyunyë nits jääy mädiwë jem isla y´ijty jäk pëjkëp nits mëët myinkëxtë nits ojts txyok këxtë. ¹⁰ Nits ëëts jääy xtäwintsëjk eedyë më kä je wintsëjkën kots ëëts nyäk nyi oy äjtënyë. Nits ëëts ntsoonët nits ëëts xmoydyë ti ëëts xkäti ijt jeedyëp. ¹¹ Ku y´ijty të nyexy tuwëëk po´o nits ëëts barco ntätëjk eedyë mädiwë tsoomp Alejandria mädi y´ijty të xux tyëknexy jem isla mädiwë y´ijty biandera eepy xeeny jyääy. ¹² Ku ëëts njä´äty mëj käjp jotm mädiwë txëëw Siracusa jemts ëëts ntän eedyë tuwëëk xëëw. ¹³ Jemts ëëts ntsonkojmë nits ëën njägojmë më käjp jotm mädi txëëw Regio. Ku tu´uk xëëw nyäjxy nits poj ojts myiny sur nits kyu metsk xëëw ëën njä´ädë mëj käjp jotm mädiwë txëëw Puteoli. ¹⁴ Jemts ëëts mpät të nidugën mugu´uktëjk nits ëëts nyëk wätsoodë jets ëëts jem nmët täntët wixtujk xëëw. Näjts ëets njädë Roma. ¹⁵ Nits ku ëëts nmugu´uk tëjk tmädoodë nits ëëts xnimintë jäkem nexy tso óm Apio myääy jyotm nits mëët Tres Tavernas. Kots Pablo ojts t´ixy myugu´uktëjk nits Dios tmëj pëktäjky nits ojts nyämyëk moyë. ¹⁶ Kots ëëts ntëjk eedyë Roma nits Pablo yëk kupëjky nits jyukyët jeyë tu´uk soldado y´ixyit tët. ¹⁷ Nits jyääjty ku tuwëëk xëëw nyäjxy nits Pablo twä mujky mädiwë y´ijty nimë tuntëp judíos, kots yoymuk këxtë nits tnëjm ääy: "Mugu´uktëjktë oyëm ëts käoy ke njätuny mëët yä´ät näjx käjp mëët kostumbrë mädi y´ijty mäjäaÿ tyëjk tyuntëp. Ojts nyëk kexy nixkëm puxtëk jääy jem Jerusalen Romanos kyëjëm. ¹⁸ Ku ëts jedë xyëktëëdë nits ëts y´ijty x´okmäts tu´ut wä´äntë ke y´ijty tyi íty ti ëts nku oogëp. ¹⁹ Kots ojts judíos kyäpx äxäjy nä nixkëm tseky ojts nyëktä´äkuwänë nits nëkxt mä Cesar, oyëm wyenë jyägänäjë nixkëm jyeexyë niwämpejt tmutëkë mëët ëëts näjx nkäjp. ²⁰ Yë këxm ägëxts ëts n´ämädooy nits ëts miits n´ixtët nmukäpxtët. Jegëxm Israel kyuytyu´un ku ëts nkuwëënyë mä pujx tepy xy." ²¹ Nits jedë wyäntë. Ëëts ni ti nkäkuentëpeky neky mädiwë judea mits këxm. Nitugën mugu´uktëjk kyämintë mädiwë mniwëktsow äjtëdëp jets näy nyäj mädi mkäoytyijëp. ²² Nmädow wempy ëëts mits këxm ntso mits winmäy jets yë´ë secta. Jeku njäw eepy ëëts ku nimä yë kyäyëkpeky. ²³ Ku jedë y´ijty tnikäpx ooky tnikäpx ooky mä tu´uk xëëw je jye nimäy jyääy myintë mä jem txyëënë nits tämumätyäky nits twäjnë tso Dios myëj äjtën. Nits tnimätyäjky Jesus tpätsoontäjky mä´äm Moises kyutujk mëët profetas jätägyë jets ux. ²⁴ Nidugën tëyjyäw äjty ääw ayuujk jem tse mädi ke tëy jyäw eedyë. ²⁵ Ku jedë ke wyinmääny nyäwyädyë tu´uk jänidu´uk nits ojts nyëkxnëdë ku ojts Pablo yä´át tu´uk ayuujk tkepxy: "Je wä´äts jäwën oy ojts na tnikepxy Isaias je profeta mädi je mäjääy tyëjktë. ²⁶ Ku je wyääny: 'ÄNËKXË YË JÄÄY NITS XNËJMËT KU JE XMÄDOY MÄDO´OPTS JE MITS NÄYNYÄJMË, JETS KE TSE XWINJÄWËDËT, KU M´IXTË M´IXTËPTS MIITS, KE TSE XWINJÄWËDËT. ²⁷ KU YÄÄT JÄÄY Y´ÄÄW JYOOJT JYUUNKËXNË JETS TYÄTSK KE JETYË Y´OKMÄDOONË NITS WYIIN TË WYIMPIITSNË NITS KE Y´IXTËT YËKXON, JETS TYÄTSK TÄMÄDOODËT JETS TWINJÄWËDËT Y´ÄM JYOTM NITS JÄDUKYÄJË WYIMPIT TËT NITS ËTS NYËK TSO´OKT." ²⁸ Nijäwëdë ku yä´ät Dios myädäjkën näxwiinët jääy yëktänikextëp nikyxy tse tmädowdë. ²⁹ Kunä wyäa¨ny nits judíos kyektë këm jem je y´ijty nyäy y´ojyëdë. ³⁰ Pablo txyënääy pu´uky metsk jumëëjt mä´ám këm tyëjk t´ájuytyiuky jem ts y´ijty jääy y´is ixyë ppen jety is ix wäjnep. ³¹ Dios je y´ijty myëj äjtën nyimätyäjk jeepy jets je y´ijty mëk nyäknyi ixpëjk äjtëp je wintsën Jesucristo jye. Nipën ojts kyäyëk ätukyë.